bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 21
2 Samuel 21
Krio (Krio Fɔs Oli Baybul)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
Di tɛm we Devid na bin kiŋ, bad bad aŋri fɔdɔm na Izrɛl fɔ tri gud ia; dis mɔna Devid so i pre ɛn aks PAPA GƆD wetindu. PAPA GƆD tɛl am se na bikɔs Sɔl bin kil bɔku Gibiɔnayt so in ɛn in fambul dɛn de sɔfa fɔ dat.
2
Di kiŋ sɛn kɔl di Gibiɔnayt dɛn we bin lɛf. Di Gibiɔnayt dɛn bay rayt nɔto pat ɔf Izrɛl. Dɛn na bin di Amɔrayt pipul we nɔ bin day di tɛm we Izrɛl tek di land. Di Izrɛlayt dɛn bin dɔn swɛ se dɛn nɔ go du di Gibiɔnayt dɛn natin, bɔt we Sɔl bin wan sho wetin i kin du na Izrɛl ɛn Juda, i tray fɔ kil dɛn ɔl.
3
Devid aks di Gibiɔnayt dɛn wetin i fɔ du fɔ dɛn fɔ kol dɛn at so dat dɛn ɛn di Izrɛlayt dɛn we na PAPA GƆD in pipul go de lɛk wan.
4
Di Gibiɔnayt dɛn ansa se Sɔl in fambul dɛn nɔ go ebul pe dɛn ɛn dɛn nɔ gɛt rayt fɔ kil ɛnibɔdi na Izrɛl. Devid aks dɛn wetin dɛn want am fɔ du.
5
Dɛn ansa di kiŋ se Sɔl pwɛl dɛn kpatakpata. Dɛn se i bin want fɔ mek dɛn ɔl day ɛn nɔ gɛt pan di prɔpati lɛkɛ di ɔda Izrɛlayt dɛn,
6
so di kiŋ fɔ gi dɛn sɛvin man nɔmɔ pan Sɔl in fambul dɛn we dɛn go kil usay dɛn de go wɔship PAPA GƆD na Gibia. So di kiŋ tɛl dɛn se in go gi dɛn di sɛvin man.
7
Di kiŋ nɔ mek Mɛfiboshɛth we na Jonɛthan in pikin ɛn Sɔl in grampikin de de bikɔs in ɛn Jonɛthan we na Sɔl in bɔypikin bin dɔn swɛ bifo PAPA GƆD.
8
Di kiŋ tek Amɔni ɛn Mɛfiboshɛth dat na di tu bɔypikin we Rizpa we na Eya in gyal pikin bɔn fɔ Sɔl, wit Mirab we na Sɔl in gyal pikin in yon fayv bɔypikin we i bin bɔn fɔ Adriɛl we na da Mɛolathayt we nem Bazilay in bɔypikin.
9
I gi di Gibiɔnayt dɛn we kil dɛn usay dɛn de wɔship PAPA GƆD. Na di sem tɛm dɛn ɔl sɛvin day ɛn na di tɛm we di bali avɛst de bigin nain dɛn kil dɛn.
10
Rizpa we na Eya in gyal pikin tek munin lapa kɔba di dedebɔdi dɛn. Frɔm di tɛm we di avɛst bigin te ren bigin kam i nɔ gri lɛ ɛni bɔd ɔ wayl animal go nia di bɔdi dɛn, ol de ɛn ol nɛt, i de wit dɛn.
11
Wɛn Devid yɛri wetin Rizpa dat na Eya in gyal pikin ɛn we na Sɔl in smɔl wɛf du,
12
i gi am zil fɔ go aks di pipul na Jebɛsh Giliad fɔ Sɔl ɛn in bɔypikin we na Jonɛthan dɛn bonbon. Di pipul na Jebɛsh Giliad bin ayd tek dɛn dedebɔdi kɔmɔt na Bɛth Shan usay di Filistin dɛn bin ɛŋ dɛn fɔ mek ɔlman si dɛn afta dɛn bin dɔn kil Sɔl.
13
Devid pul Sɔl ɛn in bɔypikin we na Jonɛthan dɛn bonbon kɔmɔt de ɛn gɛda di sɛvin man we dɛn bin ɛŋ dɛn yon bonbon.
14
Devid in man dɛn bɛr dɛn wit Sɔl ɛn in bɔypikin we na Jonɛthan dɛn bon na Sɔl in papa we na Kish in grev na Zila insay Bɛtliɛm ɛn du ɛnitin we di kiŋ se fɔ du. Afta dat PAPA GƆD ansa dɛn prea ɛn sɔri fɔ di land.
15
Bak igen di Filistin dɛn ɛn Izrɛl go fɛt wa ɛn i bi se Devid bin taya bad wan tɛm.
16
Wan pan di Filistin dɛn we nem Ishbibenɔb, na bin wan jayant. In spia in ed we lɛkɛ sɛvin ɛn af pawns bras ɛn i bin gɛt nyu sɔd ɛn i bin de tray fɔ kil Devid.
17
Abishay we na Zɛruaya in bɔypikin notis dat ɛn go ɛp Devid. I bin ebul kil di Filistin. Dat mek Devid in man dɛn tɛl Devid se i nɔ go ɛva go fɛt wit dɛn igen. Dɛn se if dɛn kil Devid na wa na di lamp na Izrɛl dɛn ɔt so, as nain ɔlman abop pan.
18
As tɛm de go, di Filistin dɛn fɛt wit Izrɛl bak na Gɔb. Da tɛm de na Sibɛkay we na Ushatayt kil Saf dat na wan ɔda jayant.
19
Wan ɔda tɛm bak we di Filistin dɛn fɛt wit Izrɛl bak na Gɔb, na Ɛlenan we na Jarɛoregim, da Bɛtliɛmayt in bɔypikin kil Golayath di Gitayt we in spia bin tan lɛk da big tik we dɛn de tek mek kɔntri klos.
20
Ɔda fɛt we di Filistin dɛn fɛt Izrɛl bin bi na Gath. Wan big, ay man bin de de we na siks siks fiŋa ɛn siks siks to i bin gɛt nain an ɛn fut dɛn ɔl. So i bin gɛt twɛlv fiŋa ɛn twɛlv to. Insɛf na bin wan pan ɔda jayant.
21
I bin jɛs de fɔ de kɔs Izrɛl so na Devid in brɔda we na Jonɛthan dat na Shimɛay in bɔypikin kil am.
22
Dɛn fo man ya na bin jayant bɔt Devid ɛn in man dɛn kil dɛn ɔl.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24