bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 18
2 Samuel 18
Krio (Krio Fɔs Oli Baybul)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
1
Devid gɛda ɔl di man dɛn we bin de wit am ɛn pik kɔmanda dɛn. Sɔm i gi dɛn tawzin tawzin pipul ɛn sɔm na ɔndrɛd ɔndrɛd nɔmɔ.
2
Devid sheb ɔl in man dɛn na tri grup. I gi Joab wan fɔ bi kɔmanda, Joab in brɔda we na Abishay gɛt wan ɔda grup fɔ kɔmand ɛn Itay we na Gitayt bi kɔmanda fɔ di tɔd grup. Di kiŋ tɛl in fɛt man dɛn se insɛf go mɔs go fɛt wit dɛn.
3
Bɔt di man dɛn tɛl am se i nɔ fɔ go bikɔs if dɛn gɛt fɔ rɔnawe nɔbɔdi nɔ go bisin bɔt dɛn. Dɛn se if in day na wɔfrɔnt dat go bɛtɛ fɔ di ɛnimi dɛn pas if na dɛn bɔku day sins in layf pas dɛn tɛn tawzin. Dɛn tɛl Devid se i go bɛtɛ fɔ lɛ in lɛf usay i de ɛn bato dɛn na wɔfrɔnt.
4
Di kiŋ ansa dɛn se in go du wetin dɛn want. So di kiŋ tinap kɔna di get de wach aw di man dɛn de go bay grup.
5
Di kiŋ ala wɔn Joab, Abishay ɛn Itay se fɔseka am lɛ dɛn tek tɛm wit Absalɔm lɛ natin nɔ du am. So ɔlman yɛri wetin di kiŋ tɛl di kɔmanda dɛn.
6
Devid in man dɛn ɛn di man dɛn we kɔmɔt Izrɛl mitɔp na di fil ɛn dɛn fɛt na Ifrem Fɔrɛst.
7
Devid in man dɛn win di man dɛn we kɔmɔt Izrɛl. Dɛn bit dɛn bad ɛn na twɛnti tawzin sojaman day pan di Izrɛlayt dɛn.
8
Di eria we dɛn de fɛt kam big pas wetin dɛn bin min te go insay insay di bush. Di pipul we day na di bush pas di wan dɛn we dɛn kil.
9
I kam bi se Absalɔm insɛf sɛf mitɔp wit Devid in man dɛn bɔt as di myul we i bin de rayd pan pas ɔnda wan tik nain in ed fasin pan di tik bɔt di myul kɔntinyu fɔ go we in ɛŋ na di tik.
10
Wɛn wan pan di man dɛn si wetin apin, i tɛl Joab se i si Absalɔm ɛŋ pan wan Ok tik.
11
Joab aks di man se if i si dat wetindu i nɔ kil am de wantɛm. I se da tɛm de i bin fɔ gi di man tɛn pis silva ɛn bɛlt as prɔpa fɛtman.
12
Bɔt di man ansa Joab se if na wan tawzin pis silva dɛn put sɛf nain an, in nɔ go tɔch di kiŋ in bɔypikin. I se dɛn yɛri gud wan we di kiŋ de ɔda Joab, Abishay ɛn Itay se lɛ dɛn sɔri fɔ Absalɔm ɛn nɔ du am natin fɔseka di kiŋ.
13
I tɛl Joab se if in bin risk in layf kil Absalɔm, di kiŋ bin fɔ no ɛn nain wan bin fɔ tot in waala as ivin Joab sɛf go kɔmɔt biɛn am.
14
Nain Joab se in nɔ de wes mɔ tɛm fɔ tɔk wit di man. So i tek tri shap wɛpɔn we i chuk Absalɔm wit nain at di tɛm we Absalɔm bin ɛŋ pan di Ok tik we i nɔ day yet.
15
Dɛn tɛn pan Joab in yon man dɛn gɛda rawnd am ɛn dɔn am wantɛm. Dɛn chuk chuk am te i day.
