bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 24
2 Samuel 24
Krio (Krio Fɔs Oli Baybul)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
PAPA GƆD vɛks pan di pipul bak so i mek Devid kɔnt ɔmɔs man ebul fɛt na Izrɛl ɛn na Juda.
2
So di kiŋ tɛl Joab ɛn di ɔda kɔmanda dɛn wit am fɔ kɔnt ɔl di man dɛn we ebul fɛt frɔm ɔp na Dan te rich dɔŋ na Biashiba, so dat i go no ɔmɔs de.
3
Bɔt Joab pan ɔl we i kɔl di kiŋ, “Di Pa” se lɛ PAPA GƆD mek Devid si we i de mek di sojaman dɛn bɔku dɔn i aks di kiŋ wetin mek i want am fɔ du tin lɛk dat.
4
Ɛniwe, Joab ɛn di ɔda kɔmanda dɛn du wetin di kiŋ se ɛn dɛn kɔmɔt bifo am go kɔnt ɔl di sojaman dɛn na Izrɛl.
5
We dɛn dɔn krɔs Riva Jɔdan, dɛn kamp nia Aroa we de na di sawtɛn pat na di siti to usay stip na di vali ɛn pas insay Gad go na Jezɛ.
6
Dɛn go na Giliad ɛn dɛn eria na Tatim Hodshi ɛn dɛn go na Gad Jaan ɛn go rawnd fɔ go na Saydɔn.
7
Dɛn go nia Taya usay gɛt traŋa wɔl, ɔl di siti dɛn we di Ivayt ɛn Kenanayt dɛn de. Dɛn rich na Biashiba we de na di Nɛgɛv na Juda.
8
Afta dɛn dɔn kɔnt na di wanol ples, dɛn tɔn bak go Jerusɛlɛm. Na nayn mɔnt ɛn twɛnti de, dɛn tek fɔ kɔnt ɔl di sojaman dɛn.
9
Joab go tɛl di kiŋ ɔmɔs sojaman dɛn kɔnt. Insay Izrɛl na et ɔndrɛd tawzin de we kin ol sɔd fɔ fɛt ɛn na Juda na fayv ɔndrɛd tawzin.
10
Devid fil bad we i mek dɛn kɔnt ɔmɔs man ebul fɛt so i beg PAPA GƆD fɔ fɔgiv am fɔ di fulish we we i biev. I se, “PAPA GƆD, a dɔn sin bad we a mek dɛn kɔnt di sojaman dɛn. Duya, a de beg, fɔgiv mi ɛn nɔ mek a de fil bad fɔ wetin a du so.”
11
Bifo Devid de grap di nɛks mɔnin, PAPA GƆD dɔn tɛl Gad we na prɔfɛt ɛn we de wit am ɔltɛm nain os,
12
fɔ go tɛl Devid se, in de tɛl am tri tin, bɔt nain fɔ pik wetin i want PAPA GƆD fɔ du am.
13
So Gad go to Devid go tɛl am wetin PAPA GƆD se, dat na fɔ lɛ i mek aŋri fɔdɔm na di land fɔ tri ia ɔ lɛ i mek Devid in ɛnimi dɛn de biɛn am fɔ tri mɔnt ɔ lɛ i mek sik we go kil pipul de na di land fɔ tri de. Gad tɛl am fɔ tink gud ɛn tɛl am wetin i fɔ gi as ansa to di wan we sɛn am.
14
Devid tɛl Gad se in riali de fil bad ɛn nɔ no wetin fɔ du. Devid se in go lɛk PAPA GƆD fɔ tɔk aw i go pɔnish am bikɔs PAPA GƆD at list go sɔri fɔ am. I se in nɔ want mɔtalman an de atɔl.
15
So PAPA GƆD mek sik we kin kil pipul de na di land frɔm da mɔnin de te di tɛm we i bin dɔn se i go dɔn: na sɛvinti tawzin pipul day insay ɔp na Dan te rich dɔŋ na Biashiba.
16
Wɛn di enjɛl want fɔ bigin kil di pipul na Jerusɛlɛm, PAPA GƆD sɔri fɔ dɛn ɛn se i du so. Bay da tɛm de di trɔbul bin dɔn bigin pan Arauna we na Jɛbyusayt.
17
Wɛn Devid si di enjɛl we bin de kil di pipul, i tɛl PAPA GƆD se lɛ in ɛn in famili sɔfa bikɔs nain sin. I se, “Dɛn pipul ya nɔ du natin we fɔ mek dɛn de sɔfa so.”
18
Da de de Gad go tɛl Devid se i fɔ go usay Arauna we na Jɛbyusayt in mil os de ɛn bil ɔlta fɔ PAPA GƆD.
19
So Devid insɛf go de go bil di ɔlta lɛk aw Gad se.
20
Wɛn Arauna ɛn in man dɛn si di kiŋ ɛn in man dɛn de kam nain ples, i go baw bifo am wit in fes na grɔn fɔ sho se i rɛspɛkt am.
21
Arauna aks am wetin i kam du. Devid tɛl am se i go fɔ go bay in mil os so dat i kin bil ɔlta fɔ PAPA GƆD we go mek di sik we de kil pipul tap.
22
Arauna tɛl Devid se lɛ i jɛs tek ɛnitin we i want. I gi am man kaw dɛn fɔ bɔn as sakrifays wit di bod dɛn we i kin yuz fɔ mil ɛn ɔl ɔda tin we na bod fɔ wud.
23
Arauna tɛl di kiŋ se in de gi am ɔltin ɛn pre mek PAPA GƆD in at gladi wit di kiŋ.
24
Bɔt di kiŋ tɛl Arauna se paopa in fɔ pe fɔ am bikɔs in nɔ go mek sakrifays to PAPA GƆD wit ɛnitin we i nɔ pe fɔ. So Devid bay di mil os ɛn di man kaw dɛn. I pe lɛkɛ wan ɛn kwata pawns wet silva fɔ dɛn.
25
Devid bil di ɔlta fɔ PAPA GƆD de ɛn bɔn animal dɛn as sakrifays ɛn mek pis sakrifays. Dɛn PAPA GƆD ansa in prea fɔ di land ɛn mek di sik we de kil pipul na Izrɛl tap.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24