Joshua 19

Mien Bible (Thai Script) © Thailand Bible Society, 2007

← Chapter 18 Jump to: Chapter 20 →

1ตี่ง ตะเหญ่ย หฑุ่น เหว่ย ปุน ฆอย เดา, ด๊อด หฒุ สิเมโอน ฝีง หฒิว นิ่น บัว เญย ปู้ง ป่วน. นิ่น บัว หฑิบ เญย ป่วน เยียม ยูดา ฝีง เญย เต่ย กะญั์ว.

2นิ่น บัว ตุ๊ หฑิบ เญย ฒี่ง ม่าย, เบเอเชบา, (เซ เชบา) เหธา โมลาดา,

3ฮาซานซูอาน, บาลา, เอเซม,

4เอนโทลัด, เบทูเอน, โฮมา,

5สิกล้าก, เบดมานคาโบด, ฮาซานสูสา,

6เบดเลบาโอด เหธา ซาลุเฮน. เหยียด ฒู้ง ม่าย เหฒียบ ฟาม นอม ฒี่ง เหธา วั้ว เต๋ย ฒี่ง เญย ฟิ้ว-ล์าง.

7ม่าย อายิน, ลิมโมน, เอเท เหธา อาชัน. เหยียด ฒู้ง ม่าย เปยย นอม ฒี่ง เหธา วั้ว เต๋ย ฒี่ง เญย ฟิ้ว-ล์าง.

8เลี่ยม ม่าย เว่ย ก๋อม วั้ว เต๋ย ฒี่ง เญย เหยียด ฒู้ง ฟิ้ว-ล์าง ธ้วด มี่ง เถา บาอาลัดเบเอ ฒี่ง, เซ เยียม เนเกบ เต่ย เญย ลามา ฒี่ง. น้าย เซ สิเมโอน ฝีง หฒิว นิ่น บัว เญย ปู้ง ป่วน ตุ๊ หฑิบ เญย ป่วน.

9สิเมโอน ฝีง หฑิบ เญย ป่วน เยียม ยูดา เมี่ยน เญย ป่วน พ้าย ต้าย, เหว่ย หฒุ ยูดา ฝีง ตุ๊ เญย ป่วน เก้า จั๊ง นิ่น บัว เฉียม หฒุ หล่ง. เหว่ย น้าย สิเมโอน ฝีง หฑิบ เญย ป่วน หธีง ต้าย เยียม ยูดา เญย เต่ย กะญั์ว.

10ตี่ง ตะฟาม หฑุ่น เหว่ย ปุน ฆอย เดา, ด๊อด หฒุ เสบูลุน ฝีง เญย ป่วน หฒิว นิ่น บัว เญย ปู้ง ป่วน. นิ่น บัว หฑิบ เญย ป่วน เดา เญย กั๊บ-จ๋าย ฑุ์ย มี่ง เถา สาลิด ฒี่ง.

11กั๊บ-จ๋าย แอ๋ง มี่ง ไฟ ปูง แหมง, เจี๋ย เถา มาเลอัน ฒี่ง, แอ๋ง มี่ง ต๋าว เจี๊ยน ดับเบเซ้ด ล์าง, ฯฒฯ มี่ง เถา โย้กเนอัม ฒี่ง ตง ปูง เญย โด๊ะ.

12เยียม สาลิด ฒี่ง, กั๊บ-จ๋าย แอ๋ง มี่ง กั้น ปูง, เซ ตง ปูง, ฮวิน มี่ง บะฮนอย ธ้วด แหมง เถา คิดโล้ดทาโบ ฒี่ง เญย กั๊บ-จ๋าย. เยียม หน่าย, กั๊บ-จ๋าย แอ๋ง เจี๋ย เถา ดาเบลัด ฒี่ง แหธง ฝาว เถา ยาเฟีย มู้ง.

13กั๊บ-จ๋าย เยียม หน่าย แอ๋ง เจี๋ย ตง ปูง ฮวิน บะฮนอย ธ้วด แหมง มี่ง เถา กัดเฮเฟ ล์าง, เจี๋ย เถา เอดคาซิน ฒี่ง, มี่ง เถา ลิมโมน มู้ง ฯฒฯ เงา หูง เจี๊ยน เนอา ฒี่ง มี่ง.

14ป๊ะ ปูง แหมง เญย กั๊บ-จ๋าย เงา ต้าย เถา ฮันนาโทน ฒี่ง ฯฒฯ เซ้ด วั้ว อิบทาเอน ฮ์อง.

15แอ๋ง ม่าย ขัดตาด ฒี่ง, นาหะลาน ฒี่ง, ซิมโลน ฒี่ง, อิดาลา ฒี่ง เหธา เบดเลเฮม ฒี่ง. เหยียด ฒู้ง ม่าย เหฒียบ เหญ่ย นอม ฒี่ง เหธา วั้ว เต๋ย ฒี่ง เญย ฟิ้ว-ล์าง.

