2 Samuel 1

Mien Bible (Thai Script) © Thailand Bible Society, 2007

Jump to: Chapter 2 →

1เซาโล เกวย เสย หมี่ อ๊ะ. ฆะฮ้า ดาวิด มี่ง ไต๋ อามาเล้ก เมี่ยน หฑวน ต้าย, นิ่น เยียม สิกล้าก ฮิด อี ฮนอย.

2เถา ตะฟาม ฮนอย, ม่าย เต้า เมี่ยน เยียม เซาโล เญย ด๊บ-ลิ่ว เธี้ยง ต้าย. นิ่น ฒุ เจี๊ยน ลุย-โหว-ฮู้. มฆ้อง หย่า หฮยาม เจี๊ยน เนีย-บูง. นิ่น ต้าย เถา ดาวิด เญย หฑะเฮมียน พัวะ เหฌี่ย เดา ป๋าย.

3ดาวิด หน่าย นิ่น, “เม่ย เยียม หาย ต้าย?” นิ่น เตา “เยีย เยียม อิสะลาเอน เมี่ยน เญย เธี้ยง เปย๋า ธ้วด ต้าย.”

4ดาวิด แอ๋ง หน่าย นิ่น, “โท้ เม่ย บั๋ว เยีย, สี่ ฮนั้ง หาย นอ?” นิ่น เตา ก๊อง, “แปะ ฝีง เยียม เบ๊าะ จ๋า กะญั์ว เปย๋า, หย่า ม่าย เมี่ยน หฒุ ไต๋ ไต่ ธั้ม. เซาโล เหธา นิ่น เญย ตอน, โยนาทาน, หย่า ไต่ หมี่ อ๊ะ.”

5ดาวิด หน่าย โต่ว เฝียน เญย เมี่ยน หลุน เมี่ยน, “เม่ย ฮนั้ง หาย นอ ฮิ้ว ตุ๊ เซาโล เหธา นิ่น เญย ตอน, โยนาทาน, ไต่?”

6โต่ว เฝียน เญย เมี่ยน หลุน เมี่ยน ก๊อง, “เยีย จังๆ เถา กินโบอา บง, ปวัด เซาโล บ๊าบ เจี๊ยน นิ่น เญย ธัง. เบ๊าะ จ๋า เธีย เหธา เก้ ม์า แปง หฒุ่น เจี๊ยน นิ่น ต้าย ฟัด อ๊ะ.

7นิ่น ฮวิน หฑวน หมั่ง ปวัด เยีย ฯฒฯ ชะ เห่ว เยีย. เยีย ก๊อง, ‘เยีย เยียม น้าย โอ่.’

8“นิ่น หน่าย เยีย, ‘เม่ย หาย เต้า?’ “เยีย เตา, ‘เยีย เซ อามาเล้ก เมี่ยน.’

9“นิ่น ก๊อง, ‘โท้ เม่ย ต้าย โซ้ว เยีย กะเฮลน ไต๋ เยีย ไต่, เหว่ย หฒุ เยีย หฒุ เซียง, มุน ไห่, มป่า เยีย หธ่อ ไม้ ไต่.’

10“เยีย ฯฒฯ มี่ง โซ้ว เจี๊ยน นิ่น เญย กะเฮลน ไต๋ ไต่ นิ่น เหว่ย หฒุ เยีย ฮิ้ว ตี่ง นิ่น คีง เหฌี่ย นอ, ไม้ ไฮ่ นั่ง อ๊ะ. เยีย ฯฒฯ หมวน นิ่น เญย ฮู่ง นี้ง หย่า เฒาะ ปั์ว เญย เจี้ยม ต้อ ต้าย จิว ปุน เม่ย, เยีย เญย เฒี้ยว.”

11ดาวิด ฯฒฯ เป๊ด นิ่น เญย ลุย. กัน นิ่น วั้ว เต๋ย เมี่ยน หย่า ฟี่ ฮนั้ง เญย โหฒว.

12นิ่น บัว เฑ่า เญี้ยม, เฒย ไม้ หญั่น หาย หญู่ง เถา ลู่ง ม์าน-หฮมวัง. นิ่น บัว ฮนั้ง น้าย นอ โหฒว เหว่ย เซาโล เหธา นิ่น เญย ตอน, โยนาทาน, หย่า เหว่ย เฒี้ยว เญย แปะ ฝีง เหธา อิสะลาเอน เมี่ยน เญย เฒ้ย-ฟุน หฒุ หฑุ ด๊าว ไต๋ ไต่.

13ดาวิด หน่าย โต่ว เฝียน วั้ว เต้า เมี่ยน หลุน เมี่ยน, “เม่ย เยียม หาย ต้าย?” นิ่น เตา, “เยีย เซ เยียม เต่ย-ปูง, กั้น ฝีง เมี่ยน เญย ตอน, เซ อามาเล้ก เมี่ยน.”

14ดาวิด ก๊อง, “เม่ย เหว่ย หาย ติ่ว ไม้ กั้ม เหฑีย ซูง ปั์ว ไต๋ เฒี้ยว หล่ง โย่ว ออน ต้าย เญย เมี่ยน?”

