bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 22
2 Samuel 22
Krio (Krio Fɔs Oli Baybul)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Na dis siŋ Devid siŋ to PAPA GƆD fɔ we PAPA GƆD pul am nain ɛnimi dɛn an patikla we i pul am na Sɔl in an.
2
I se “PAPA GƆD yu na mi Seviɔ we a de to yu a de fil sef.
3
Yu dɔn pul mi na mi ɛnimi dɛn an, ɛn yu na mi bakbon. Yu na mi ɔltin, yu pul mi na bad pipul an.
4
A pre to PAPA GƆD bikɔs i fit fɔ prez ɛn i pul mi na mi ɛnimi dɛn an.
5
Day bin tan lɛk wata ɔl rawnd mi i tan lɛk i wan swɛla mi.
6
Day bin de luk mi korokoro wan i tan lɛk dɛn tay tay mi wit rop dɛn fɔ kil mi.
7
Wɛn a bin de pan trɔbul, a pre mek PAPA GƆD ɛp mi, i yɛri mi na ɛvin ɛn ansa mi prea.
8
Ɔlsay de trimbul we yu vɛks di ath de shek ɛn di mawnten dɛnsɛf de trimbul.
9
Fɔ sho se yu vɛks fɔ tru smok de kɔmɔt na yu nos, ɔt, ɔt kɔl we de bɔn ɛn faya we de pwɛl tin dɛn de kɔmɔt na yu mɔt.
10
I chɛr di klawd kam dɔŋ fɔ sev mi ɛn put daknɛs bitwin wi tu.
11
I yuz in chɛryubim ɛn flay go usay di briz de kɛr am go.
12
I mek di daknɛs kɔba am we i ayd insɛf insay di tik klawd we tan lɛk we ren dɔn dak,
13
dɔn di laytin bifo am de mek lɛk na faya.
14
We PAPA GƆD Ɔlmayti de tɔk in vɔys tan lɛk we tɛnda de rol ɔp klawd.
15
I dɔnawe wit di ɛnimi dɛn wit bo ɛn aro ɛn ivin lɛ laytin fɔdɔm ɛn skata dɛn.
16
Wɛn PAPA GƆD de tɔk we i vɛks, i de blo traŋa wan ɛn di vɛri grɔn we di wɔl tinap pan de shek dɔn di wata sɛf de dray.
17
I pul mi kɔmɔt pan siriɔs waala we tan lɛk we pɔsin de midul wata.
18
I pul mi na mi ɛnimi dɛn an; mi ɛnimi dɛn we bin tu pawaful fɔ mi.
19
We dɛn sɛt gud wan fɔ kech mi na dɛn trap, na PAPA GƆD jɛs pul mi de saful.
20
I sev mi bikɔs i gladi wit mi.
21
PAPA GƆD dɔn gi mi di pe we a fɔ gɛt bikɔs mi an klin, a de du wetin i want.
22
A de du wetin PAPA GƆD se, a nɔ sin bikɔs a nɔ tɔn mi bak pan PAPA GƆD.
23
A de du ɔl wetin i se fɔ du. A nɔ disobe am pan natin.
24
Nɔbɔdi nɔ go pɔynt fiŋa pan mi as a de mek sho se a nɔ sin.
25
PAPA GƆD sɛf dɔn gi mi wetin a wok fɔ, bay aw mi an klin bifo in yay.
26
Yu nɔ de lɛf udat de fala yu ɔltɛm ɛn udat de du wetin yu want.
27
Udat du gud, yu gud to am bɔt udat wan sho se in gɛt sɛns pas yu, go brakɛt yu.
28
Yu rɛdi fɔ ɛp udat nɔ prawd bɔt de brok udat de mek gbiŋbin in fɛda dɔŋ.
29
Yu, PAPA GƆD, na di wan we gi mi layf; PAPA GƆD de sho mi in layt ɛn mek mi we klia na layf.
30
Na yu de mek a ebul mi ɛnimi dɛn i lɛk aw dɛn plɛnti. A go ivin ebul fɔ klem ay wɔl we dɛn bil fɔ dɛn sikyɔriti wans yu de wit mi.
31
As fɔ di PAPA GƆD we a de wɔship, na GƆD we nɔ gɛt bɔt. Yu kin biliv wetin i se bikɔs i de kip to in wɔd. In na wan ɔl kɔba klos fɔ udat go to am.
32
Nɔbɔdi nɔ de we tan lɛk PAPA GƆD, di GƆD we wi de wɔship. In na GƆD we tan lɛk big ston we nɔ de muf.
33
Na PAPA GƆD na di wan we de gi mi trɛnk fɔ du ɔlkayn tin ɛn mek mi we klia.
34
I de mek a nɔ yagba fɔ natin lɛk aw dia nɔ de yagba fɔ rɔn bikɔs in fut traŋa na grɔn; dɔn i de ebul mek a tinap lɛk man i lɛk usay a de.
35
I de sho mi aw fɔ fɛt ɛn gi mi trɛnk fɔ bɛn ayɛn.
36
Yu kɔba mi ɛn pul mi pan trɔbul yu ansa mi prea ɛn mek mi ed big.
37
Yu mek a waka fri ɛn mi ɛnimi dɛn nɔ ebul mi sɛf as a nɔ bɔk mi fut.
38
A rɔnata mi ɛnimi dɛn te a kech dɛn bit dɛn. A nɔ tɔn bak sɛf te a nyamanyama dɛn ɔl.
39
Wɛn a dɔn dɔn wit dɛn, dɛn nɔ ebul grap sɛf Na mi fut dɛn day.
40
Yu gi mi di trɛnk we a nid fɔ fɛt ɛn mek mi ɛnimi dɛn day na mi fut.
41
Di wan dɛn we nɔ day, rɔnawe bɔt a kil di wan dɛn we et mi.
42
Dɛn ala mek pɔsin ɛp dɛn bɔt nɔbɔdi nɔ de. Dɛn pre mek PAPA GƆD ɛp dɛn bɔt i nɔ ansa dɛn prea.
43
A nyamanyama dɛn kpatakpata te dɛn tan lɛk dɔti na grɔn we nɔ fit natin pas fɔ waka pantap am.
44
Yu dɔn mek dɛn wan we nɔ bin wan si mi, luk mi lɛk sɔmbɔdi naw. Na mi de rul dɛn ɛn fɔrina dɛn ɔl de ɔnda mi.
45
Dɛn nɔ de gi mi chans; dɛn ɔl de trimbul fɔ pliz mi ɛn de rawnd mi ɔltɛm.
46
Dɛn ɔl dɔn giv ɔp; dɛn dɔn kɔmɔt insay dɛn shɛl wit shem ɛn disgres.
47
PAPA GƆD de! Lɛ wi prez am. Lɛ wi prez PAPA GƆD we na wi kɔba klos, nain de sev wi.
48
In na PAPA GƆD we de fɛt fɔ mi we ebul put wanol neshɔn ɔnda mi fut,
49
we de pul mi ɛnimi dɛn kɔmɔt biɛn mi; i mek a bi sɔmbɔdi oba dɛn wan we nɔ wan si mi, ɛn pul dɛn wan we kin kil pɔsin fɔ natin kɔmɔt biɛn mi saful.
50
PAPA GƆD, na dat mek a go prez yu ɛnisay we a de. A go tɔk yu gud nem ɔlsay.
51
I de lɛ di wan we i pik fɔ bi kiŋ win in ɛnimi ɛn in lɔv fɔ Devid ɛn in jɛnareshɔn nɔ go chenj. Nain pik Devid so i go lɛk am sote go.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24