16น้าย เต๋ย ฒี่ง เหธา น้าย เต๋ย ฒี่ง เญย ฟิ้ว-ล์าง เป๋น เสบูลุน ฝีง หฒิว นิ่น บัว เญย ปู้ง ป่วน หฑิบ เญย ป่วน เดา.

17ตี่ง ตะเฝย หฑุ่น เหว่ย ปุน ฆอย เดา, ด๊อด หฒุ อิดสาคา ฝีง เญย ป่วน หฒิว นิ่น บัว เญย ปู้ง ป่วน.

18นิ่น บัว เญย กั๊บ-จ๋าย ม่าย ยิดเลเอน, เคสุนโล้ด, ซูเนม,

19ฮาฟาลาอิม, ซีโยน, อานาหะล้าด,

20ลับบีด, คีซิโอน, เอเบด,

21เลเม้ด, เอนกันนิม, เอนหัดดา เหธา เบดปัดเซ้ด.

22กั๊บ-จ๋าย มี่ง ต๋าว เจี๊ยน ทาโบ, ซาหะซุมา เหธา เบดเซเม้ด, แอ๋ง หธัม เจี๊ยน จอแดน ด้าย. เหยียด ฒู้ง ม่าย เหฒียบ หลัวะ นอม ฒี่ง เหธา วั้ว เต๋ย ฒี่ง เญย ฟิ้ว-ล์าง.

23น้าย เต๋ย ฒี่ง เหธา ฒี่ง เญย ฟิ้ว-ล์าง เซ อิดสาคา ฝีง หฒิว นิ่น บัว เญย ปู้ง ป่วน หฑิบ เญย ป่วน.

24ตี่ง ตะฮม์ หฑุ่น เหว่ย ปุน ฆอย เดา, ด๊อด หฒุ อาเซ ฝีง เญย ป่วน หฒิว นิ่น บัว เญย ปู้ง ป่วน.

25นิ่น บัว เญย กั๊บ-จ๋าย ม่าย เฮนขัด, ฮาลี, เบเทน, อักซ้าบ,

26อาลัมเมเล้ก, อาม้าด, เหธา มิซาน. ไฟ ปูง แหมง เญย กั๊บ-จ๋าย ต๋าว เจี๊ยน คานเมน บง เหธา ซิโหลิบน้าด.

27กั๊บ-จ๋าย แอ๋ง เงา, หูง เจี๊ยน ตง ปูง มี่ง เถา เบดดาโกน มู้ง, ต๋าว เจี๊ยน เสบูลุน เหธา อิบทาเอน ฮ์อง, ฯฒฯ มี่ง ป๊ะ ปูง เถา เบดเอเม้ก มู้ง เหธา เนอีเอน มู้ง, แอ๋ง มี่ง ป๊ะ ปูง เจี๋ย เถา คาบุน มู้ง.

28กั๊บ-จ๋าย แอ๋ง เจี๋ย เถา เอโบน ฒี่ง, เลโหบ ฒี่ง, ฮัมโมน ฒี่ง เหธา คานา ฒี่ง, แอ๋ง เจี๋ย มี่ง เถา ไซดอน ต้ม ฒี่ง.

29กั๊บ-จ๋าย แอ๋ง เงา หฑวน หูง เจี๊ยน ลามา ฒี่ง, แอ๋ง มี่ง เถา เว่ย ว้วน เญย ฒี่ง, ไทละ. กั๊บ-จ๋าย แอ๋ง เงา มี่ง หูง เจี๊ยน โฮสา ฒี่ง, มี่ง ต๋น วั้ว ค้อย. แอ๋ง ม่าย มาหะล้าบ, อักซี้บ,

30อุมมา, อาเฟ้ก เหธา เลโหบ. เหยียด ฒู้ง ม่าย หญี่ เหฒียบ เหญ่ย นอม ฒี่ง เหธา วั้ว เต๋ย ฒี่ง เญย ฟิ้ว-ล์าง.

31น้าย เต๋ย ฒี่ง เหธา น้าย เต๋ย ฒี่ง เญย ฟิ้ว-ล์าง เป๋น อาเซ เมี่ยน หฒิว นิ่น บัว เญย ปู้ง ป่วน หฑิบ เญย ป่วน.

32ตี่ง ตะหลัวะ หฑุ่น เหว่ย ปุน ฆอย เดา, ด๊อด หฒุ นับทาลี ฝีง เญย ป่วน หฒิว นิ่น บัว เญย ปู้ง ป่วน.

33นิ่น บัว เญย กั๊บ-จ๋าย เยียม เฮเล้บเพ มู้ง, หย่า เยียม สานันนิม มู้ง เญย บะอง เฒวย เดี๋ยง, เจี๋ย อาดามีเนเกบ มู้ง เหธา ยับเนเอน มู้ง มี่ง เถา ลักคูม มู้ง, มี่ง เซ้ด วั้ว จอแดน ด้าย.

