bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Hosea 9
Hosea 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
1
Ndũkatane, we Isilaeli, nũndũ wa mũyo, ta ngo sya andũ; nũndũ nĩwĩkĩte ũmalwaya, ũkĩmũtia Ngai waku; nĩwendete kwĩthooesyaa o kĩla kĩvũĩonĩ kya lĩu wa mbaa ngetha.
2
Kĩvũĩo na kĩangĩo kya nzavivũ itikamavũn’ya, na mbinyu mbĩthĩ ĩkamwaĩa.
3
Matikatũa nthĩ ya Yeova; ĩndĩ Evalaimu akasyoka Misili, na makaya lĩu mũvuku ku Asuli.
4
Matikatulũla nthembo sya mbinyu kwondũ wa Yeova, o na matikamwendeesya: nthembo syoo ikeethĩwa kwoo ta lĩu wa ala mametaa; onthe ala makaya nĩmakavukw’a; nũndũ lĩu woo ũkeethĩwa ũndũ wa kũmina nzaa yoo; ndũkalika nyũmbanĩ ya Yeova.
5
Inyw’ĩ mũkeeka ata mũthenya wa ũmbano ũtw’ĩtwe, na mũthenya wa mboka ya Yeova?
6
Nũndũ, sisya, nĩmaendie makĩa wanangĩko; ĩndĩ Misili ĩkamomban’ya, Memivisi ikamathika; syĩndũ syoo sya vetha sya kwendeesya, syĩnyeelya ikoosa syĩthĩwe syasyo; mĩw’a ĩkeethĩwa maeemanĩ moo.
7
Mĩthenya ya kũsilĩlwa nĩ myũku, mĩthenya ya kũĩvanĩsya nĩ myũku; Isilaeli akamanya ũndũ ũsu: mwathani nĩ mũtumanu, mũndũ ũla wĩ na ũ veva e na ndũũka, nũndũ wa ũthũku waku kwingĩva, na nĩkwĩthĩwa ũmaitha nĩ mũnene.
8
Evalaimu aĩ mũsyaĩĩsya vamwe na Ngai wakwa: na ũvoo wa mwathani, kĩtei kya mũtei wa nyũnyi kĩ nzĩanĩ syake syonthe, na ũmaitha nyũmbanĩ ya Ngai wake.
9
Nĩmeyanangĩte mũno, o ta mĩthenyanĩ ya Ngivea: akalilikana ũthũku woo, na akasilĩla naĩ syoo.
10
Noonie Isilaeli ailyĩ ta nzavivũ weũnĩ; noonie aaĩthe menyu o ta ĩkũyũ yambaa kwĩw’a mũkũyũnĩ ĩvinda ya kũsyaa kwaw’o kwa mbee: ĩndĩ maenda kwa Mbaali‐veoli, meenengane kwa kĩndũ kyu kĩ nthoni, na matw’ĩka kĩla kĩthatasya o ta kyu mendete.
11
Ũvoo wa Evalaimu, ndaĩa yoo ĩkaũlũka ta nyũnyi ĩthi: vaikethĩwa ũsyaa, kana wĩ ĩvu, kana kũitava.
12
O na maea syana syoo, ngatuma makw’ĩĩwa nĩsyo, nĩ kana vatikatiale mũndũ: ĩĩ, na ĩngĩ woo nĩ woo yĩla nĩmatia!
13
Evalaimu, o tondũ noonie Tile ĩilyĩ, nũvandĩtwe vandũ va kwendeesya: ĩndĩ Evalaimu akaumaalĩlya syana syake mũai.
14
Manenge, ame Yeova‐wĩmanenga kĩ? Manenge mavu ala metĩkaa na nondo ng’alu.
15
Ũthũku woo w’onthe wĩ Ngilikali; nũndũ nĩnamamenee kw’o: nũndũ wa ũthũku wa meko moo ngamalũngya maume nyũmbanĩ yakwa; o na ndikamenda ĩngĩ; anene moo me mbee ũsumbĩnĩ onthe nĩ alei.
16
Evalaimu nĩ mũkũne, kĩtina kyoo nĩkyũmĩte, maikasyaa ũsyao: ĩĩ, o na masyaa, ngooaa ũsyao ũla wendetwe wa ĩvu yoo.
17
Ngai wakwa akamekya kũasa, nĩkwĩthĩwa matyaamwĩthukĩĩsya; na makeethĩwa angangi katĩ wa i mbaĩ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
All chapters:
1
2
3
4
5
6
7
8
9
10
11
12
13
14