bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 6
Revelation 6
Ika 2018 Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Ya m nọ hụn kẹ Nwa-ebulu hụ tọpụ eriri ohu imẹ eriri ẹsa hụ wẹ gi kẹnmẹ ẹhụhụọ hụ, m nọ nụ kẹ ohu imẹ ihiẹn ẹnọ hụ rị ndụn gi okẹn olu nọ kẹ akpabọ, sị, “Pụha!”
2
M nọ lee ẹnya, e lee ẹshin ọchan! Onyẹ rị e nyinn'ẹ gi ụtaa. Wẹ nọ ye ẹ okpu-eze, ọ nọ nyinrin ẹshin ẹ pụ d'e mẹrisọnmẹ agha.
3
Ogẹn Nwa-ebulu hụ gi tọpụ eriri nke ẹbụọ, m nọ nụ kẹ hụn mẹ wẹ ẹbụọ imẹ ihiẹn ẹnọ hụ rị ndụn sị, “Pụha!”
4
Ya kẹ ẹshin ọzọ nọ pụha. Ọnwan e nwun ufie-ufie. Wẹ nọ ye onyẹ rị e nyinn'ẹ ikẹn n'o wepụ udọn elu-ụwa, kẹni ịhịan gbumẹ ibe wẹ. Wẹ nọzị we ọpịa-agha hi-ogbe ye ẹ.
5
Ogẹn Nwa-ebulu hụ gi tọpụ eriri nke ẹtọ, m nọ nụ kẹ nke ẹtọ imẹ ihiẹn ndị hụ rị ndụn sị, “Pụha!” E lee m ẹnya, e lee ẹshin ogi! Onyẹ rị e nyinn'ẹ gi mkpu wẹ gi a ma ihiẹn.
6
M nọ nụ ihiẹn nọ kẹ olu rị e ku oku etintinnaị ihiẹn ẹnọ hụ rị ndụn, a sị, “Ọka jẹnkọ d'a kọgbu enwẹn ẹ: mkpu ọka-witi ẹnọ k'a wụdẹ egho-ọrụn akpọhịn! Mkpu ọka-bali mmakalaka mmẹbụọ k'a wụdẹ egho-ọrụn akpọhịn! Ewiwikwọlẹ ofigbọn-olivu lẹ manya!”
7
Ogẹn Nwa-ebulu hụ gi tọpụ eriri nke ẹnọ, m nọ nụ olu ihiẹn ohu rị ndụn, hụn mẹ wẹ ẹnọ, k'ọ sị, “Pụha!”
8
E lee m ẹnya, e lee ẹshin e nwun ṅanhịan kẹ mkp'ẹhụhụọ rịlẹni mma! Ẹfan onyẹ rị e nyinn'ẹ wụ Ọnwụn; Alị-mmọn sọnkọ a. Wẹ nọ ye wẹ ikẹn gi ọpịa-agha lẹ ụnwụn lẹ emu lẹ eje-anụ ndị rị elu ụwa gbupụ ụzọ ohu imẹ ụzọ ẹnọ imẹ ndị rị elu-ụwa.
9
Ogẹn Nwa-ebulu hụ gi tọpụ eriri nke isẹn, e lee m ẹnya okpuru ukpo nchụn-ẹjan, m nọ hụn umẹ-ndụn ndị wẹ gi ufiri oku Osolobuẹ lẹ ozi Jizọsị gbu.
10
Wẹ nọ weshi olu wẹ elu yi, “Euu Di-nwọnni-ẹnyi, Onyẹ ihiẹn ile rị okpuru ẹ, onyẹ rị nsọ, onyẹ ezioku! Nanị kẹ y'e biehan d'e kin ndị rị elu-ụwa ikpe, gbugwarị wẹ ogbugbu wẹ gbu ẹnyi?”
11
Ya wẹ nọ ye onyẹ-onyẹ imẹ wẹ ẹwuru ọchan tueni, sị wẹ zuzi ikẹn ẹkẹrẹ ni umunẹ wẹ lẹ idibo ibe wẹ zugụ ọnụ, umunẹ wẹ ịhịan jẹnkọ d'e gbu kẹ wẹ.
12
Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.
13
Kokisẹ nọ gha igwere danyesọnmẹ alị nọkẹ ebe okẹn ufere nọ nutusọnmẹ ogbe figi chanlẹni.
14
Igwere nọ fịfịrị nọkẹ ẹhụhụọ wẹ fịfịma, fopụ; ugu ile lẹ alị ile ohimin fihunmẹ nọ gha ọnọdị wẹ pụ.
15
Ya ndị-nze ụwa lẹ ndị uku lẹ ndị ndu-agha uku lẹ ndị ịdanfịn lẹ ndị ile wẹ gi oku wẹ e dọn lẹ ndị ọzọ ile — kẹ igbọn kẹ ndị nwọn enwẹn wẹ — wẹ ile nọ shi imẹ okporo lẹ ọmụma ndị rịsọnmẹ elu ugu d'a warị,
16
a sị ugu lẹ ọmụma ndị hụ, “Dankwasị nị ẹnyi, zuemẹ ẹnyi makẹ Onyẹ rị ukpo-eze gha e legha ẹnyi, makẹ iwe-lẹ-ọnụma Nwa-ebulu hụ gha e kunrun ẹnyi —
17
makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22