34กั๊บ-จ๋าย เงา มี่ง ไฟ ปูง เถา อัดโน้ดทาโบ, เยียม หน่าย เจี๋ย มี่ง เถา หุกกอก มู้ง. น่าม ปูง เญย กั๊บ-จ๋าย เหธา เสบูลุน เญย กั๊บ-จ๋าย กั๊บ เจี๊ยน. ไฟ ปูง เญย กั๊บ-จ๋าย เหธา อาเซ เญย กั๊บ-จ๋าย กั๊บ เจี๊ยน. จอแดน ด้าย เยียม ตง ปูง.

35ม่าย ฒี่ง หลาด เว่ย ว้วน เญย ฒี่ง เซ สิดดิม, เฒอา, ฮัมมัด, ลักคัด, คินเนเล้ด,

36อาดามา, ลามา, ฮาโซ,

37เคเดด, เอเดนอี, เอนฮาโซ,

38ยิโลน, มิกดันเอน, โฮเลม, เบดอาน้าด เหธา เบดเซเม้ด. เหยียด ฒู้ง ม่าย เหฒียบ จั๊ว นอม ฒี่ง เหธา น้าย เต๋ย ฒี่ง เญย ฟิ้ว-ล์าง.

39น้าย เต๋ย ฒี่ง เหธา น้าย เต๋ย ฒี่ง เญย ฟิ้ว-ล์าง เซ นับทาลี ฝีง หฒิว นิ่น บัว เญย ปู้ง ป่วน หฑิบ เญย ป่วน.

40ตี่ง ตะเธี้ยด หฑุ่น เหว่ย ปุน ฆอย เดา, ด๊อด หฒุ ดาน ฝีง หฒิว นิ่น บัว เญย ปู้ง ป่วน.

41นิ่น บัว หฑิบ เญย ป่วน เดา ม่าย, โสลา, เอดทาโอน, อินเซเม้ด,

42ซาอันบิน, ไอยาโลน, อิดลา,

43เอโลน, ทิมนาฮา, เอโคโลน,

44เอนเทเค, กิบเบโทน, บาอาลัด,

45เยฮู้ด, เบเนเบล้าก, กัดลิมโมน,

46เมยานโคน, ลักโคน เหธา เยียม ยับฟา ฒี่ง ต๋อย-หง่าน วั้ว เต๋ย เดา.

47มป่า ดาน เญย เต่ย-ปูง หฒุ เมี่ยน แฑง หมี่ อ๊ะ. ดาน เมี่ยน ฯฒฯ มี่ง เบ๊าะ เลเซม มู้ง, ธ้าง ตุ๊ ต้าย, แอ๋ง หล่ง หฑุ ด๊าว ไต๋ เหฑ่ง วั้ว นอม ฒี่ง เญย เมี่ยน หย่า เปียะ มี่ง เยียม เจี๊ยน. นิ่น บัว ฯฒฯ เหลียบ งว์า-กอน เยียม วั้ว นอม ฒี่ง, หย่า กัน นิ่น บัว เญย อง-ถาย เญย บั๋ว เห่ว ดาน.

48น้าย เต๋ย ฒี่ง เหธา น้าย เต๋ย ฒี่ง เญย ฟิ้ว-ล์าง เซ ดาน ฝีง หฒิว นิ่น บัว เญย ปู้ง ป่วน หฑิบ เญย ป่วน.

49อิสะลาเอน เมี่ยน เฒาะ เดา พ้าย ปุน ฆอย ลิ์ว, ฆะฮ้า นิ่น บัว ฯฒฯ พ้าย เต๋ย เดา ปุน นุน เญย ตอน, โยซูวา, เยียม นิ่น บัว เญย ป่วน กะญั์ว.

50หฒิว เฒี้ยว พ้าย เญย หว่า, นิ่น บัว เฒาะ โยซูวา โท้ เยียม เอฟาอิม เมี่ยน เญย บง-ไอ๊ ต๋อง วั้ว นอม ฒี่ง, ทิมน้าดเสลา ฒี่ง จิว ปุน นิ่น. โยซูวา แอ๋ง เซียง-เหธย เจี์ย วั้ว นอม ฒี่ง ฯฒฯ เปียะ มี่ง เยียม เจี๊ยน.

51เอเลอาซา ไซ เมี่ยน เหธา นุน เญย ตอน, โยซูวา, เหธา ฝีงๆ อิสะลาเอน เมี่ยน เญย เปย๊ย เฒ้ย เยียม ซีโล มู้ง, หวุ่ย ปวั้ง ด๊บ-ลิ่ว เญย แก้ง ด่าง, หย่า เยียม เฒี้ยว เญย หฑะเฮมียน ตี่ง แหม่ง หมั่ง เหว่ย พ้าย เดา ปุน ฆอย. ฮนั้ง หน่าย นิ่น บัว ฯฒฯ พ้าย เดา ปุน ฆอย เหฑ่ง หมี่ อ๊ะ.

← Chapter 18 Jump to: Chapter 20 →