Joshua 11

Mien Bible (Thai Script) © Thailand Bible Society, 2007

← Chapter 10 Jump to: Chapter 12 →

1ฮาโซ ฒี่ง เญย ฮู่ง, ยาบิน, ตุ๊ ไฮ์ น้าย เต๋ย สี่, ฯฒฯ พ้าย เมี่ยน มี่ง ล์อ มาโดน ฒี่ง เญย ฮู่ง, โยบับ, เหธา ซิมโลน ฒี่ง เญย ฮู่ง เหธา อักซ้าบ ฒี่ง เญย ฮู่ง,

2เหธา เยียม ป๊ะ ปูง แหมง เญย บง-ไอ๊ ต๋อง เญย ฮู่ง, เหธา เยียม คินเนเล้ด เญย น่าม ปูง แหมง, อาลาบา เต่ย, เหธา เยียม หละไอ๊ ต๋อง เหธา ไฟ ปูง แหมง เญย นาโฟ้ดโดอา เญย ฮู่ง เตี๋ย.

3นิ่น แอ๋ง พ้าย เมี่ยน มี่ง ล์อ ตง ปูง เหธา ไฟ ปูง เญย คานาอัน เมี่ยน, เยียม บง-ไอ๊ ต๋อง เญย อาโมไล เมี่ยน, ฮิดไท เมี่ยน, เปลิดซี เมี่ยน, เยบุด เมี่ยน เหธา เยียม มิดปา เต่ย, เฮโมน บง- จั๊วะ เญย ฮีไว เมี่ยน.

4น้าย เต๋ย ฮู่ง เตี๋ย เหธา นิ่น บัว เญย หฒวัง แปง-ม่าน ธ้วด ต้าย ด่ง เยียม ค้อย-เฮลน เญย ซา-เฒียว ธั้ม. หย่า ม่าย ม์า เหธา เบ๊าะ จ๋า เญย ม์า-เธีย ธั้ม ไห่.

5น้าย เต๋ย หฒวัง ฮู่ง ต้าย กั๊บ ฒุ้น ต่อย เหลียบ เธี้ยง เยียม เมโลม ววม- เฮลน, อ๋อย เหธา อิสะลาเอน เมี่ยน เบ๊าะ จ๋า.

6เฒี้ยว ก๊อง บั๋ว โยซูวา, “ไม้ ตู๋ง กั้ม เหฑีย นิ่น บัว. ฌัง ฮนอย ต๋อย น้าย นอม เฒี่ยง โห่, เยีย อ๋อย เฒาะ นิ่น บัว จิว ปุน อิสะลาเอน เมี่ยน. นิ่น บัว เหยียด ฒู้ง หย่า ไต่ เหฑ่ง หมี่ อ๊ะ. เม่ย บัว อ๋อย หฒุ ฮงะ ตั๋ง นิ่น บัว เญย ม์า เญย ต้ม หลวั่ง จาน, หย่า หล่ง โต์ว ปั๊ว เหฑ่ง นิ่น บัว เญย เบ๊าะ จ๋า เธีย.”

7โยซูวา ต้อ เหยียด ฒู้ง แปง-ม่าน เยียม เมโลม ววม- เฮลน เลี่ยม เฒ่ย ปวั้ง หฒุ ฯฒฯ เบ๊าะ นิ่น บัว.

8เฒี้ยว เฒาะ นิ่น บัว จิว ปุน อิสะลาเอน เมี่ยน หมี่ อ๊ะ. อิสะลาเอน เมี่ยน ฯฒฯ หฒุ่น เจี๊ยน ไต๋ เจี๊ยน นิ่น บัว มี่ง เถา ไซดอน ต้ม ฒี่ง เหธา มิดเลโฟ้ดมาอิม หย่า หฒุ่น หูง เจี๊ยน ตง ปูง แหมง มี่ง เถา มิดปา ฮ์อง ไต๋ เหฑ่ง นิ่น บัว. ไม้ เหฒ่ง เหยียด เต้า ตุ๊ ธ้วด สีง แหม่ง.

9โยซูวา เอย เจี๊ยน เฒี้ยว พ้าย เญย หว่า โหฒว. นิ่น ฮงะ ตั๋ง ม์า เญย ต้ม หลวั่ง จาน, หย่า หล่ง โต์ว ปั๊ว นิ่น บัว เญย เบ๊าะ จ๋า เธีย.

10วั้ว หฒั่น โยซูวา ต๋าว ฆาง ต้าย ธ้าง ตุ๊ ฮาโซ ต้ม ฒี่ง, หย่า หล่ง หฑุ ด๊าว ไต๋ ฮาโซ ฒี่ง เญย ฮู่ง เตี๋ย. (ฒิ่น ด่าง ฮาโซ โหฒว วั้ว นอม เต่ย-ปูง เญย ต้ม ฒี่ง.)

11นิ่น บัว หล่ง หฑุ ด๊าว ไต๋, เหมียด เหฑ่ง วั้ว นอม ฒี่ง เญย เมี่ยน. ตะฟ่าน ไฮ่ เท้า เฉีย เญย กะน้าย ไม้ เลี่ยว เหยียด เต้า ธ้วด สีง แหม่ง. โยซูวา แอ๋ง หล่ง โต์ว ปั๊ว เหฑ่ง ฮาโซ ฒี่ง.

12โยซูวา ธ้าง ตุ๊ วั้ว เต๋ย ฮู่ง เตี๋ย เญย เหยียด ฒู้ง ฒี่ง หย่า หล่ง หฑุ ด๊าว ไต๋ เหฑ่ง วั้ว เต๋ย ฮู่ง เตี๋ย, หย่า เหมียด นิ่น บัว, ฮนั้ง เฒี้ยว เญย โปว, โมเซ, หัด เหฒียง นอ.

