bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Numbers 20
Numbers 20
Kamba (MBIVILIA ŨVOO MŨSEO)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Andũ onthe ma Ĩsilaeli nĩmavikie weũnĩ wa Sini mweinĩ wa mbee na mamba maeema moo Katesi. Me kũu Miliamu nĩwakwie na athikwa kw'o.
2
Vala andũ asu mambie maeema moo vayaĩ kĩw'ũ na kwoou nĩmaendie moombanĩlĩĩla Mwose na Alũni,
3
na manyungunyĩsya mayasya atĩĩ, “Nĩ kavaa kethĩwa twakwie vamwe na andũ ma Ĩsilaeli ala makw'ĩĩe mbee wa Mwĩai Ngai.
4
Mwatũetie weũnĩ ũũ nĩkĩ? Mwendaa ithyĩ na indo sitũ tũke kũkw'ĩĩa kũũ?
5
Mwatumasya nthĩ ya Misili mũtũete kũndũ kũũ kũthũkĩte ũu na kũtameaa kĩndũ nĩkĩ? Nthĩ ĩno ndĩ ngetha ya mbaa mbeke, kana matunda ma makũyũ, ndĩ nzavivũ kana makũngũmanga, o na kũiĩ kĩw'ũ kya kũnyw'a!”
6
Mwose na Alũni nĩmaumie vala ve andũ ma Ĩsilaeli na mathi mũvĩanĩ wa Ĩeema ĩtheu ya kũkomanĩa na Ngai. Nĩmakumanie matina nthĩ na ũthyũ na ũtheu mũtisu wa Mwĩai Ngai wamaumĩlĩĩla.
7
Mwĩai Ngai nĩweeie Mwose atĩĩ,
8
“Osa ĩla ndata yiĩtwe mbee wa Ĩsandũkũ ya Ũtianĩo, na wĩ na Alũni mũyũmbany'a andũ onthe ma Ĩsilaeli. Mwĩ vau mbee woo onthe, neenai na ĩvia yĩla yĩ vau na kĩw'ũ nĩkĩkuma ĩvianĩ yĩu, na kwa nzĩa ĩsu nĩmũũnenga andũ na indo kĩw'ũ kya kũnyw'a kuma vo.”
9
Mwose nĩwaendie oosa ndata ĩsu o tondũ Mwĩai Ngai wamwĩaĩĩte.
10
Mwose na Alũni nĩmoombanĩisye andũ onthe ma Ĩsilaeli mbee wa yĩla ĩvia na amea atĩĩ, “Ĩthukĩĩsyei yu inyw'ĩ andũ ang'endu; mwĩenda tũmumĩsye kĩw'ũ ĩvianĩ yĩĩ?”
11
Nĩvo ĩndĩ Mwose wookĩlilye ĩla ndata na akũna ĩvia yĩu kelĩ nayo, na kĩw'ũ kingĩ kyauma vo andũ manyw'a na manyithya indo syoo.
12
Ĩndĩ Mwĩai Ngai nĩweeie Mwose na Alũni atĩĩ, “Nĩkwĩthĩwa mũinandĩkĩĩa na kwonany'a kwa andũ ma Ĩsilaeli kana nyie nĩ Ngai mũtheu, mũikamatwaa makalike nthĩ ĩla nathanie kana ngamanenga.”
13
Maũndũ asu meekĩkie Meliva vala andũ ma Ĩsilaeli manyungunyĩisye kũla kwĩ Mwĩai Ngai, nake amony'a kana we nĩ Ngai mũtheu.
14
Mwose nĩwatũmie andũ kuma Katesi mathi kũla kwĩ mũsumbĩ wa nthĩ ya Etomu makamwĩe atĩĩ, “Ũũ nĩw'o ana-a-ĩthe maku andũ ma Ĩsilaeli mekwasya: We nĩwĩsĩ mathĩna onthe ala matũkwatĩte.
