bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezra 10
Ezra 10
Kamba (Mbivilia) 1956
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
1
Na ĩndĩ yĩla Esala wavoyie na aumbũla, akĩĩa na kwĩvalũkya nthĩ mbee wa nyũmba ya Ngai, nĩwombanĩwe nĩ ũmbano mũnene mũno wa aũme na aka na syana kuma nthĩnĩ wa Isilaeli; nũndũ andũ nĩmaĩie mũno.
2
Na Sekania mwana wa Yeiieli, mwana ũmwe wa Elamu, asũngĩa na amwĩa Esala, Nĩtũmũvĩtanĩsye Ngai waitũ, na nĩtũtwaĩte aka ma nthĩ ĩngĩ ma ngo sya andũ ma ĩ nthĩ: ĩndĩ yu ve wĩkwatyo wa Isilaeli ũndũ wa ũndũ ũsu.
3
Kwondũ wa ũu yu tũtianĩe ũtianĩo na Ngai waitũ tũeke iveti isu syonthe, na ala masyaĩtwe nĩsyo, kwĩanana na ũtao wa mwĩaĩi wakwa, na wa ala matetemaa nũndũ wa mwĩao wa Ngai waitũ; na nĩkwĩkwe kwĩanana na mĩao.
4
Ũkĩla; nũndũ ũvoo nĩ waku, naitũ twĩ vamwe naku: ĩthĩwa na ũkũmbaũ mũnene, nokĩka ũu.
5
Nĩvo ĩndĩ Esala wokĩlile, na amaavĩthya anene ma athembi, na Alivai, na Isilaeli onthe, kana meke kwĩanana na ndeto ĩsu. Na ĩndĩ meeava.
6
Na ĩndĩ Esala ookĩla kuma vu mbee wa nyũmba ya Ngai, na alika kasũmbanĩ ka Yeoanani mwana wa Eliasivu: na avika vo, ndaaya lĩu, kana kũnyw’a manzĩ; nũndũ nĩwewie woo ũndũ wa ĩvĩtyo ya ala matavĩtwe.
7
Na matavan’ya Yuta na Yelusaleme kw’onthe kwa ana onthe ma ala matavĩtwe, mombane Yelusaleme;
8
na o ũla ũtaaũka mĩthenya ĩsu ĩtatũ, kwĩanana na ũtao wa anene me mbee ũsumbĩnĩ na atumĩa, syĩndũ syake syonthe ikooswa, nake mwene akavetwa ũmbanonĩ wa ala matavĩtwe.
9
Na ĩndĩ andũ onthe ma Yuta na Mbenyamini makomana Yelusaleme mĩthenya ĩsu ĩtatũ ĩtanathela (kwaĩ mwei wa kenda, mũthenya wa mĩongo ĩlĩ wa mwei); na andũ onthe mekala vala vandũ vathanthau ngalĩ ya mbee ya nyũmba ya Ngai, makĩtetema nũndũ wa ũndũ ũsu, na nũndũ wa ĩla mbua nene.
10
Na mũthembi Esala aũngama, na amea, Nĩmũvĩtĩtye, na nĩmũtwaĩte aka ma nthĩ ĩngĩ, mwingĩvye ĩvĩtyo ya Isilaeli.
11
Yu ĩndĩ mumbũlĩlei Yeova, Ngai wa aaĩthe menyu, na mũkĩka kwenda kwake; na ĩvathanei na ngo sya andũ ma ĩ nthĩ, na aka ma nthĩ ĩngĩ.
12
Nĩvo ĩndĩ ũmbano w’onthe wasũngĩie, na waneena na wasya mũnene, O ũndũ ũneenete ũndũ witũ, no mũvaka twĩke.
13
Ĩndĩ andũ nĩ aingĩ, na nĩ ĩvinda ya mbua nyingĩ, na tũtitonya kũũngama nza: o na ũũ ti wĩa wa mũthenya ũmwe kana ĩlĩ; nũndũ nĩtũvĩtĩtye mũno ũndũnĩ ũsu.
14
Yu anene maitũ me mbee ũsumbĩnĩ maiwe kwondũ wa ũmbano w’onthe, na onthe ala me ndũanĩ sitũ ala matwaĩte aka ma nthĩ ĩngĩ nĩmoke mavinda matw’ĩĩtwe, na vamwe nao atumĩa ma kĩla ndũa, na asili masyo, kũvika ũthilĩku mwai wa Ngai waitũ ũthyũũwe wume kwitũ, kũvika ũndũ ũsu ũthele.
