2 Samuel 4

Mien Bible (Thai Script) © Thailand Bible Society, 2007

← Chapter 3 Jump to: Chapter 5 →

1เซาโล เญย ตอน, อิดโบเซ้ด, ไฮ์ ก๊อง อับเน เยียม เฮโบโลน ไต่, นิ่น ต๊าม ไฝ หมี่ อ๊ะ. อิสะลาเอน เญย หฒวัง เมี่ยน หย่า กั้ม เหฑีย ไห่.

2เซาโล เญย ตอน, อิดโบเซ้ด, ม่าย อี เต้า โหฒว ลู้ เมี่ยน เญย แปง-กวั้น เญย เปย๊ย เฒ้ย. เหยียด เต้า เญย บั๋ว เห่ว บาอานา, ม่าย เต้า เห่ว เลค้าบ. นิ่น บัว เซ เบเอโล้ด เมี่ยน, เบนยามิน ฝีง, ลิมโมน เญย ตอน เหว่ย หฒุ เบเอโล้ด ฝุน เป๋น เบนยามิน เมี่ยน เญย เต่ย.

3ฒิ่น ด่าง เบเอโล้ด เมี่ยน เปย๋า ต้าย เยียม กิดทาอิม ฯฒฯ เยียม เจี๊ยน หน่าย เถา อี้ จ๋า ฮนอย.

4เซาโล เญย ตอน, โยนาทาน, ม่าย เต้า ตอน เหฒา ไบ เญย. นิ่น ตุ๊ ปยา หฮญัง วั้ว หฒั่น, ม่าย เฝียน เยียม ยิดเลเอน ต้าย ก๊อง เซาโล เหธา โยนาทาน หฒุ ไต๋ ไต่ หมี่ อ๊ะ. กู้งว์า-โปว ฯฒฯ ฮล้อบ เจี๊ยน นิ่น ถิว เปย๋า. ก๊าน เจี๊ยน เปย๋า วั้ว หฒั่น, น้าย เต้า ตอน ด๊อด เหฌี่ย เดา, เหฒา ไบ หมี่ อ๊ะ. น้าย เต้า ตอน เญย บั๋ว เห่ว เมฟีโบเซ้ด.

5ม่าย ฮนอย นอ เบเอโล้ด เมี่ยน, ลิมโมน, เญย อี เต้า ตอน, เลค้าบ เหธา บาอานา, ธ้วด เจ๊า มี่ง อิดโบเซ้ด เญย เปย๊า. เถา ต้าย วั้ว หฒั่น เซ ลู่ง เหฒียง อ๋าน หญุด โตะ เญย เฒี่ยง โห่. อิดโบเซ้ด เปว๋ย ฮิด ขวน.

6นิ่น บัว เปียะ เปย๊า กะญั์ว เญย ต๋อง โหฒว ฮนั้ง อ๋อย เฒาะ เบย้า วิด, ฯฒฯ ฑบ อิดโบเซ้ด เญย กะเซีย. เลค้าบ เหธา นิ่น เญย ก๋อ, บาอานา, ฯฒฯ เปย๋า.

7นิ่น บัว เปียะ เปย๊า วั้ว หฒั่น, นิ่น บัว เปียะ นิ่น เญย เกน, ปวัด นิ่น เปว๋ย เจี๊ยน วั้ว โหธว ฮิด ขวน. นิ่น บัว เฒาะ นิ่น ไต๋ ไต่, ฮงะ นิ่น เญย มฆ้อง ต้อ เจี๊ยน มี่ง, เฒี่ยง ม์วน ยั่ง เจ๊า เจี๋ย อาลาบา.

8นิ่น บัว ต้อ อิดโบเซ้ด เญย มฆ้อง เถา เฮโบโลน ฝูง ปุน ดาวิด แอ๋ง ก๊อง, “น้าย เซ เม่ย เญย วิน-วั้ง ต้ง เม้า เม่ย เญย แหม่ง วั้ว เต้า เซาโล เญย ตอน, อิดโบเซ้ด, เญย มฆ้อง. อี้ ฮนอย เฒี้ยว เถง เยีย เญย เฒี้ยว, ฮู่ง เตี๋ย, จ๊าว วิน ปุน เซาโล เหธา นิ่น เญย เฒ้ย-ฟุน.”

9มป่า ดาวิด เตา เบเอโล้ด เมี่ยน, ลิมโมน เญย ตอน, เลค้าบ, เหธา นิ่น เญย ก๋อ, เบเอโล้ด, “เยีย เฒี้ยง เจี๊ยน เฒี่ยง เจี๊ยน เญย เฒี้ยว โฮ้ว หว่า, ต้ง เหฌียว เยีย เปย๋า ดุ๊ด หญู่งๆ โค้ว หน่าน เญย เฒี้ยว,

10ม่าย เต้า เมี่ยน ต้าย บั๋ว เยีย วั้ว หฒั่น, ‘เซาโล ไต่ หมี่ อ๊ะ,’ นิ่น หล่าย นิ่น ต้อ คู้ เฝียน บั๋ว เยีย. เยีย ฯฒฯ เฒาะ เจี๊ยน นิ่น เยียม วั้ว สิกล้าก ไต๋. น้าย เซ เหว่ย นิ่น เญย คู้ เฝียน เยีย จ๊าว เญย ฒี่ง เหญ่ย.

11วั้ว หญู่ง, คู้ เมี่ยน เยียม กั้น เญย เปย๊า, กั้น เญย โหธว หฒุ เอ๊าะ เมี่ยน ไต๋, เยีย ไม้ เฒ์ย เก้า ฟัด อ๋อย ตี่ง เม่ย บัว เญย ฒุ์ย ไต๋ เม่ย บัว กวั่ง, ไม้ เลี่ยว เม่ย บัว เยียม ลู่ง เดี๊ย ไฟ?”

12ดาวิด ฯฒฯ พ้าย นิ่น เญย เมี่ยน หลุน เมี่ยน. นิ่น บัว ฯฒฯ ต้อ นิ่น บัว อี เต้า มี่ง ไต๋ ไต่, ฮงะ นิ่น บัว เญย ปั์ว-เหฒา ดุ๊ด, ต้อ นิ่น บัว มี่ง ดิ๋ว เฮโบโลน เญย ฌ่าง กะเฮลน. มป่า นิ่น บัว ต้อ อิดโบเซ้ด เญย มฆ้อง มี่ง หฒัง เจี๊ยน อับเน เญย โฒ้ว กะญั์ว, เฮโบโลน วั้ว.

← Chapter 3 Jump to: Chapter 5 →