15ดาวิด ฯฒฯ เห่ว เหยียด เต้า เยียม วั้ว เญย เมี่ยน หลุน เมี่ยน ต้าย, ก๊อง บั๋ว นิ่น, “เม่ย มี่ง ไต๋ นิ่น ม่าะ!” นิ่น ฯฒฯ ไต๋ ไต่ วั้ว เต้า เมี่ยน.

16ดาวิด ก๊อง บั๋ว นิ่น, “เม่ย ไต๋ เมี่ยน เญย ฒุ์ย เม่ย กั้น อ๋อย หฒุ ดาม-ตอง, เหว่ย หฒุ เม่ย กั้น เญย ฑุ่ย โหฒว ฒอง-เหฒง ก๊อง, ‘เยีย ไต๋ เฒี้ยว หล่ง โย่ว ออน ต้าย เญย เมี่ยน.’”

17ดาวิด เหว่ย เซาโล เหธา เซาโล เญย ตอน, โยนาทาน, ป๋าว น้าย ติ้ว เฑ่า เญี้ยม เญย ฑูง.

18ดาวิด เห่ว เฒาะ น้าย ติ้ว ฑูง หฌาว ยูดา เมี่ยน. ฑูง เฟี้ย เจี๊ยน ยาซา เญย โซว. ฑูง ก๊อง,

19“โอ อิสะลาเอน เมี่ยน อ่า, เม่ย เญย เปย๊ย เฒ้ย เยียม เม่ย เญย ต๋อง หฒุ ไต๋ ไต่ หมี่ อ๊ะ. เม่ย เญย เมี่ยน เฮ้น เมี่ยน ไต่ หมี่ อ๊ะ.

20“เยียม กัด ไม้ ตู๋ง ก๊อง น้าย เต๋ย สี่, หย่า ไม้ ตู๋ง เยียม อัดเคโลน เญย เฮย-ห่อง ฒุ่น. เหฑีย ฟีลิสะเตีย เมี่ยน เญย เซียะ เฌียน-โย่ว, เฑ่า เหย ไม้ เจี๋ย ก๊าด เญย เล์ย วั้ว เต๋ย เมี่ยน เญย เซียะ ออน-เหลาะ.

21“กินโบอา บง-ไอ๊ อ่า, โท้ ไม้ ตู๋ง ม่าย บยู่ง ไฟ ม่าย บยู่ง-ซุ้ย เหฌียว เม่ย. โท้ ไม้ ตู๋ง ปุน เม่ย เญย ลี่ง เต่ย ธ้วด แกง-หฒวัง โหฒว ฝ่ง ห่อ เญย กะน้าย, เหว่ย หฒุ เมี่ยน เฮ้น เมี่ยน เญย ท้อง-ป้าย เยียม วั้ว หฒุ ม่าย หวุย. เซาโล เญย ท้อง-ป้าย ไม้ ตุ๊ แอ๋ง ฑ้าด โย่ว.

22เยียม หฒุ ไต๋ ไต่ เญย เมี่ยน เญย ฑย้าม, เยียม เมี่ยน เฮ้น เมี่ยน เญย เฮมย, โยนาทาน เญย จวัง-หฒิน เญย ฟอง-ธัง ไม้ ต๋าว ฆาง, เซาโล เญย หฑุ ด๊าว หย่า ไม้ เฒ์ย แปะๆ หฑวน.

23“เซาโล เหธา โยนาทาน อ้า! เมี่ยน ฮนั้ม หย่า อ๋อย เญย. ไม้ กุ๊น เฒี่ยง ไฟ ไต่, นิ่น บัว ไม้ เล่ย ฆอย ต่อย. นิ่น บัว อี เต้า เก้า เซี้ยบ ต้ม จ๊าง, หย่า เก้า เฮ้น เจี๋ย เซี่ยน.

24“อิสะลาเอน เญย เซียะ อ้า! อ๋อย หฒุ เหว่ย เซาโล เฑ่า เญี้ยม. นิ่น ปุน เม่ย บัว ฒุ เซ้ด ซิ เญี์ยม เญย เธี่ยว ตุ่น, ปุน เม่ย บัว เญย ลุย-โหว ม่าย เจียม เญย เซียว-เซ้ด ฒอง.

25“เมี่ยน เฮ้น เมี่ยน เยียม เบ๊าะ จ๋า เธี้ยง คีง เหฌี่ย ไต่ หมี่ อ๊ะ. โยนาทาน เยียม อิสะลาเอน ฮลัง เญย ต๋อง หฒุ ไต๋ ไต่.

26เยีย เญย ก๋อ, โยนาทาน อ่า, เยีย เหว่ย เม่ย เฮญี้ยว มุน. เยีย เก้ง ฮนั้ม ไห่, จั๋ง ไห่ เม่ย. เม่ย ฮนั้ม เยีย เญย เจ๊า หฒะเก้ง บัวะ ฮ่อง ไห่, ฒู้ง เจี๋ย ด่าง มเซียะ ตอน ฮนั้ม เญย.

27“เมี่ยน เฮ้น เมี่ยน คีง เหฌี่ย ไต่ หมี่ อ๊ะ. เบ๊าะ จ๋า เญย หวัวะ กิ่น หย่า หฒุ เหมียด หมี่ อ๊ะ.”

Jump to: Chapter 2 →