bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 19
Revelation 19
Ika 2018 Bible
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
1
Ọhụn e mẹgụ, m nọ nụ olu ihiẹn nọ kẹ igunrun hi-ogbe imẹ elu-igwee, wẹ hụ e yi, “Ịja-mma ya rịnị Osolobuẹ! Nzụọpụha lẹ ọghọ lẹ ikẹn wụ nke Osolobuẹ ẹnyi,
2
makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”
3
Wẹ nọ sịzị, “Ịja-mma ya rịnị Osolobuẹ! Ẹnwụnrụn ọkụn wẹ kpọ ịgbaraja ahụn hụ a lọshi elu jẹnrin ejẹn!”
4
Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”
5
Olu nọ gha ukpo hụ sị, “Ja nị Chuku ẹnyi mma, ụnụ idibo ẹ ile lẹ ndị ile a tụ egun ẹ, kẹ onyẹ-uku kẹ onyẹ-nta!”
6
Ya m nọ nụ okẹn olu hụn nọ kẹ olu igunrun hi-ogbe, nọkẹ nke okẹn mirin rị e huni, okẹn akpara, ọ hụ a sị, “Ịja-mma ya rịnị Osolobuẹ — makẹni Di-nwọnni-ẹnyi wụ Osolobuẹ ẹnyi, onyẹ hụn nwọn ikẹn ile, rị a kị!
7
Nị ẹnyi ghọghọma nị, a ṅan; nị ẹnyi yemẹ ẹ ọghọ, makẹni agbamẹkụkwọ Nwa-ebulu hụ e rugụọ; nwagbọọ o k'a lụ e kọnrinọlẹ.
8
“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.
9
Mmọn-ozi hụ nọ sị m, “De ihiẹnni: ‘Ngọzi a rịkakwọnị ndị hụ wẹ kpọ oriri agbamẹkụkwọ Nwa-ebulu hụ.’ ” Ọ nọzị sị m, “Ihiẹnni wụ oku Osolobuẹ nke-esi.”
10
Ya m nọ gbu osekpu ụkụ a kẹni m kụn'a isi alị. Kanị, ọ nọ sị m, “Emẹkwọlẹ a! M wụhụ odibo nọkẹ yụ lẹ umunẹ i, ndị ile kwọndọn oku Jesu. Kụ nị Osolobuẹ sụọ isi alị, makẹni ozi Jesu wụ nkọwa ihiẹn ile ndị-amụma ku.”
11
Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.
12
Ẹnya a hụ e nwun kẹ ọkụn. Okpu-eze bu ọda rị a isi. O nwọnzikwọ ẹfan wẹ de ẹhụ a hụn o mẹni onwọnni onyẹ marịn n'a wezụka ya sụọ.
13
O yi ẹwuru wẹ yọye imẹ ẹdeke. Ẹfan wẹ gi marịn a wụ “Oku Osolobuẹ”.
14
Ndị-agha elu-igwee nyinkọ ẹshin ọchan sọnkọ a. Ẹwuru wẹ wụ ezigbo linẹ ọchan nwọnlẹni nkarụ.
15
Ọpịa-agha tụnị o k'e gi mẹ alị ile ihiẹn rị a ọnụ. O k'e gi ọkpọ-igwe kị wẹ. O k'a zọkpụkpọ wẹ imẹ ebẹhụ Osolobuẹ nwọn ikẹn ile nọ e gi iwe-lẹ-ọnụma a a zọkpụkpọ ndị-njọ kẹ akpụrụ vaịnị.
16
Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”
17
Ya m nọ hụn mmọn-ozi ohu k'o turu imẹ ẹnyanwụn. Ọ nọ gi okẹn olu kpọ nnụnụ ile e fe imẹ elu oku, sị wẹ, “Bịa nị-o! Gbakikomẹ ni d'e ri oriri pụ ichẹn Osolobuẹ kpọ!
18
D'e ri ni anụ ndị-nze lẹ ndị ọkị-agha uku lẹ ndị odogun-agha; anụ ẹshin lẹ ndị e nyinni wẹ; anụ ịhịan ile — kẹ ndị nwọn enwẹn wẹ kẹ igbọn, kẹ ndị uku kẹ ndị nta!”
19
Ya kẹ m nọ hụn eje-anụ hụ lẹ ndị-nze ụwa lẹ ndị-agha wẹ ebe wẹ gbakikomẹ nị wẹ d'a lụsọn Onyẹ ahụn rị e nyin ẹshin hụ lẹ ndị-agha a ọgụn.
20
Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;
21
gi ọpịa-agha rị ọnụ onyẹ ahụn rị e nyin ẹshin ọchan gbupụ ndị họdụnị. Ya nnụnụ ile nọ gi anụ wẹ rikarị ẹfọ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22