Joshua 16

Mien Bible (Thai Script) © Thailand Bible Society, 2007

← Chapter 15 Jump to: Chapter 17 →

1พ้าย ปุน โยเซ้บ เญย เฒ้ย-ฟุน น่าม ปูง เญย กั๊บ-จ๋าย เยียม จอแดน ด้าย, นิด ฟัด เยลีโค ฒี่ง, เยลีโค เญย ววม-ฒี้ง ตง ปูง แหมง, แอ๋ง เจี๋ย เต่ย-ปูง-ฮวาง, เยียม เยลีโค แหธง ฝาว มี่ง เถา เบดเอน ฒี่ง เญย บง-ไอ๊ ต๋อง.

2เยียม เบดเอน ฒี่ง, เซ ลู้ด ฒี่ง, แอ๋ง เจี๋ย มี่ง เถา อาทาโล้ด มู้ง, เซ อานคี เมี่ยน เญย เต่ย-ปูง.

3กั๊บ-จ๋าย แอ๋ง เหฌี่ย มี่ง ไฟ ปูง แหมง, มี่ง เถา ยาเฟนที เมี่ยน เญย เต่ย, เจี๋ย มี่ง เถา วั้ว เดี๊ย เญย เบดโฮโลน ฒี่ง, หย่า เหฌี่ย มี่ง เถา เกเซ ฒี่ง, แอ๋ง ต๋น เจี๊ยน ค้อย.

4โยเซ้บ เญย ตอน, มะนัดเส เหธา เอฟาอิม เญย เฒ้ย-ฟุน, ฯฒฯ ตุ๊ นิ่น บัว หฑิบ เญย ป่วน เดา.

5น้าย เซ เอฟาอิม เมี่ยน เญย เฒ้ย-ฟุน หฑิบ เญย ป่วน เดา หฒิว นิ่น บัว เญย ปู้ง ป่วน. นิ่น บัว หฑิบ เญย เดา เญย กั๊บ-จ๋าย เยียม ตง ปูง แหมง, อาทาโล้ดอัดดา ล์าง, มี่ง เถา วั้ว เจี๋ย เญย เบดโฮโลน ฒี่ง,

6แอ๋ง เจี๋ย มี่ง เถา ค้อย. เยียม นิ่น บัว เญย กั๊บ-จ๋าย ป๊ะ ปูง แหมง, มิกเมทัด มู้ง. ตง ปูง แหมง เญย กั๊บ-จ๋าย เงา มี่ง เถา ทาอานัดซิโล มู้ง, หย่า เจี๋ย ด่าง น้าย นอม มู้ง มี่ง ตง ปูง แหมง เถา ยาโนอา มู้ง.

7เยียม ยาโนอา มู้ง เหฌี่ย น่าม ปูง เถา อาทาโล้ด มู้ง เหธา นาอาลา มู้ง, มี่ง ต๋าว เจี๊ยน เยลีโค ฒี่ง, แอ๋ง มี่ง ต๋น เจี๊ยน จอแดน ด้าย.

8กั๊บ-จ๋าย เยียม ทับปูวา มู้ง เหฌี่ย ไฟ ปูง แหมง เถา คานา โด๊ะ มี่ง ต๋น เจี๊ยน ค้อย. น้าย เซ เอฟาอิม ฝีง หฒิว นิ่น บัว เญย ปู้ง ป่วน หฑิบ เญย ป่วน เดา.

9หย่า ม่าย เยียม มะนัดเส เมี่ยน หฑิบ เญย ป่วน กะญั์ว พ้าย ปุน เอฟาอิม เมี่ยน เญย นอมๆ มู้ง เหธา วั้ว เต๋ย มู้ง เญย ฟิ้ว-ล์าง.

10มป่า นิ่น บัว ไม้ หฒุ่น เยียม เกเซ ฒี่ง เญย คานาอัน เมี่ยน ธ้วด. คานาอัน เมี่ยน ฯฒฯ เยียม เอฟาอิม เมี่ยน กะญั์ว เถา อี้ จ๋า ฮนอย, มป่า นิ่น บัว หฒุ โหฒว โน่ว, โหฒว กง โค้ว.

← Chapter 15 Jump to: Chapter 17 →