1 Kings 17

Mien Bible (Thai Script) © Thailand Bible Society, 2007

← Chapter 16 Jump to: Chapter 18 →

1ม่าย เต้า ทิดบี เมี่ยน, บั๋ว เห่ว เอลียา, เยียม กิเลอาด เต่ย, ทิดบี วั้ว นอม ต๋อง ต้าย ก๊อง บั๋ว อาหับ ฮู่ง, “เยีย เฒี้ยง เจี๊ยน เหยียด ลิ์ว เฒี่ยง เญย เฒี้ยว, อิสะลาเอน เมี่ยน เญย ทิน-ฮู่ง, ต้ง เยีย ฟู-สู วั้ว เต้า, แล์ง หว่า. น้าย เต๋ย อี เหฒีย หฮญัง ลู่ง ไม้ ตุ้ย บยู่ง หย่า ไม้ ม่าย บยู่ง-ซุ้ย, ธ้วด ลิ์ว เยีย ก๊อง.”

2เฒี้ยว ก๊อง บั๋ว เอลียา,

3“ธ้วด น้าย นอม ต๋อง หูง เจี๊ยน ตง ปูง แหมง มี่ง จอแดน ด้าย เญย ตง ปูง แหมง ปี๋ง เจี๊ยน เคลี้ดทา โด๊ะ- เฮลน.

4เม่ย ฯฒฯ ตุ๊ ฮบ โด๊ะ เญย ววม. เยีย หย่า พ้าย เหนาะ อา เยียม หน่าย หวุย เม่ย.”

5เอลียา ฯฒฯ เอย เจี๊ยน เฒี้ยว เญย หว่า โหฒว. นิ่น มี่ง เยียม จอแดน ด้าย ตง ปูง แหมง, เคลี้ดทา โด๊ะ- เฮลน.

6ลู่ง ดอม เหธา ลู่ง ม์าน-หฮมวัง เหนาะ อา ต้อ ฌั้ว เหธา อ๊อ ต้าย ปุน นิ่น หญั่น. นิ่น หย่า ฮบ โด๊ะ เญย ววม.

7เยียม เกา, โด๊ะ เญย ววม ฆาย หมี่ อ๊ะ, เหว่ย หฒุ เยียม วั้ว นอม เต่ย-ปูง ลู่ง ไม้ ตุ้ย บยู่ง.

8เฒี้ยว ฯฒฯ ก๊อง บั๋ว นิ่น,

9“อี้ หฒั่น มี่ง ไซดอน เญย สาเลฟัด มู้ง เยียม เจี๊ยน วั้ว. เยีย พ้าย เหฒียง เยียม วั้ว เญย เหยียด เต้า เอ๊า-กว๊า จวัง เม่ย.”

10เอลียา ฯฒฯ มี่ง สาเลฟัด. เถา มู้ง เญย หลาด แก้ง, นิ่น ปวัด เต้า เอ๊า-กว๊า เยียม วั้ว เฑ์า ฒ่าง. นิ่น ฯฒฯ เห่ว น้าย เต้า เอ๊า-กว๊า, “โท้ ฒ่าง เต๋ย ววม ต้าย ปุน เยีย ฮบ โอ่.”

11เอ๊า-กว๊า มี่ง ฒ่าง ววม วั้ว หฒั่น, เอลียา เห่ว เจี๊ยน ก๊อง, “โท้ เม่ย หย่า ต้อ ติ๊ เตียน ฌั้ว ต้าย ปุน เยีย หญั่น โอ่.”

12น้าย เต้า เอ๊า-กว๊า เตา, “เยีย เฒี้ยง เจี๊ยน เหยียด ลิ์ว เฒี่ยง เญย เฒี้ยว, เม่ย เญย ทิน-ฮู่ง, บั๋ว เม่ย, เยีย ไม้ ม่าย ฌั้ว. เยีย ขูง ม่าย ดุ เญา บ๊วน เยียม วั้ว อ๋ง, หย่า ม่าย ติ๊ เตียน กะลั้น โย่ว เยียม วั้ว แป้ง ฮนั้ง. เยีย เฑ์า ฒ่าง ต้อ หฑวน มี่ง โหฒว ฌั้ว เหว่ย เยีย เหธา เยีย เญย ตอน. เยีย บัว หญั่น ลิ์ว ฯฒฯ ฒั้ว เจี๊ยน ไต่ อ๊ะ.”

13เอลียา ก๊อง บั๋ว นิ่น, “ไม้ ตู๋ง กั้ม เหฑีย. กุ๊น หฑวน มี่ง เอย เม่ย ก๊อง เญย หว่า โหฒว. หล่ง เม่ย ม่าย เญย โหฒว นอม ฌั้ว-ตอน แอ๋ง ต้อ ต้าย ปุน เยีย ด่าง. ฆะฮ้า โหฒว เหว่ย เม่ย เหธา เม่ย เญย ตอน.

