Joshua 22

Mien Bible (Thai Script) © Thailand Bible Society, 2007

← Chapter 21 Jump to: Chapter 23 →

1วั้ว หฒั่น โยซูวา เห่ว ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน ต้าย,

2ก๊อง บั๋ว นิ่น บัว, “ เฒี้ยว เญย โปว, โมเซ, พ้าย เม่ย บัว โหฒว เญย เหยียด ฒู้ง เม่ย บัว เอย เจี๊ยน โหฒว. เยีย พ้าย เญย เหยียด ฒู้ง เม่ย บัว หย่า หมวัง เหฑ่ง.

3ด่ง น้าย เล่า เถา อี้ หฒั่น เม่ย บัว ไม้ กวั่ง เหยียด หฑุ่น เม่ย บัว เญย ก๋อ-โย์ว. เม่ย บัว หย่า หลงๆ เญย เอย เจี๊ยน เฒี้ยว, เม่ย บัว เญย ทิน-ฮู่ง, พ้าย เญย หว่า.

4อี้ หฒั่น เฒี้ยว, เม่ย บัว เญย ทิน-ฮู่ง, หฒิว นิ่น แล์ง เญย หว่า ปุน เม่ย บัว เญย ก๋อ-โย์ว ตุ๊ ถาย-แป้ง. เหว่ย น้าย เม่ย บัว กุ๊น หฑวน เม่ย บัว กั้น เญย เปย๊า, ต้ง เฒี้ยว เญย โปว, โมเซ, พ้าย ปุน เม่ย บัว หฑิบ เญย ป่วน เต่ย-ปูง, เยียม จอแดน ด้าย ตง ปูง แหมง.

5เม่ย บัว อ๋อย หฒุ ไฝ ฟิม, เอย เจี๊ยน เฒี้ยว เญย โปว, โมเซ, จิว ปุน เม่ย บัว เญย เล์ย-หลัด เหธา เล์ย. เซ อ๋อย หฒุ ฮนั้ม เฒี้ยว, เม่ย บัว เญย ทิน-ฮู่ง, เอย เหฑ่ง นิ่น เญย หฒะเอ๋ย, กัน นิ่น เญย เล์ย-หลัด, เขา ว้วน นิ่น, หย่า อ๋อย หฒุ หล่ง เหฑ่ง เฮญี้ยว, หล่ง เหฑ่ง หฒะเอ๋ย ฟู-สู นิ่น.”

6โยซูวา ฯฒฯ ปวัง หว่า นิ่น บัว หย่า เห่ว นิ่น บัว หฑวน. นิ่น บัว ฯฒฯ หฑวน นิ่น บัว กั้น เญย เปย๊า หมี่ อ๊ะ.

7โมเซ จิว บาซาน เต่ย ปุน มะนัดเส ด๊าม-ฝีง เมี่ยน เหว่ย เป๋น นิ่น บัว เญย ป่วน, มป่า ม่าย มะนัดเส ด๊าม-ฝีง โยซูวา จิว ปุน นิ่น บัว เญย ป่วน เยียม จอแดน ด้าย ไฟ ปูง แหมง, นิด เจี๊ยน วั้ว เต๋ย กั้น ฝีง อิสะลาเอน เมี่ยน. โยซูวา เห่ว นิ่น บัว หฑวน เปย๊า วั้ว หฒั่น, นิ่น ปวัง หว่า ปุน นิ่น บัว.

8โยซูวา ก๊อง บั๋ว นิ่น บัว, “เม่ย บัว ปุ๊ด ฒ่อย อ๊ะ, ม่าย กะน้าย ธั้ม. ม่าย แซง-คู้ ธั้ม ไห่, ม่าย เจียม ญ่าน, ต้ง ซิ, เฮลียะ เหธา ลุย-โหว ธั้ม ไห่. กุ๊น ต้อ เจี๊ยน หฑวน. เม่ย บัว ธ้าง ตุ๊ วิน-วั้ง เญย เหยียด ฒู้ง กะน้าย อ๋อย หฒุ ปุน ฆอย เม่ย บัว เญย ก๋อ-โย์ว.”

9ฮนั้ง หน่าย, ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน เยียม คานาอัน เต่ย-ปูง, ซีโล มู้ง, เล่ย ฆอย อิสะ ลาเอน เมี่ยน. นิ่น บัว หฑวน กิเลอาด เต่ย, ต้ง เฒี้ยว หล่ง โมเซ พ้าย เป๋น นิ่น บัว เญย เต่ย-ปูง.

10นิ่น บัว หฑวน เถา เกลีโล้ด, เยียม คานาอัน เต่ย-ปูง กะญั์ว นิด จอแดน ด้าย, ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน เยียม จอแดน ด้าย เฮลน เหธย นอม เหฒี่ย-ต้อง, โหย่ว โฮล โหย่ว ฮลัง.

