bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ezra 8
Ezra 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
1
Na ĩndĩ aa nĩmo atongoi ma nyũmba sya aaĩthe moo, na aa nĩmo mosyaanĩo ma ala mambatie nakwa kuma Mbaviloni, kũsumbĩkanĩ kwa mũsumbĩ Alitasasita:
2
Wa ana ma Vineasi, nĩ Ngelisoni. Wa ana ma Ithamali, nĩ Ndanieli. Wa ana ma Ndaviti, nĩ Atusi.
3
Wa ana ma Sekania, wa ana ma Valosi, nĩ Nzekalia; na ala maĩ nake mosyaanĩonĩ kwatalilwe aũme ĩana na mĩongo ĩtano.
4
Wa ana ma Vaathi‐moavi, nĩ Elioenai mwana wa Nzelaia; na ala maĩ nake aũme maana elĩ.
5
Wa ana ma Sekania, nĩ mwana wa Yaanzieli; na ala maĩ nake aũme maana atatũ.
6
Na wa ana ma Atini, nĩ Eveti mwana wa Yonathani; na ala maĩ nake aũme mĩongo ĩtano.
7
Na wa ana ma Elamu, nĩ Yesaia mwana wa Athalia; na ala maĩ nake aũme mĩongo mũonza.
8
Na wa ana ma Sevatia, nĩ Nzevatia mwana wa Mikaeli; na ala maĩ nake aũme mĩongo nyanya.
9
Na wa ana ma Yoavu, nĩ Ovatia mwana wa Yeiieli; na ala maĩ nake aũme maana elĩ na ĩkũmi na nyanya.
10
Na wa ana ma Selomithi, nĩ mwana wa Yosiviia; na ala maĩ nake aũme ĩana na mĩongo thanthatũ.
11
Na wa ana ma Mbevai, nĩ Nzekalia mwana wa Mbevai; na ala maĩ nake aũme mĩongo ĩlĩ na nyanya.
12
Na wa ana ma Asikati, nĩ Yoanani mwana wa Akatani; na ala maĩ nake aũme ĩana na ĩkũmi.
13
Na ma ana ma Atonikamu, ala anini; na aa nĩmo masyĩtwa moo: Eliveleti, na Yeueli, na Semaia; na ala maĩ nao aũme mĩongo thanthatũ.
14
Na ma ana ma Mbikivai, nĩ Uthai na Nzavutu; na ala maĩ nao aũme mĩongo mũonza.
15
Nakwa namombanĩsya ũsĩnĩ ũla ũtheeete Aava; na twekala maeemanĩ maitũ kw’o mĩthenya ĩtatũ: na namasisya andũ, o na athembi, na ndyaaona vo ũmwe wa ana ma Livai.
16
Nĩvo ĩndĩ natũmanie Elieseli, na Alieli, na Semaia, na Elinathani, na Yalivu, na Elinathani, na Nathani, na Nzekalia, na Mesulamu, andũ anene; o na Yoialivu, na Elinathani, ala maĩ amanyĩsya.
17
Na namatũma kwa mũnene Ito vandũ vetawa Kasivia; na namatavya ũla memũtavya Ito, na ana‐a‐ĩthe make Anethini, vandũ vau Kasivia, matũetee athũkũmi ma nyũmba ya Ngai waitũ.
18
Na kwĩanana na kw’oko kũseo kwa Ngai waitũ ĩũlũ waitũ matũetee mũndũ wĩ ũmanyi wa ana ma Mali mwana wa Livai, mwana wa Isilaeli; na Selevia, e na ana make na ana‐a‐ĩthe make, ĩkũmi na nyanya;
19
na Asavia, na vamwe nake Yesaia wa ana ma Melali, e na ana‐a‐ĩthe make na ana moo, mĩongo ĩlĩ;
20
na ma Anethini, ala Ndaviti na anene me mbee ũsumbĩnĩ mamaumĩtye ũndũ wa ũthũkũmi wa Alivai, Anethini maana elĩ na mĩongo ĩlĩ: onthe nĩmawetiwe na masyĩtwa.
21
Na ĩndĩ natavan’ya kũtĩĩa ũya ku, ũsĩnĩ wa Aaaa, nĩ kana tũmwĩnyivĩsye Ngai waitũ, tũmanthe kwake nzĩa ndũngalu ũndũ witũ ene, na ũndũ wa syana sitũ nini, na ũndũ wa syĩndũ sitũ syonthe.