16
So Joab blo di trɔmpɛt fɔ lɛ dɛn lɛf fɔ fɛt so dɛn lɛf fɔ rɔnata Izrɛl.
17
Dɛn tek Absalɔm, ib am na wan big ol insay di bush ɛn pak big big ston dɛn pan am. Bay da tɛm de ɔl di Izrɛlayt dɛn dɔn rɔnawe go na dɛn os dɛn.
18
Bifo Absalɔm day, i bin dɔn mek sɔntin wit ston we i put na di kiŋ in vali se nain fɔ de tek mɛmba am bikɔs i nɔ gɛt bɔypikin we i go lɛf wit in nem. I kɔl am Absalɔm in Mɔnyumɛnt ɛn na so i nem te tide.
19
Aimaaz we na Zedɔk in bɔypikin wit in rɔnmɔt se lɛ i rɔn go tɛl di kiŋ se PAPA GƆD dɔn pul am nain ɛnimi dɛn an.
20
Joab tɛl am se nɔto in fɔ go tɔk da nyuz de bikɔs di kiŋ in bɔypikin dɔn day. Joab se i go du dat ɔda tɛm bɔt nɔto da de de.
21
Joab tɔn to wan Itiopian man ɛn tɛl am fɔ go tɔk wetin i si. Di man baw to Joab ɛn rɔn go.
22
Aimaaz we na Zedɔk in bɔypikin beg Joab se in wan go i lɛk wetin go bi. Joab aks am wetin mek paopa i wan go. I se Aimaaz nɔ gɛt nyuz we dɛn go pe am fɔ.
23
Bɔt i stil se paopa i wan go. So Joab insɛf lɛf am fɔ rɔn go. Dɛn Aimaaz rɔn pas insay di Jɔdan Vali na shɔt kɔt ɛn rɔn go bifo di Itiopian man.
24
As Devid sidɔm midul di get we de insay ɛn di wan na do, di wachman go ɔp na di ruf nia di get to di wɔl. I wach oba nain i si wan man in wande rɔn.
25
Di wachman ala tɛl di kiŋ. Di kiŋ se wans nain wan, na nyuz i de kam wit. Di man de rɔn kam nia dɛn.
26
We di wachman luk bak, i si ɔda man de rɔn nain i ala tɛl di get man se wan ɔda man de rɔn in wan. Di kiŋ se na nyuz insɛf go de kam wit.
27
Di wachman se i tan lɛk di fɔs man we de kam de rɔn lɛk Aimaaz we na Zedɔk in bɔypikin Di kiŋ se na gud man so i go dɔn briŋ gud nyuz kam.
28
Dɛn Aimaaz ala tɛl di kiŋ se ɔltin ɔrayt. I baw wit in fes na grɔn to di kiŋ ɛn se, “Lɛ wi prez PAPA GƆD we na yu GƆD! I dɔn mek mi kiŋ ebul di wan dɛn we nɔ bin wan si am.”
29
Di kiŋ aks if Absalɔm ɔrayt. Aimaaz ansa se di tɛm we Joab de sɛn in we na di kiŋ in wokman, sɔm kɔnfyushɔn bin de so in nɔ no wetin apin.
30
Di kiŋ jɛs tɛl am se lɛ i tinap na kɔna wet fɔs. So insɛf push na kɔna ɛn tinap de.
31
Na da tɛm de di Itiopian man bin dɔn rich ɛn se di kiŋ fɔ yɛri de gud nyuz we i kam wit. I se da de de PAPA GƆD dɔn pul am kɔmɔt na dɛn wan we nɔ wan si am dɛn an.
32
Di kiŋ aks di Itiopian man if ɔltin ɔrayt wit Absalɔm. Di man se mek PAPA GƆD mek wetin bi to Absalɔm bi to ɔl di kiŋ in ɛnimi dɛn.
33
Dat shek di kiŋ. I go ɔp na di rum we de to di get ɛn kray. As i de go, na so i de se “E mi pikin, Absalɔm, a wish na mi bin fɔ day! Noto yu fɔ day, mi pikin, Absalɔm.”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24