11อิสะลาเอน เมี่ยน ไฮ์ ก๊อง, “ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน เหธย นอม เหฒี่ย-ต้อง เยียม คานาอัน เต่ย-ปูง เญย กั๊บ-จ๋าย กะญั์ว, เยียม อิสะลาเอน เมี่ยน น้าย ปูง, นิด จอแดน ด้าย, เกลีโล้ด วั้ว.”

12อิสะลาเอน เมี่ยน ไฮ์ ก๊อง ฮนั้ง หน่าย, หฒวัง เมี่ยน ฯฒฯ กั๊บ ฒุ้น เยียม ซีโล มู้ง, อ๋อย มี่ง เหธา นิ่น บัว เบ๊าะ จ๋า.

13อิสะลาเอน เมี่ยน พ้าย เอเลอาซา ไซ เมี่ยน เญย ตอน, ฟีเนหัด, มี่ง กิเลอาด เต่ย ล์อ ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน.

14แอ๋ง ม่าย เหฒียบ เต้า อิสะลาเอน เมี่ยน เญย เปย๊ย เฒ้ย เหธา เจี๊ยน นิ่น มี่ง. โม์ว เต้า หย่า โหฒว อิสะลาเอน เมี่ยน เญย ปู้ง ป่วน เญย เหยียด เต้า เปย๊ย เฒ้ย.

15นิ่น บัว มี่ง เถา กิเลอาด เต่ย, ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน วั้ว ฯฒฯ ก๊อง,

16“ เฒี้ยว เญย เมี่ยน เหยียด ฒู้ง กั๊บ ฒุ้น ก๊อง, ‘เม่ย บัว เหว่ย หาย ติ่ว โหฒว น้าย เต๋ย หว่าย สี่ ป์าม อิสะลาเอน เมี่ยน เญย ทิน-ฮู่ง? อี้ ฮนอย เม่ย บัว เหว่ย หาย ติ่ว กวั่ง เฒี้ยว, เหว่ย กั้น เหธย นอม เหฒี่ย-ต้อง แหง่ง เจี๊ยน เฒี้ยว?

17บัว เยียม เปโอ ป์าม เญย ฒุ์ย, เหว่ย บัว หธ่อ ไม้ แก้ง เก๋า ไฟ? เถา อี้ หฒั่น บัว หธ่อ สา กั้น ไม้ แก้ง ธีง-เหฑ่ง, ไม้ กุ๊น เฒี้ยว เญย หฒวัง เมี่ยน หฒุ เหฒะ หน่าน ห่อย.

18อี้ ฮนอย เม่ย บัว อ๋อย กวั่ง เฒี้ยว ไม้ กัน นิ่น ไฟ? “‘สี ก๊อง อี้ ฮนอย เม่ย บัว แหง่ง เจี๊ยน เฒี้ยว, ฌัง ฮนอย เฒี้ยว หฒะเก้ง เฉีย เจี์ย ไห่ อิสะลาเอน เญย หฒวัง เมี่ยน อ๊ะ.

19สี ก๊อง เม่ย บัว เญย เต่ย-ปูง ม่าย หวุย นอ, กุ๊น เจี๋ย ต้าย เยียม เฒี้ยว เญย เต่ย-ปูง, เซ เหลียบ หฒั่ง เฒี้ยว เญย ด๊บ-ลิ่ว เญย เต่ย-ปูง, เยียม เยีย บัว บุด๋ง หฑิบ เม่ย บัว เญย ป่วน ม่าะ! มป่า โท้ เม่ย บัว ไม้ ตู๋ง แหง่ง เฒี้ยว, หย่า ไม้ ตู๋ง แหง่ง เยีย บัว, ฯฒฯ เหว่ย เม่ย บัว กั้น เหธย เหฒี่ย-ต้อง, ธ้วด ลิ์ว เฒี้ยว, บัว เญย ทิน-ฮู่ง เญย เหฒี่ย-ต้อง.

20เฒลา เญย ฟุน, อาคาน, ไม้ เหฒียบ ฒัวะ เญย ฝ่ง ห่อ หอบ หฒุ ฝูง ตั๋ง ปุน เฒี้ยว เญย กะน้าย วั้ว หฒั่น, อิสะลาเอน เญย หฒวัง เมี่ยน หฒุ เฒี้ยว โน์ว. หลาย นิ่น ป์าม เญย ฒุ์ย ไม้ ตาน นิ่น กั้น ดุ เต้า หฒุ เหมียด ฮนั้ง.’”

