bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Numbers 19
Numbers 19
Kamba (MBIVILIA ŨVOO MŨSEO)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 20 →
1
Mwĩai Ngai nĩwaneenie na Mwose na Alũni amea atĩĩ,
2
“Mwĩao ũla nyie Mwĩai Ngai nĩnenganĩte waĩlĩte kwĩanĩw'a nĩw'o ũũ: Tavyai andũ ma Ĩsilaeli nĩmamũetee moi ndune ĩte kĩema kana ĩlanga, na ĩtaaĩkĩwa ĩsoki.
3
Nĩmanenge mũthembi Eleasali moi ĩsu, na ĩitwawa ũtee wa maeema na ĩithĩnzwa asyaĩĩsye.
4
Eleasali nĩose nthakame ĩmwe ya yo, na kũmĩminzangĩsya na kyaa kyake mavinda mũonza ngalĩko ya mbee ya Ĩeema ĩtheu ya kũkomanĩa na Ngai.
5
Moi ĩsu yonthe ĩvĩvw'e Mũthembi Eleasali asyaĩĩsye: Kĩthuma kyayo, nyama syayo, nthakame na syĩndũ sya nda syayo.
6
Mũthembi ũsu nĩose ngũ sya mũtĩ wa mũkũũ, na sya mũtĩ wĩtawa ĩsovo na mũkumbũ mũtune, na aisyĩkya mwakinĩ ivye vamwe na moi ĩsu.
7
Ĩtina wa ũu mũthembi ũsu no nginya avũe ngũa syake na aithamba na kĩw'ũ. Amina kwĩka ũu nũtonya kũsyoka maeemanĩ, ĩndĩ eendeea kwĩthĩwa e mũvuku kũvika ĩa mawĩoo.
8
Mũndũ ũla wavĩvya moi ĩsu no nginya avũe ngũa syake na aithamba na kĩw'ũ, ĩndĩ o nake eendeea kwĩthĩwa e mũvuku kũvika ĩa mawĩoo.
9
Mũu wa moi ĩsu nĩwũmbanw'e nĩ mũndũ mũtheu na aithi akawie vandũ vatheu ũtee wa maeema. Mũu ũsu ũkatũmĩawa nĩ andũ ma Ĩsilaeli yĩla mekũseũvya kĩw'ũ kya kũthesya andũ ala avuku; kĩw'ũ kĩu nĩkya kũthesya andũ naĩ syoo.
10
Mũndũ ũla woombany'a mũu ũsu no nginya avũe ngũa syake, ĩndĩ eendeea kwĩthĩwa e mũvuku kũvika ĩa mawĩoo. Mwĩao ũũ ũkaatĩĩawa kĩla ĩvinda nĩ andũ ma Ĩsilaeli na aeni ala matũaa vamwe namo.
11
“Mũndũ o na wĩva ũla wakwata mwĩĩ wa mũndũ mũkw'ũ akeethĩawa e mũvuku vandũ va mĩthenya mũonza.
12
Mũthenyanĩ wa katatũ na wa mũonza no nginya mũndũ ũsu ethesye na kĩw'ũ nĩ kana ethĩwe e mũtheu. Ĩndĩ alea kwĩthesya mũthenyanĩ wa katatũ na wa mũonza, mũndũ ũsu eendeea kwĩthĩwa ate mũtheu.
13
Mũndũ o na wĩva ũla wakwata mwĩĩ wa mũndũ mũkw'ũ, na ailea kwĩthesya aendeeaa kwĩthĩwa ate mũtheu, nũndũ ti mũminzangĩsye kĩw'ũ kya kũthesya ũvuku, na nũvukasya Ĩeema ĩtheu ya Mwĩai Ngai. Mũndũ ũsu ndakatalwa ĩngĩ ta ũmwe wa andũ ma Ngai.
14
“Ethĩwa mũndũ nĩwakw'ĩĩa ĩeemanĩ, mũndũ o na wĩva ũla eĩĩ ĩeemanĩ yĩu nthĩnĩ ĩvindanĩ yĩla mũndũ ũsu wakw'a, kana mũndũ o na wĩva ũla wĩyĩlika, akeethĩawa e mũvuku vandũ va mĩthenya mũonza.
15
Kĩndũ o na kĩva kĩla kĩ ĩeemanĩ yĩu kĩkunũe kĩte na ngunĩko, kĩthĩawa kyavukw'a.
16
Mũndũ o na wĩva ũla wĩkwata mwĩĩ wa mũndũ wũaĩwe nza wa vala maeema mambĩtwe kana ũkw'ĩte kĩkw'ũ kĩte kya kũawa, kana ũla wĩkiita mavĩndĩ ma mũndũ kana mbũa, akeethĩawa e mũvuku vandũ va mĩthenya mũonza.
17
“Kwondũ wa andũ ala maminĩte kwĩvukya osa mũu wa nthembo ya kũvĩvw'a ĩla yumĩtw'e kwondũ wa ũekeo wa naĩ. Ĩkĩa mũu ũsu kĩndũnĩ kĩna kĩw'ũ kuma ũsĩnĩ wĩna kĩw'ũ kĩvĩtĩte.
18
Mũndũ ũla ũte mũvuku nĩose mũtĩ wĩtawa ĩsovo, aũinde kĩw'ũnĩ kĩu na akĩminzangĩsya ĩeema na syĩndũ syonthe ila syĩ nthĩnĩ wayo o vamwe na andũ ala meĩ nthĩnĩ wa ĩeema yĩu. O ta ũu no nginya aminzangĩsye kĩw'ũ kĩu mũndũ o na wĩva ũla ũkiitĩte ĩvĩndĩ ya mũndũ mũkw'ũ, kana mbũa, kana mũndũ ũla wũaĩtwe kana ũla ũkw'ĩte kĩkw'ũ kĩte kya kũawa.
19
Mũndũ ũsu mũtheu akaminzangĩasya ũla mũvuku kĩw'ũ kĩu mũthenyanĩ wa katatũ na wa mũonza. Nĩamũthesye mũthenyanĩ ũsu wa mũonza. Mũndũ ũsu ũkũthew'a nĩavũe ngũa syake na aithamba na kĩw'ũ, na wĩoo ũsu eĩthĩwa e mũtheu.
20
Ĩndĩ ethĩwa mũndũ mũvuku nĩwalea kwĩthesya, nĩavetangwe kuma andũnĩ ma Ĩsilaeli, nũndũ nũvukĩtye Ĩeema ĩtheu ya Mwĩai Ngai. Mũndũ ũsu nĩ mũvuku nũndũ ndanaminzangĩw'a kĩw'ũ kya kũthesya.
21
No nginya mwĩanĩasye mwĩao ũsu ĩvindanĩ yonthe yĩla yũkĩte. Mũndũ ũla ũkũminzangĩsya kĩw'ũ kya kũthesya no nginya avũe ngũa syake; Mũndũ o na wĩva ũla ũkakwata kĩw'ũ kĩu kya kũthesya akeethĩawa e mũvuku kũvika ĩa mawĩoo.
22
Kĩndũ o na kĩva kĩla mũndũ ũsu mũvuku wakiita kĩtw'ĩkaa kĩvuku, na mũndũ o na wĩva akĩkiita akeethĩawa e mũvuku kũvika ĩa mawĩoo.”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36