15
No Yonathani mwana wa Asaeli na Yaseia mwana wa Tikiva maũngamie na kũlea ũndũ ũsu: na Mesulamu na Savethai Mũlivai mamatethya.
16
Na ana ma ala matavĩtwe meeka ũu. Na mũthembi Esala, vamwe na atongoi amwe ma nyũmba sya aaĩthe, kũatĩĩa nyũmba sya aaĩthe moo, na onthe kũatĩĩa masyĩtwa moo, maiwa; na makela nthĩ mũthenya wa mbee wa mwei wa ĩkũmi masũanĩe ũndũ ũsu.
17
Na mamina na andũ onthe ala matwaĩte aka ma nthĩ ĩngĩ mũthenya wa mbee wa mwei wa mbee.
18
Na ananĩ ma athembi kwooneka ala matwaĩte aka ma nthĩ ĩngĩ; asu nĩmo aa, ma ana ma Yesua, nĩ mwana wa Yosataki, na ana‐a‐ĩthe make, Maaseia, na Elieseli, na Yalivu, na Ngetalia.
19
Nao manengane mĩkono kana nĩmeũeka iveti syoo; na nĩkwĩthĩwa maĩ na ĩvĩtyo, nĩmathembie ndũũme ya ndĩthyanĩ ũndũ wa ĩvĩtyo yoo.
20
Na ma ana ma Imeli: Aanani na Sevatia.
21
Na ana ma Alimu: Maaseia, na Eliya, na Semaia, na Yeiieli, na Usia.
22
Na ma ana ma Vasuli: Elioenai, na Maaseia, na Isumaeli, na Nethaneli, na Yosavati, na Elasa.
23
Na ma Alivai: Yosavati, na Simei, na Kelaia (nĩwe Kelita), na Vethaia, na Yuta, na Elieseli.
24
Na ma aini: Eliasivu. Na ma asũvĩi ma mĩomonĩ: Salumu, na Telemu, na Uli.
25
Na ma Isilaeli: Ma ana ma Valosi: Lamia, na Isia, na Malikiya, na Miyamini, na Eleasali, na Malikiya, na Mbenaia.
26
Na ma ana ma Elamu: Matania, na Nzekalia, na Yeiieli, na Avati, na Yelemothi, na Eliya.
27
Na ma ana ma Nzatu: Elioenai, na Eliasivu, na Matania, na Yelemothi, na Nzavati, na Asisa.
28
Na ma ana ma Mbevai: Yeoanani, na Aanania, na Nzavai, na Athilai.
29
Na ma ana ma Mbani: Mesulamu, na Maluku, na Ataia, na Yasuvu, na Seali, na Yelemothi.
30
Na ma ana ma Vaathi‐moavi: Atena, na Kelali, na Mbenaia, na Maaseia, na Matania, na Mbesaleli, na Mbinui, na Manase.
31
Na ma ana ma Alimu: Elieseli, na Isiya, na Malikiya, na Semaia, na Simeoni,
32
na Mbenyamini, na Maluku, na Semalia.
33
Na ma ana ma Asumu: Matenai, na Matatha, na Nzavati, na Eliveleti, na Yelemai, na Manase, na Simei.
34
Ma ana ma Mbani: Maatai, na Amilamu, na Ueli,
35
na Mbenaia, na Mbeteia, na Kelui,
36
na Vania, na Melemothi, na Eliasivu,
37
na Matania, na Matenai, na Yaasu,
38
na Mbani, na Mbinui, na Simei,
39
na Selemia, na Nathani, na Ataia,
40
na Makinatevai, na Sasai, na Sialai,
41
na Asaleeli, na Selemia, na Semalia,
42
na Salumu, na Amalia, na Yosevu.
43
Ma ana ma Nevo: Yeieli, na Matithia, na Nzavati, na Nzevina, na Ito, na Yoeli, na Mbenaia.
44
Asu onthe nĩmatwaĩte aka ma nthĩ ĩngĩ; na amwe moo maĩ na iveti ila syamasyaĩe syana.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
All chapters:
1
2
3
4
5
6
7
8
9
10