22
Nũndũ nĩnĩnasonokie kwĩtya mũsumbĩ nguthu ya asikalĩ na andũ ala matũlite mbalasi matũtethye ũndũ wa amaitha nzĩanĩ, nĩkwĩthĩwa twaĩ tũnaneena na mũsumbĩ, tũkĩmwĩa, Kw’oko kwa Ngai waitũ kwĩ ĩũlũ wa onthe ala mamũmanthaa nĩ kana kũmaetee ũseo; ĩndĩ ũtonyi wake na ũthilĩku wake wĩ ĩũlũ wa onthe ala mamũtiaa.
23
Na ĩndĩ twatĩĩa ũya na twamwĩsũva Ngai waitũ kwondũ wa ũndũ ũsu: nake atwĩthukĩĩsya.
24
Na ĩndĩ naia andũ ĩkũmi na elĩ ma anene ma athembi, o Selevia, na Asavia, na ĩkũmi ma ana‐a‐ĩthe moo vamwe nao,
25
na namathimĩa vetha, na thaavu, na mĩio, o nthembo ũndũ wa nyũmba ya Ngai waitũ, ĩla mũsumbĩ, na atai make, na anene make me mbee ũsumbĩnĩ, na Isilaeli onthe ala maĩ vo, maumisye:
26
nathimĩa kw’okonĩ kwoo talendi sya vetha maana thanthatũ na mĩongo ĩtano, na mĩio ya vetha ya talendi ĩana; na ya thaavu talendi ĩana;
27
na mbakũli mĩongo ĩlĩ sya thaavu, sya ilungu ngili sya thaavu, na mĩio ĩlĩ ya ũthuku mũseo mũkute, yĩ vata ta thaavu.
28
Na namea, Inyw’ĩ mwĩ atheu kwa Yeova, na mĩio nĩ mĩtheu; na vetha na thaavu nĩ nthembo ya kũmumĩsya Yeova, Ngai wa aaĩthe menyu, na ngoo ya kwenda.
29
Syaĩĩsyai, na mũkĩmĩsũvĩa, kũvika yĩla mwĩmĩthima vala ve anene ma athembi na Alivai, na anene me mbee ũsumbĩnĩ ma nyũmba sya aaĩthe ma Isilaeli, ku Yelusaleme, tũsũmbanĩ twa nyũmba ya Yeova.
30
Na ĩndĩ athembi na Alivai moosa vetha na thaavu ũla mathimĩĩwe, vamwe na mĩio, maitwae Yelusaleme nyũmbanĩ ya Ngai waitũ.
31
Nĩvo ĩndĩ twaumie ũsĩ wa Aava mũthenya wa ĩkũmi na ĩlĩ wa mwei wa mbee, tũende Yelusaleme: na kw’oko kwa Ngai waitũ kwaĩ ĩũlũ waitũ, na atumya kw’okonĩ kwa amaitha na ala moveesyaa nzĩanĩ.
32
Na twavika Yelusaleme, na twekala vo mĩthenya ĩtatũ.
33
Na mũthenya wa kana vetha na thaavu na mĩio syathimĩwa nyũmbanĩ ya Ngai waitũ na syanengwa Melemothi mwana wa mũthembi Ulia kw’okonĩ kwake (na vamwe nake kwaĩ Eleasali mwana wa Vineasi: na vamwe nao kwaĩ Yosavati mwana wa Yesua, na Noatia mwana wa Mbinui, Alivai)—
34
syonthe syĩ ndale na syĩ nthime: na ũito w’onthe waandĩkwa ĩvinda yiu.
35
Ana ma ala matavĩtwe, ala maumie kũtavwanĩ, nĩmamũthembee Ngai wa Isilaeli nthembo ya kũvĩvw’a, tũsalũ twa mũew’a ĩkũmi na twĩlĩ ũndũ wa Isilaeli onthe, na ndũũme mĩongo kenda na thanthatũ, na tũtena twa malondu mĩongo mũonza na mũonza, na nthenge ĩkũmi na ilĩ syĩthĩwe nthembo kwondũ wa naĩ: Isu syonthe syaĩ nthembo sya kũvĩvĩw’a Yeova.
36
Na manenga asumbĩ anini, na makavana mũingo wa ũla Ũsĩ, motw’ĩo ma mũsumbĩ: na matethya andũ, na nyũmba ya Ngai.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 9 →
All chapters:
1
2
3
4
5
6
7
8
9
10