Hosea 11

Kamba (Mbivilia) 1956

← Chapter 10 Jump to: Chapter 12 →

1Yĩla Isilaeli waĩ kana, nĩnamwendie, na namwĩta mwana wakwa aume Misili.

2O ũndũ athani maendeea kũmeta, now’o namo maendeeaa kũmatia: mathembeaa Mbaalimu, na kũtoeeasya ũvani mĩvw’anano myaseũvye.

3Ĩndĩ nĩnamanyĩisye Evalaimu kũkinya; na namakua na moko makwa; ĩndĩ maiaamanya kana nĩnamavoisye.

4Nĩnamakusisye na ndii sya o mũndũ na mawovanu ma wendo; na nailyĩ kwoo o ta ala maumasya ĩsoki ngambuunĩ syoo; na namaetee lĩu.

5Maikasyoka nthĩ ya Misili; ĩndĩ Mũasuli akeethĩwa mũsumbĩ woo, nĩkwĩthĩwa nĩmaleile kũnzyokea.

6Na ũvyũ ũkavalũkĩla ndũa syoo, na kũmina ivingo syoo, na kũmaya, kwondũ wa mosũanĩo moo ene.

7Na andũ makwa nĩmendaa kũsyoka na ĩtina mandie: o na kau nĩmeũmeta moke kwa ũla wĩ ĩũlũ, vati o na ũmwe ũkamũnenevya.

8Ngakũeka ata we, Evalaimu? Ngakwĩkya ũtee ata we, Isilaeli? Ngakũtw’a ta Atima ata? Ngakwĩkalya ta Nzevoiimu ata? Ngoo yakwa nĩ ngalyũku nthĩnĩ wakwa, manee makwa nĩmakanĩte vamwe.

9Ndikeka kwĩanana na wai wa ũthatu wakwa, ndikasyoka kwananga Evalaimu: mũndũ ninyie Ngai, na ndi mũndũ; Ũla Mũtheu katĩ waku; na ndikoka nĩ mũthilĩku.

10Nĩmakamũvikĩla Yeova, ũla ũkaluma ta mũnyambũ; nũndũ nũkaluma, na syana nikoka kuma ũthũĩlonĩ wa syũa itetemete.

11Nikoka kuma Misili itetemete ta nyũnyi, na ta ĩvũĩ syumĩte nthĩ ya Asuli; na nĩngatuma matũa nyũmbanĩ syoo, easya ũu Yeova.

12Evalaimu ninthyũlũlũkĩte na ũvũngũ, na nyũmba ya Isilaeli na ũkengani; ĩndĩ Yuta nũsumbĩkĩte na Ngai kũvika yu, na e na kĩthito kwa Ũla Mũtheu.

← Chapter 10 Jump to: Chapter 12 →