21วั้ว หฒั่น ลูเบน เมี่ยน, กาด เมี่ยน เหธา มะนัดเส ด๊าม-ฝีง เมี่ยน เตา อิสะลาเอน เมี่ยน เญย ปู้ง ป่วน เปย๊ย เฒ้ย ก๊อง,

22“ทิน-ฮู่ง เซ เน่น เจี๋ย วั้ว เต้า. นิ่น เซ เฒี้ยว. ทิน-ฮู่ง เซ เน่น เจี๋ย วั้ว เต้า. นิ่น เซ เฒี้ยว. นิ่น ฮิ้ว อ๊ะ. อิสะลาเอน เมี่ยน หย่า อ๋อย หฒุ ฮิ้ว. สี ก๊อง เยีย บัว แหง่ง เฒี้ยว ไฟ โหฒว เฮญี้ยว ไม้ หฒีง ปุน เฒี้ยว นอ, อี้ ฮนอย ไม้ ตู๋ง เลี่ยว เยีย บัว เญย แหม่ง อ๊ะ.

23สี ก๊อง เยีย บัว เหธย เยีย บัว กั้น เญย เหฒี่ย-ต้อง เหว่ย กวั่ง ไม้ กัน เฒี้ยว, ไฟ เยีย บัว เฒาะ ปั๊ว เหฒี่ย เญย กะน้าย, ไฟ ฝ่ง ห่อ เญย ล่าง หฒิ, ไฟ เหฒี่ย เหว่ย จิว ทง เญย กะน้าย, อัน เหฒี่ย-ต้อง ปั๊ว เหฒี่ย นอ, โท้ เฒี้ยว กั้น ตี่ง เยีย บัว เญย ฒุ์ย.

24“ฒู้ง ไม้ เฒ์ย! เยีย บัว ฮนั้ง น้าย นอ โหฒว เหว่ย หฒุ เยีย บัว เฑ่า เหย ฆะฮ้า ฮี้ง เม่ย บัว เญย เฒ้ย-ฟุน ไฮ่ บั๋ว เยีย บัว เญย เฒ้ย-ฟุน, ‘เม่ย บัว เหธา เฒี้ยว, อิสะลาเอน เมี่ยน เญย ทิน-ฮู่ง, ม่าย หาย หญู่ง เกวน หฒุ?

25เฒี้ยว ตี่ง เหฒียง จอแดน ด้าย โหฒว เยีย บัว เหธา เม่ย บัว เญย กั๊บ-จ๋าย หมี่ อ๊ะ. เม่ย บัว ลูเบน เมี่ยน, กาด เมี่ยน อ่า, เม่ย บัว เหธา เฒี้ยว ไม้ ม่าย เม่ย บัว เญย ป่วน.’ ฮนั้ง หน่าย เม่ย บัว เญย เฒ้ย-ฟุน ไฮ่ โหฒว ปุน เยีย บัว เญย เฒ้ย-ฟุน กวั่ง, ไม้ หฒั่ง เฒี้ยว.

26“เหว่ย น้าย เยีย บัว หธีง ต้าย ก๊อง, ‘บัว อ๋อย หฒุ เหธย นอม เหฒี่ย-ต้อง, ไม้ เฒ์ย เหว่ย ปั๊ว เหฒี่ย เญย กะน้าย ไฟ ฝ่ง ห่อ เหฒี่ย หาย หญู่ง กะน้าย.’

27น้าย เซ เหว่ย เยียม เยีย บัว เหธา เม่ย บัว บุด๋ง โหฒว ฒอง-เหฒง, หย่า เหว่ย บัว โฮ์ ปาน เมี่ยน โหฒว ฒอง-เหฒง, ปุน ธีง เยีย บัว ฟู-สู เฒี้ยว, เยียม นิ่น เญย หฑะเฮมียน ต้อ ฝ่ง ห่อ ปั๊ว เหฒี่ย เญย กะน้าย, หญู่งๆ เหฒี่ย เญย กะน้าย เหธา เหฒี่ย เหว่ย จิว ทง เญย กะน้าย มี่ง เหฒี่ย ปุน เฒี้ยว. ฮนั้ง หน่าย, ฆะฮ้า ฮี้ง เม่ย บัว เญย เฒ้ย-ฟุน ไม้ ไฮ่ ก๊อง บั๋ว เยีย บัว เญย เฒ้ย-ฟุน, ‘เม่ย บัว ไม้ ม่าย เม่ย บัว เญย ป่วน หฒั่ง เฒี้ยว. ’

