bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Hosea 2
Hosea 2
Kamba (Mbivilia) 1956
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 3 →
1
Matavyei ana‐a‐ĩthe menyu, Amimi; na eĩtu‐a‐inyia menyu, Luama.
2
Tetan’yai na inyia wenyu, tetan’yai; nũndũ ti kĩveti kyakwa, o nakwa ndi mũũme wake; na navete ũmalwaya wake ũthyũnĩ wake, na maũlaalai make katĩ wa nondo syake;
3
ndikese ũmũvua ethĩwe mũthei, na kũmwĩkalya o ta mũthenya ũla wasyaiwe, na kũmũtw’ĩkĩthya ta weũ, na kũmwĩkalya ta nthĩ nyũmũ, na kũmũaa na waũni.
4
Ĩĩ, ndikew’ĩa syana syake tei; nũndũ nĩ syana sya ũmalwaya;
5
nũndũ inyia wasyo nĩwekie ũmalwaya; ũla waiitavie nĩwekie ũndũ wĩ nthoni; nũndũ aisye, Nĩngũatĩĩa endwa makwa, ala manengae lĩu wakwa na kĩw’ũ kyakwa, na w’ĩa wakwa wa ĩlondu, na katane yakwa, na mauta makwa na kya ũnyw’a kyakwa.
6
Kwondũ wa ũu, sisya, ngaiia nzĩa yaku na mĩw’a, na ngamwakĩĩa ũvai, nĩ kana ndakone nzĩa syake.
7
Na akaatĩĩa endwa make, ĩndĩ ndakamawĩla; na akamamantha, ĩndĩ ndakamona: nĩvo wĩasya, Nĩngũenda nĩsyokee mũũme wakwa wa mbee; nũndũ ĩvinda yĩu kwaĩ kavaa kwakwa kwĩ yu.
8
Nũndũ ndaamanya kana nĩnamũnengaa lĩu wa mbaa ngetha, na mbinyu mbĩthĩ, na mauta, na kũmwingĩvĩsya vetha na thaavu, ila maumĩasya Mbaali.
9
Kwondũ wa ũu ngatũnga lĩu wakwa wa mbaa ngetha ĩvinda yaw’o, na mbinyu yakwa mbĩthĩ ĩvinda yayo, na ngaveta w’ĩa wakwa wa ĩlondu na katane yakwa ĩla ĩnaĩ ya kũmũvw’ĩka e mũthei.
10
Nakwa yu ngamũvua kwake kwĩ nthoni endwa make mene, na kũti ũmwe wĩmũtangĩĩa kuma kw’okonĩ kwakwa.
11
O na ĩngĩ ngatuma ũtanu wake w’onthe ũthela, mboka syake, na mboka syake sya mĩtiso ya myei, na masavato make, na maũmbano make onthe matw’ĩtwe.
12
Na ngaananga mĩsavivũ yake na mĩkũyũ yake, ĩla kwondũ wayo ũneenete, Ĩno nĩyo ĩtuvi yakwa yĩla endwa makwa manengete; na ngamĩtw’ĩkĩthya mũtitũ, na nyamũ sya kĩtheka ikamĩya.
13
Na ngeeĩvanĩsya kwake mĩthenya ya Mbaalimu, ila watoeesye ũvani, yĩla weseũvĩsye mwene na ngome sya matũ, na mĩio yake ya wanake, na kũatĩĩa endwa make, na oolwa ninyie, easya ũu Yeova.
14
Kwondũ wa ũu, sisya, ngamũkusya na ũĩ, na kũmũtwaa weũnĩ, na kũneena nake na ndeto sya ũkiakisyo.
15
Na ngamũnenga mĩũnda yake ya mĩsavivũ kw’o, na mwanda wa Akoli ũtw’ĩke mũomo wa wĩkwatyo; na akeetika e kw’o, o ta mĩthenyanĩ ya wana wake, na ta mũthenya ũla wambatie kuma nthĩ ya Misili.
16
Na kũkeethĩwa mũthenya ũsu, ũkambĩta Isi, na ndũkambĩta ĩngĩ Vaali, easya ũu Yeova.
17
Nũndũ ngaveta masyĩtwa ma Mbaalimu kanyw’anĩ wake, na itikawetwa ĩngĩ na masyĩtwa masyo.
18
Na mũthenya ũsu ngatianĩa ũtianĩo na nyamũ sya kĩtheka kwondũ woo, na nyũnyi sya yayaya, o na tũsamũ twa nthĩ tũla tũtambũkaa; na ũta na ũvyũ na kaũ ngaitũla syume nthĩ, na ngatuma makoma vate mũisyo.
19
Na ngakwĩvasya wĩthĩwe wakwa tene na tene; ĩĩ, ngakwĩvasya na ũlũngalu, na ũsili wa katĩ, na ũseo wĩ wendo, na matei, wĩthĩwe wakwa.
20
O na ngakwĩvasya na kĩthito wĩthĩwe wakwa; na ũkamũmanya Yeova.
21
Na kũkeethĩwa mũthenya ũsu, ngasũngĩa, easya ũu Yeova, ngasũngĩa matu, namo makasũngĩa nthĩ;
22
na nthĩ ĩkasũngĩa lĩu wa mbaa ngetha, na mbinyu mbĩthĩ, na mauta; nasyo ikasũngĩa Yesileeli.
23
Na ngamũvanda nthĩ kwondũ wakwa; na ngamwĩw’ĩa tei ũla ũtaaĩw’ĩwa tei; na ngamea ala mataĩ andũ makwa, Mwĩ andũ makwa; na makasya, Wĩ Ngaĩ wakwa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 3 →
All chapters:
1
2
3
4
5
6
7
8
9
10
11
12
13
14