bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 13
2 Samuel 13
Krio (Krio Fɔs Oli Baybul)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
As tɛm de go, Amɔn we na wan pan Devid in bɔypikin fɔl fɔ in stɛpsista we so fayn ɛn na Absalɔm we na Devid in ɔda bɔypikin in yon bɛlɛ bɔn sista.
2
Amɔn bin de fɔl fɔ dis in sista bad bad wan te i sik. Tama na bin vajin ɛn i tan lɛk se Amɔn nɔ go ebul fɔ du wetin in wan du.
3
Amɔn bin gɛt wan padi we nem Jonadab we na Shimea dat na Devid in brɔda, in bɔypikin. Jonadab bin gɛt sɛns ɛn sabi aw fɔ dil wit dɛn kayn kes de.
4
I aks Amɔn fɔ tɛl am wetin mek in we na kiŋ pikin fɔ de fiba dedewek ɛvri mɔnin. Amɔn tɛl am se i de fɔl bad fɔ Tama we na Absalɔm in bɛlɛ bɔn sista bɔt nɔ no wetin fɔ du.
5
Jonadab tɛl Amɔn se i fɔ go lidɔm na bed ɛn fɔm sik dɔn we in papa kam luk am i fɔ tɛl am se i want mek in sista we na Tama kuk kam gi am fɔ it. Jonadab se Amɔn fɔ tɛl in papa se i want Tama fɔ kam kuk di it bifo am mek i de wach aw i de du am ɛn mek i go fid am we i dɔn.
6
Amɔn insɛf du wetin Jonadab se ɛn go lidɔm de fɔm sik. Wɛn di kiŋ kam luk am, i tɛl am ɔl wetin Jonadab se i fɔ tɛl am dat na fɔ mek Tama mek it fɔ am fɔ it frɔnt in fes ɛn fid am we i dɔn.
7
Devid sɛn wɔd to Tama we bin de nain yon os. I se Tama fɔ go nain brɔda Amɔn in os so dat i go go mek tin fɔ am fɔ it.
8
Tama insɛf go nain brɔda Amɔn in os fɔ go mek it fɔ am bɔt Amɔn in lidɔm nɔmɔ. Tama miks di flawa fɔ mek bred bifo Amɔn bifo i bek di bred.
9
Bɔt wɛn di bred dɔn bek dɔn we Tama sav am, i nɔ gri it. I se Tama fɔ mek ɔlman go na do so ɔlman go na do lɛf dɛn.
10
Na da tɛm de Amɔn tɛl Tama fɔ kɛr di it insay in rum so dat i go fid am. Tama insɛf kɛr di bred we i bek to in brɔda Amɔn insay in rum.
11
Bɔt as i wan gi am fɔ it nain i grip am ɛn se mek dɛn lidɔm.
12
Tama beg am se mek in we nain brɔda nɔ du dat. I se mek i nɔ fɔs am as na bad tin dat we dɛn nɔ fɔ yɛri se bi na Izrɛl.
13
I se in nɔ go gɛt fes sɛf fɔ waka na trit ɛn ɔlman nɔ go luk Amɔn wit wan bɛtɛ yay na Izrɛl. I se duya mek Amɔn go aks di kiŋ ɛn i go mek dɛn ɔltu mared.
14
Bɔt ɔl di tɛm we Tama de tɔk na fɔ natin. Sins Amɔn gɛt trɛnk pas am, i jomp pan am ɛn rep am.
15
Afta dat, Amɔn et Tama bad bad wan. In fakt sɛf i kam et am pas aw i bin lɛk am so i ala pan am fɔ grap ɛn go na do.
16
Tama nɔ ɔndastand so i tɛl am se if i de drɛb am lɛk dɔg, i go de du wɔs tin pas wetin i dɔn du to am. Bɔt usay! I nɔ lisin am sɛf.
17
I kɔl in bɔdigad ɛn tɛl am fɔ put di uman na do ɛn bɔlt in do.
18
So di bɔdigad insɛf put di uman na do ɛn bɔlt di do. Tama bin wɛr fayn gawn we dɛn wok lɛk aw kiŋ pikin we nɔ no man yet kin drɛs.
19
Afta Amɔn dɔn pliz insɛf, Tama rɔb ashis nain ed ɛn chɛr di gawn we i bin wɛr dɔn i put in an nain ed, kɔmɔt na di os de kray as i de go.