28“เยีย บัว ฮนั้ม ต้าย, สี ก๊อง ฆะฮ้า ฮี้ง ม่าย หาย เต้า ฮนั้ง น้าย นอ ก๊อง บั๋ว เยีย บัว ไฟ เยีย บัว เญย เฒ้ย-ฟุน นอ, เยีย บัว ฯฒฯ ไฮ่ ก๊อง, ‘หมั่ง ม่าะ! น้าย เซ เฒี้ยว เญย เหฒี่ย-ต้อง เญย หญู่ง เฒ้ย ฮนั้ง. เยีย บัว เญย อง-ถาย เหธย ต้าย ไม้ เฒ์ย เหว่ย ฝ่ง ห่อ ปั๊ว เหฒี่ย เญย กะน้าย ไฟ ต้อ หาย หญู่ง มี่ง เหฒี่ย, เซ เหว่ย เยียม เยีย บัว เหธา เม่ย บัว บุด๋ง โหฒว ฒอง-เหฒง.’

29“เยีย บัว ด่ง หาย ฒู้ง ไม้ ม่าย เฮญี้ยว แหง่ง เฒี้ยว ไฟ อี้ ฮนอย กวั่ง นิ่น หธีง เหธย กั้น นอม เหฒี่ย-ต้อง เหว่ย ฝ่ง ห่อ ปั๊ว เหฒี่ย เญย กะน้าย ไฟ เหฒี่ย เญย ล่าง หฒิ ไฟ หาย หญู่ง เหฒี่ย เญย กะน้าย. ธ้วด ลิ์ว เยียม เฒี้ยว, เยีย บัว เญย ทิน-ฮู่ง, เญย เหฒี่ย-ต้อง นอ, เซ เยียม นิ่น เญย ด๊บ-ลิ่ว หฑะเฮมียน เญย เหฒี่ย-ต้อง, เยีย บัว ไม้ เหธย กั้น นอม อ๊ะ.”

30ฟีเนหัด ไซ เมี่ยน เหธา หฒวัง แปะ ฝีง เญย เปย๊ย เฒ้ย, ต้ง เหธา นิ่น เยียม วั้ว เต๋ย อิสะลาเอน เมี่ยน เญย ปู้ง ป่วน เปย๊ย เฒ้ย, ไฮ์ ลิ์ว ลูเบน เมี่ยน, กาด เมี่ยน เหธา มะนัดเส เมี่ยน เญย หว่า, นิ่น บัว ไฮ์ หอบ เฮญี้ยว ไห่.

31เอเลอาซา ไซ เมี่ยน เญย ตอน, ฟีเนหัด, ก๊อง บั๋ว ลูเบน เมี่ยน, กาด เมี่ยน เหธา มะนัดเส เมี่ยน, “อี้ ฮนอย เยีย บัว ฮิ้ว ตุ๊ เฒี้ยว เยียม บัว บุด๋ง, เหว่ย หฒุ เม่ย บัว ไม้ แหง่ง เฒี้ยว. อี้ หฒั่น เม่ย บัว เหฌียว อิสะลาเอน เมี่ยน เปย๋า ดุ๊ด, ไม้ หฒุ เฒี้ยว ตี่ง ฒุ์ย อ๊ะ.”

32เอเลอาซา ไซ เมี่ยน เญย ตอน, ฟีเนหัด, เหธา วั้ว เต๋ย เปย๊ย เฒ้ย เยียม กิเลอาด เต่ย เล่ย ฆอย ลูเบน เมี่ยน เหธา กาด เมี่ยน หฑวน คานาอัน เต่ย-ปูง ก๊อง น้าย เต๋ย เจ๊า-โหล่ว ปุน อิสะลาเอน เมี่ยน หมวัง.

33อิสะลาเอน เมี่ยน ไฮ์ นิ่น บัว ก๊อง น้าย เต๋ย เจ๊า-โหล่ว นิ่น บัว หอบ เฮญี้ยว เญย ฯฒฯ เธง ทิน-ฮู่ง. ฆะฮ้า นิ่น บัว ไม้ ก๊อง เถา อ๋อย มี่ง เหธา วั้ว เต๋ย เมี่ยน เบ๊าะ จ๋า โหฒว หว่าย ลูเบน เมี่ยน เหธา กาด เมี่ยน เยียม เญย เต่ย-ปูง อ๊ะ.

34ลูเบน เมี่ยน เหธา กาด เมี่ยน เถง วั้ว นอม เหฒี่ย-ต้อง ธ้วด บั๋ว เห่ว, ‘ฒอง-เหฒง เญย เหฒี่ย-ต้อง.’ นิ่น บัว ก๊อง, “น้าย นอม เหฒี่ย-ต้อง เยียม บัว บุด๋ง โหฒว ฒอง-เหฒง, เฒี้ยว เซ ทิน-ฮู่ง.”

← Chapter 21 Jump to: Chapter 23 →