15
Aaũmae maitũ nĩmaendie nthĩ ya Misili, na twatũa kw'o vandũ va myaka mingĩ mũno. Andũ ma nthĩ ĩsu nĩmathĩnisye aaũmae maitũ mũno, naitũ o ta ũu matũthĩny'a,
16
ĩndĩ nĩtwamwĩkaĩlile Mwĩai Ngai atũtetheesye. Mwĩai Ngai nĩweewie kĩĩo kitũ na atũma mũlaĩka wake ũla watũtongoeisye atumya nthĩ ĩsu. Yu twĩ ndũanĩ ya Katesi ĩla yĩ mũvakanĩ wa kĩsio kĩla ũsumbĩkĩte.
17
Nĩtũũkwĩsũva ũtũnenge mwanya tũvĩtĩle nthĩ yaku. Tũitia nzĩa na kwĩsĩla na kwĩsĩla isesinĩ syaku, kana mĩũndanĩ ya mĩsavivũ, o na tũinyw'a kĩw'ũ kuma ithimanĩ syaku. Twĩĩsĩla nzĩanĩ ĩla nene nginya tũvĩtũke kĩsio kya nthĩ yaku.”
18
Ĩndĩ andũ ma Etomu nĩmasũngĩie masya atĩĩ, “Tũimũnenga mwanya mũvĩtĩle nthĩ yaitũ! Mwatata kũmĩsĩla, twĩũka na asikalĩ maitũ na kũmũkita.”
19
Ĩndĩ andũ ma Etomu nĩmasũngĩie masya atĩĩ, “Ithyĩ twĩvĩtĩla nzĩanĩ ĩla nene na ethĩwa nĩtũũnyw'a kana kũnyithya indo sitũ kĩw'ũnĩ kyenyu nĩtũkũĩva. Kĩla ithyĩ tũũmũkũlya no mwanya tũvĩtĩle nthĩ yenyu.”
20
Andũ ma Etomu nĩmaneenie ĩngĩ masya atĩĩ, “Tũyĩĩtĩkĩla mũvĩtĩle nthĩ yaitũ!” Mamina kwasya ũu nĩmaendie me na nguthu nene ya asikalĩ ma kau makokite andũ ma Ĩsilaeli.
21
Nĩvo ĩndĩ andũ ma Ĩsilaeli mavĩndũkie mesĩla nzĩa ĩngĩ nũndũ andũ ma Etomu nĩmamavatie kũvĩtĩla nthĩ yoo.
22
Andũ onthe ma Ĩsilaeli nĩmaendie kuma Katesi kũvika Kĩĩmanĩ kya Olu,
23
kĩla kĩ mũvakanĩ wa Etomu. Me vau Mwĩai Ngai nĩwaneenie na Mwose na Alũni amea atĩĩ,
24
“Alũni nũkũkw'a. Ndethi kũlika nthĩ ĩla nathanie kana nganenga andũ ma Ĩsilaeli. Ekw'a nũndũ nĩmwaleile kũatĩĩa mwĩao wakwa yĩla mwaĩ Meliva.
25
Ĩta Alũni na Eleasali mwana wake na ũimatwaa Kĩĩmanĩ kya Olu ĩũlũ.
26
Mwĩ vau kĩĩmanĩ umya Alũni ngũa syake sya kĩ-ũthembi na ũisyĩkĩa Eleasali mwana wake. Alũni ekw'ĩĩa vau.”
27
Mwose nĩweekie ũndũ Mwĩai Ngai wamwĩaĩe. Me atatũ nĩmambatie Kĩĩmanĩ kya Olu andũ onthe ma Ĩsilaeli mamasyaĩĩsye.
28
Mwose nĩwaumisye Alũni ngũa sya kĩ-ũthembi asyĩkĩa Eleasali mwana wa Alũni. Alũni nĩwakw'ĩĩie vau kĩĩmanĩ. Nĩvo ĩndĩ Mwose na Eleasali matheeie kuma kĩĩmanĩ.
29
Yĩla andũ onthe ma Ĩsilaeli mamanyie kana Alũni nũkwie, nĩmaĩie nũndũ wake vandũ va mĩthenya mĩongo ĩtatũ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36