20
As in bɛlɛ bɔn brɔda si am i aks am if nain stɛpbrɔda Amɔn dɔn vajinet am. I koks Tama ɛn tɛl am nɔ fɔ kip dat nain at as dɛn na brɔda ɛn sista. I mek Tama tap nain os lɛkɛ udat ɔltin dɔn fɔ.
21
Wɛn Kiŋ Devid yɛri ɔl wetin bi, i vɛks bad.
22
Absalɔm nɔ se fiŋ to Amɔn. I et Amɔn bikɔs i trit Tama lɛk rare gyal.
23
Afta tu ia, we Absalɔm in wokman dɛn we kin pul in ship dɛn wul go na Beal Ezɔ nia di bɔda na Ifrem, i invayt ɔl di kiŋ in bɔypikin dɛn fɔ go de.
24
I go aks di kiŋ insɛf fɔ kam wit in ɔfisa dɛn as in wokman dɛn we de kɔt di ship dɛn wul go de de.
25
Bɔt di kiŋ nɔ gri go. I se if dɛn ɔl go, na mɔ yagba fɔ Absalɔm. Pan ɔl we Absalɔm koks am fɔ go, i nɔ gri bɔt pre mek PAPA GƆD blɛs am.
26
Absalɔm gri wit am bɔt aks di kiŋ se if in nɔ de go, mek in brɔda Amɔn in go wit dɛn. Di kiŋ aks am wetindu.
27
Absalɔm koks am te i gri mek Amɔn go wit in ɔda bɔypikin dɛn.
28
Absalɔm gi in wokman dɛn ɔda se wɛn Amɔn dɔn drink bɔku wayn ɛn de fil fayn, dɛn fɔ wap am ɛn kil am. I se dɛn nɔ fɔ skyad, dɛn fɔ mek maynd as nain gi dɛn ɔda.
29
So Absalɔm in wokman dɛnsɛf kil Amɔn lɛkɛ aw Absalɔm ɔda dɛn. Dat mek ɔl di kiŋ in ɔda bɔypikin dɛn jomp pantap dɛn myul dɛn ɛn rɔnawe.
30
We dɛn de na rod de go nain Devid yɛri se Absalɔm dɔn kil ɔl in bɔypikin dɛn ɛn nɔn pan dɛn nɔ lɛf.
31
Di kiŋ insɛf grap chɛr in klos fɔ sho aw i sɔri ɛn lidɔm na grɔn. In wokman dɛnsɛf fala am ɛn chɛr dɛn klos fɔ sho aw dɛnsɛf sɔri.
32
Bɔt Jonadab we na Shimea dat na Devid in brɔda in bɔypikin tɛl di kiŋ se lɛ i nɔ wɔri nɔto ɔl in bɔypikin dɛn dɛn kil. I se na Amɔn nɔmɔ day as Absalɔm bin dɔn de tɔk am frɔm di de we Amɔn rep in sista we na Tama.
33
I se lɛ kiŋ Devid nɔ lisin we dɛn se ɔl in bɔypikin dɛn day as na lay. Na Amɔn in waŋren day.
34
Da tɛm de we dɛn de tɔk, Absalɔm insɛf bin dɔn rɔnawe. Na di tɔk dɛn de tɔk we di sikyɔriti we bin de dyuti es in ed ɔp ɛn si bɔku pipul na di rod we de wɛst frɔm usay i tinap de go dɔŋ di il in sayd. Di sikyɔriti go tɛl di kiŋ se in si pipul to usay Oronaim de na di il in sayd.
35
Jonadab tɛl di kiŋ se nain bɔypikin dɛn de kam so jɛs lɛkɛ aw i bin tɛl am.
36
Bay di tɛm we dɛn de tɔk dɔn, di kiŋ in bɔypikin dɛn bɔs. Na so dɛn de kray lawd lawd wan. Di kiŋ insɛf ɛn ɔl in wokman dɛn jɔyn dɛn fɔ kray bita bita wan.
37
Kiŋ Devid munin fɔ Amɔn fɔ lɔŋ. Bɔt Absalɔm in rɔnawe go to Talmay we na Amiɔd in bɔypikin. Talmay na bin di kiŋ na Gɛshɔ.
38
We Absalɔm rɔnawe, i go na Gɛshɔ ɛn tap de fɔ tri ia.
39
Bay da tɛm de di kiŋ bin dɔn de mis Absalɔm naw as i bin dɔn de tek kɔrej afta Amɔn day.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24