13มป่า เยียม บง-ไอ๊ กู้ หงว่าย เญย ฒี่ง, อิสะลาเอน เมี่ยน ไม้ ปั๊ว. โยซูวา ขูง ปั๊ว ฮาโซ ฒี่ง ฮนั้ง.

14เยียม วั้ว เต๋ย ฒี่ง ธ้าง ตุ๊ ต้าย เญย หญู่งๆ กะน้าย เหธา แซง-คู้, อิสะลาเอน เมี่ยน กั้น หล่ง. นิ่น บัว หล่ง หฑุ ด๊าว ไต๋ วั้ว นอม ฒี่ง เญย เหยียด ฒู้ง เมี่ยน, เหมียด เหฑ่ง นิ่น บัว. ตะฟ่าน ไฮ่ เท้า เฉีย เญย กะน้าย ไม้ เลี่ยว เหยียด เต้า.

15เฒี้ยว ฮนั้ง หาย นอ พ้าย นิ่น เญย โปว, โมเซ, โมเซ หย่า ฮนั้ง วั้ว นอ พ้าย โยซูวา. โยซูวา ฯฒฯ เอย เจี๊ยน โหฒว, ไม้ ปุน ธา เหยียด หญู่ง ต้ง เฒี้ยว หัด เหฒียง โมเซ เญย หว่า.

16โยซูวา แฑง ตุ๊ เหฑ่ง เฒี่ยง นอม เต่ย-ปูง, เซ บง-ไอ๊ ต๋อง, เหยียด ฒู้ง เนเกบ เต่ย, เลี่ยม เหยียด ฒู้ง โกเซน เต่ย เหธา ไฟ ปูง เญย หละไอ๊ ต๋อง, เลี่ยม อาลาบา เต่ย เหธา อิสะลาเอน เต่ย-ปูง เญย บง หฒั่ง ต๋อง เหธา หละไอ๊ ต๋อง.

17นิ่น บัว เญย กั๊บ-จ๋าย เยียม ฮาลัก บง ฝาว มี่ง เถา เสอี บง, มี่ง เถา บาอันกาด เยียม เลบานอน ฮ์อง, เฮโมน บง- จั๊วะ. นิ่น เฒาะ น้าย เต๋ย ต๋อง เญย เหยียด ฒู้ง ฮู่ง ไต๋ ไต่ เหฑ่ง.

18โยซูวา หล่ง เฒี่ยง โห่ เหธา น้าย เต๋ย ฒี่ง เญย ฮู่ง เบ๊าะ จ๋า เล่า เญย.

19ไม้ ม่าย เหยียด นอม ฒี่ง เญย เมี่ยน เหธา อิสะลาเอน เมี่ยน ก๊อง หอบ, ธ้วด ลิ์ว เยียม กิเบโอน ฒี่ง เญย ฮีไว เมี่ยน. วั้ว เต๋ย เหยียด ฒู้ง ฒี่ง อิสะลาเอน เมี่ยน เบ๊าะ จ๋า ธ้าง ตุ๊ ต้าย ฮนั้ง.

20เซ เฒี้ยว กั้น โหฒว ปุน วั้ว เต๋ย เมี่ยน เญย เฮญี้ยว แหง่ง, หธีง ต้าย เหธา อิสะลาเอน เมี่ยน เบ๊าะ จ๋า, เหว่ย ปุน นิ่น บัว กั้น หฒุ เหมียด เหฑ่ง. นิ่น ไม้ ค้อ-เลี่ยน นิ่น บัว, ฒู้ง ปุน นิ่น บัว หฒุด เหฑ่ง หมี่ อ๊ะ, ฮนั้ง เฒี้ยว พ้าย เหฒียง โมเซ วั้ว นอ.

21วั้ว หฒั่น โยซูวา มี่ง เหมียด เหฑ่ง เยียม บง-ไอ๊ ต๋อง เญย อาน้าก เมี่ยน, เซ เยียม เฮโบโลน ฒี่ง, เดบี ฒี่ง, อาน้าบ ฒี่ง, หย่า เยียม ยูดา เหธา อิสะลาเอน เญย เหยียด ฒู้ง บง-ไอ๊ ต๋อง. โยซูวา เหมียด เหฑ่ง น้าย เต๋ย เมี่ยน เหธา นิ่น บัว เญย ฒี่ง.

22ไม้ เหฒ่ง เหยียด เต้า อาน้าก เมี่ยน เยียม อิสะลาเอน เมี่ยน เญย เต่ย-ปูง. ขูง กาซา ฒี่ง, กัด ฒี่ง เหธา อัดโดด ฒี่ง ม่าย เต๋ย ป๊า เยียม ฮนั้ง.

23ฮนั้ง หน่าย โยซูวา ธ้าง ตุ๊ เหยียด ฒู้ง เต่ย-ปูง หฒิว เฒี้ยว พ้าย โมเซ เญย หว่า. โยซูวา หย่า เฒาะ น้าย เต๋ย เดา หฒิว อิสะลาเอน เมี่ยน เญย ฝีง พ้าย ปุน ฆอย เป๋น นิ่น บัว หฑิบ เญย ป่วน. วั้ว นอม เต่ย-ปูง ฯฒฯ ถาย-แป้ง, ไม้ เบ๊าะ จ๋า อ๊ะ.

← Chapter 10 Jump to: Chapter 12 →