bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Revelation 16
Revelation 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
1
Ya m nọ nụ kẹ olu hannị gha imẹ Ụlọ-nsọ elu-igwee ebẹhụ gwa ndị mmọn-ozi ẹsa hụ oku, sị wẹ, “D'e hu ni iwe-lẹ-ọnụma Osolobuẹ rị imẹ afẹrẹ ẹsanị ye elu-ụwa.”
2
Ya mmọn-ozi ibuzọ nọ jẹn d'e hu ihiẹn rị imẹ afẹrẹ a ye elu-ụwa, eje-ẹtẹ e shin, a tụrụ, nọ jun ndị ahụn ẹhụ, ndị ahụn bu ahịma eje-anụ ahụn lẹ ndị fe hụn wẹ leri ẹ kpụ.
3
Mmọn-ozi nke ẹbụọ nọ hu ihiẹn rị imẹ afẹrẹ a ye imẹ ohimin, mirin ohimin nọ rị kẹ ẹdeke onyẹ nwụnhụnnị. Ihiẹn ile rị ndụn imẹ ohimin nọ nwụnhụn.
4
Mmọn-ozi nke ẹtọ e hu ihiẹn rị imẹ afẹrẹ a ye imẹ iyi lẹ isi-mirin rịsọnmẹ ụwa, wẹ nọ họnrin ẹdeke.
5
Ya kẹ m nọ nụ kẹ mmọn-ozi mirin ile rị ẹka a sị, “Euu Onyẹ-nsọ, onyẹ hụn rị kikẹnni hụn rịzịkwọ mbụ, ihiẹn furuni k'i mẹ ebe ị nọ ye afụnfụn ndịnị.
6
Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”
7
M nọ nụ kẹ ukpo nchụn-ẹjan shịarị, sị, “Ẹghẹẹ, Chuku-nwọnni ẹnyi hụn nwọn ikẹn ile, ikpe ị ma wẹ hụ mma, ezigbo eṅẹn kẹ y'a han!”
8
Mmọn-ozi nke ẹnọ nọ hu ihiẹn rị afẹrẹ a ye ẹnyanwụn, mẹ anwụn ma ịhịan ọda-ọda.
9
Ọ ma wẹ ọda-ọda, wẹ nọ kpọma Osolobuẹ hụn rị e zihẹ afụnfụn ndịnị wẹ iyi. Egini w'ẹ rogharị, ye ẹ ọghọ.
10
Mmọn-ozi nke isẹn nọ hu ihiẹn rị imẹ afẹrẹ a ye ukpo-eze eje-anụ hụ, alị-eze eje-anụ hụ nọ gba ishi; wẹ hụ a tadẹ ire wẹ makẹ okẹn ụfụ wẹ rị imẹ ẹ;
11
wẹ nọ kpọma Chuku rị elu-igwee iyi makẹ ụfụ lẹ ẹtẹ rị wẹ ẹhụ; ebihutọnị wẹ ẹka.
12
Mmọn-ozi nke isin e hu ihiẹn rị afẹrẹ a ye iyi uku Yufretisi, mirin ẹ nọ tahị, họnrin ụzọ ndị-nze rị ibẹka ọwụwa-ẹnyanwụn k'a ghaha.
13
M nọ hụn eje-mmọn ẹtọ rịsọnmẹ kẹ ẹwọ kẹ wẹ ghasọnmẹ ọnụ Dragọnụ lẹ ọnụ eje-anụ hụ lẹ ọnụ onyẹ amụma-ntụ hụ pụla.
14
Eje-mmọn ndị a rụnsọnmẹ ọrụn-atụmẹnya; uwẹ e jẹn d'a kpọgbama ndị-nze ile rị ụwa makẹ agha wẹ jẹnkọ d'a lụ Ụhụọhịn ahụn Osolobuẹ nwọn ikẹn ile kaye.
15
(Jesu sị, “Lee ẹ! M jẹnkọ d'a bịa idẹnmizi nọkẹ ohin. Ngọzi jẹnkọ d'a rịnị onyẹ k'e dọnrin ẹnya, kwọnkẹnmẹ ẹwuru ẹ, amamgbe ọ gi ọtọ ghahunmẹ, ifẹnrẹn e mẹgbu ẹ!”)
16
Eje-mmọn ẹtọ hụ nọ kpọkwama ndị-nze, wẹ ile nọ zu imẹ ebe w'a kpọ Harụ-Amagidọnụ asụsụ Hibru.
17
Mmọn-ozi nke ẹsa e hu ihiẹn rị afẹrẹ a ye imẹ ufere, okẹn olu nọ gha ukpo-eze hụ, imẹ Ụlọ-nsọ, sị, “Ọ mẹgụọ!”
18
Amụma nọ besọnmẹ, mirin nọ dẹnsọnmẹ, akpara a hansọnmẹ, alị nọ zinzin ọda-ọda. Alị ezinzintuni ẹnịna kete ịhịan bimẹlẹ ụwa — o zinzinkẹnmẹkẹ!
19
Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.
20
Alị ile ohimin fihunmẹ nọ fopụ; ahụnzịnị wẹ ugu ọwụlẹ.
21
Ẹregede ẹkwan-igwere nyịn kẹ ẹkpa simẹnti hụ a gha elu igwere a dankwasị ịhịan — ya wẹ nọ bụma Osolobuẹ ọnụ yeni ihiẹn ẹkwan-igwere ahụn rị e mẹ wẹ, makẹni o mẹshigụọ wẹ ikẹn ọda-ọda!
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22