14เหว่ย หฒุ เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย นอ ก๊อง, ‘เยียม อ๋ง เญย บ๊วน ไม้ ไฮ่ เหฑ่ง, แป้ง เญย โย่ว หย่า ไม้ ตั๋ง, เถา เฒี้ยว ปุน ลู่ง ตุ้ย บยู่ง เหฌี่ย น้าย นอม เต่ย-ปูง.’”

15นิ่น ฯฒฯ มี่ง เอย เจี๊ยน เอลียา เญย หว่า โหฒว. เอลียา เหธา วั้ว เต้า มเซียะ ตอน เหธา นิ่น เญย ฮมวั้ง ต่อย ฯฒฯ ม่าย เก๋า หญั่น เหฒียๆ ฮนอย เญย.

16อ๋ง เญย บ๊วน ไม้ เหฑ่ง. แป้ง เญย โย่ว หย่า ไม้ ตั๋ง, หฒิว เฒี้ยว หล่ง เอลียา ก๊อง เญย หว่า.

17เยียม เกา, ฆะฮ้า เปย๊า-เฒี้ยว เญย ตอน, เซ น้าย เต้า เอ๊า-กว๊า เญย ตอน, ปุ๊ด แป่ง. แป่ง หย่า เฮนี้ย ไห่, กุ๊น โหฒว กุ๊น โค้ว, เถา นิ่น เญย เฉีย ตั๋ง หมี่ อ๊ะ.

18เอ๊า-กว๊า ก๊อง บั๋ว เอลียา, “ทิน-ฮู่ง เญย เมี่ยน อ้า! เม่ย ปวัด เยีย โหฒว หาย หญู่ง ต่อง เม่ย ไฟ? เม่ย ต้าย น้าย ปุน เยีย จั๋ง หฒุ เยีย เญย ฒุ์ย หย่า ปุน เยีย เญย ตอน ไต่?”

19เอลียา เตา, “เฒาะ เม่ย เญย ตอน ปุน เยีย ม่าะ!” เอลียา ฯฒฯ เฒาะ วั้ว เต้า ตอน เยียม เอ๊า-กว๊า เญย ปั์ว ฮล้อบ ต้าย ต้อ ฝาว กู้ หงว่าย เถา นิ่น เยียม วั้ว ฉง, อัน เจี๊ยน โหธว.

20นิ่น ฯฒฯ หล่ง เฉีย บุย เญย เห่ว เฒี้ยว, “โอ เฒี้ยว, เยีย เญย ทิน-ฮู่ง อ่า, เยีย เยียม น้าย เต้า เอ๊า-กว๊า เญย เปย๊า, เม่ย หย่า ปุน นิ่น หฒุ เหฒะ หน่าน, ปุน นิ่น เญย ตอน ไต่?”

21เอลียา ฯฒฯ บ๊าบ เหฌี่ย วั้ว เต้า ตอน เญย ซิน ปัว หฑุ่น หย่า เห่ว เฒี้ยว, “โอ เฒี้ยว, เยีย เญย ทิน-ฮู่ง อ่า, โท้ ปุน น้าย เต้า ตอน เญย แหม่ง หฑวน ต้าย เยียม นิ่น เญย ซิน.”

22เฒี้ยว หมวัง เอลียา เญย เฉีย. น้าย เต้า ตอน เญย แหม่ง ฯฒฯ หฑวน ต้าย เยียม นิ่น เญย ซิน, นิ่น ฯฒฯ นั่ง ต้าย อ๊ะ.

23เอลียา เยียม กู้ หงว่าย วั้ว ฑั่ง เปย๊า ฮล้อบ น้าย เต้า ตอน เหฌี่ย ต้าย เปียะ เปย๊า มี่ง, จิว น้าย เต้า ตอน ปุน นิ่น เญย มา หย่า ก๊อง, “หมั่ง ม่าะ! เม่ย เญย ตอน นั่ง ต้าย อ๊ะ.”

24วั้ว เต้า มเซียะ ตอน ก๊อง บั๋ว เอลียา, “อี้ หฒั่น เยีย ฮิ้ว ตุ๊ เม่ย เซ ทิน-ฮู่ง เญย เมี่ยน. เฒี้ยว หล่ง เม่ย เญย ฑุ่ย ก๊อง เญย หว่า หย่า หฒะเก้ง เฒียน เญย.”

← Chapter 16 Jump to: Chapter 18 →