bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Hosea 4
Hosea 4
Kamba (Mbivilia) 1956
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
1
Ĩw’ai ndeto ya Yeova, inyw’ĩ ana ma Isilaeli; nũndũ Yeova e na ngananĩo na ala matwĩe ĩ nthĩ, nũndũ kũti w’o, kana ũseo, kana ũmanyi wa Ngai ĩ nthĩ.
2
Kũti ũndũ ũngĩ no kwĩavaa, na kwanangaa wĩw’ano, na kũaaa, na kũyaa, na kwĩkaa ũlaalai; nĩmeyalĩlasya, na nthakame nikwataa nthakame.
3
Kwondũ wa ũu nthĩ ĩkameta, na kĩla ũmwe ũla ũmĩtwĩe akaaa vinya, vamwe na nyamũ sya kĩtheka na nyũnyi sya yayaya; ĩĩ, na makũyũ ma ũkanga nao makavetwa.
4
Ĩndĩ kũikethĩwe mũndũ kũtetan’ya, kana mũndũ o na wĩva kũkan’ya; nũndũ andũ maku nĩ ta ala matetanasya na mũthembi.
5
Naku ũkalulutĩka mũthenya, na mwathani nake akalulutĩka vamwe naku ũtukũ; nakwa ngaananga inyia waku.
6
Andũ makwa nĩmanangawa nĩ kwaa ũmanyi: nĩkwĩthĩwa nĩwaleile ũmanyi, o nakwa ngakũlea, nĩ kana ndũkethĩwe mũthembi kwakwa: nũndũ nĩwũlĩtwe nĩ mĩao ya Ngai waku, o nakwa ngoolwa nĩ syana syaku.
7
O tondũ maingĩvie, now’o mambĩtanĩsye: ngaalyũla ndaĩa yoo ĩtw’ĩke nthoni.
8
Maĩsaa naĩ ya andũ makwa, na kwenda mũno ngoonĩ syoo ũthũku woo.
9
Na kũkeethĩawa, o ũndũ andũ mailyĩ, now’o mũthembi; nakwa ngamasilĩla nũndũ wa mĩendele yoo, na ngamaĩva o meko moo.
10
Na makaya, na matikavũna; makeeka ũmalwaya, na matikongeleka; nĩkwĩthĩwa nĩmaekie kũmwĩw’a Yeova.
11
Ũmalwaya na mbinyu na mbinyu mbĩthĩ nivetaa ũmanyi.
12
Andũ makwa nĩmakũlasya kĩthukĩ kyoo ũtao, na ndata yoo nĩmavuanĩasya; nũndũ veva wa ũmalwaya nũmavĩtĩthasya, na nĩmekaa ũmalwaya, makyuma ungu wa Ngai woo.
13
Nĩmathembaa iĩmanĩ ĩũlũ, na kũtoeesya ũvani ĩũlũ wa tũlĩma, ĩtina wa mĩtĩ ya myaloni na mĩlivina na mĩelo, nĩkwĩthĩwa muunyĩ wayo nĩ mũseo: kwondũ wa ũu eĩtu menyu nĩmekaa ũmalwaya, na atwawa menyu nĩmekaa ũlaalai.
14
Ndikasilĩla eĩtu menyu meeka ũmalwaya, kana atwawa menyu meeka ũlaalai; nũndũ o namo ene maendaa mwathũko na malwaya, na makĩthemba me na malwaya; na andũ ala mate na ũmanyi makaanangwa.
15
O na kau we, Isilaeli, nĩwĩkaa ũmalwaya, ĩndĩ Yuta ndakavĩtye; na mũtikoke Ngilikali, o na mũtikambate Mbethi‐aveni, kana kwĩvĩta, mũkyasya, O tondũ Yeova wĩ thayũ.
16
Nũndũ Isilaeli nĩwekie ũng’endu, o ta moi ng’endu: yu Yeova akamaĩthya ta katena ka ĩlondu vandũ vaamu.
17
Evalaimu nũkwatene na mĩvw’anano; mũeke.
18
Kya ũnyw’a kyoo nĩkĩkaatĩte; nĩmekaa ũmalwaya ĩndĩ yonthe; asumbĩki make nĩmendaa mũno maũndũ me nthoni.
19
Kĩseve nĩkĩmũlingalingĩte nthwaunĩ syakyo; na makasonokw’a nũndũ wa nthembo syoo.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 5 →
All chapters:
1
2
3
4
5
6
7
8
9
10
11
12
13
14