bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 14
2 Samuel 14
Krio (Krio Fɔs Oli Baybul)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Joab we na Zɛruaya in bɔypikin no bɔt aw di kiŋ bin dɔn de mis Absalɔm.
2
So i sɛn sɔmbɔdi go briŋ wan uman we gɛt sɛns we de na Tɛkoa kam. Wɛn di uman kam, i tɛl di uman fɔ wɛr munin, nɔ kom in ia ɛn nɔ rɔb ɔyl lɛkɛ udat dɔn te we i de munin.
3
Joab tɛl am wetin i fɔ go tɛl di kiŋ.
4
Wɛn di uman we kɔmɔt Tɛkoa rich to di kiŋ i butu in fes na grɔn fɔ sho se i rɛspɛkt di kiŋ ɛn aks am fɔ ɛp am.
5
Di kiŋ aks am wetin nain prɔblɛm. Nain i tɛl di kiŋ se i nɔ gɛt man, in man dɔn day.
6
Bɔt dɛn ɔltu bin bɔn tu bɔypikin we bin de fɛt dɛnsɛf wande na fil ɛn nɔbɔdi nɔ bin de fɔ pat dɛn so di wan wap in kɔmpin ɛn kil am.
7
I se ɔl in fambul dɔn grap se i fɔ gi dɛn di wan we kil in brɔda mek dɛnsɛf kil am fɔ we i kil in brɔda ɛn na so dɛn go kil di wan we lɛf fɔ gɛt di prɔpati. I se dɛn go ɔt in faya ɛn dat go min se in man nɔ go gɛt nɔbɔdi na wɔl fɔ mɛmba am.
8
Di kiŋ se mek i go na os ɛn dat in go si to in stren.
9
Bɔt di uman we kɔmɔt Tɛkoa tɛl di kiŋ se in ɛn in papa in pipul go tek di blem fɔ we i nɔ gri mek in fambul dɛn kil di waŋren bɔbɔ we lɛf bɔt di kiŋ in famili nɔ go gɛt wan blem.
10
Di kiŋ ansa am se i fɔ kɛr ɛnibɔdi we ambɔg am to di kiŋ ɛn i nɔ go ambɔg am igen
11
Di uman tɛl di kiŋ se i fɔ tek PAPA GƆD we nain GƆD in nem fɔ swɛ se i nɔ go mek di pɔsin we fɔ kil in pikin fɔ we i kil in brɔda kil am bak. Di kiŋ swɛ se wans PAPA GƆD de, pin nɔ go krach di uman in bɔypikin.
12
Na da tɛm de naw, di uman beg am fɔ tɔk ɔda tin to am. Ɛn i gri. I tɛl di uman fɔ tɔk.
13
Di uman tɛl di kiŋ se na dat i wan du PAPA GƆD in pipul. I se di kiŋ dɔn tay insɛf bikɔs i nɔ gri fɔ mek in bɔypikin we bin rɔnawe kam bak.
14
I se mɔtalman tan lɛk we wata trowe na grɔn we i nɔ de gɛda bak na so ɔlman gɛt fɔ day bɔt PAPA GƆD in nɔ de lɛf nɔbɔdi fɔ day so. I se wans di pɔsin no se PAPA GƆD de, i de fɛn we fɔ drɔ da pɔsin we bin dɔn rɔnawe kam bak to am.
15
I se na dat mek in go tɛl di kiŋ bikɔs in fambul dɛn dɔn mek i fred bɔt in de op se we in dɔn tɛl di kiŋ so dat go mek di kiŋ si to in stren ɛn ɛp am.
16
I se sɔntɛm i go lisin to am ɛn pul in ɛn in bɔypikin na di man, we nɔ want dɛn fɔ gɛt dɛn prɔpati, in an ɛn mek dɛn lɔs PAPA GƆD insɛf yon prɔpati.
17
I pre se lɛ wetin di kiŋ dɔn tɛl am mek in at kol as di kiŋ na lɛkɛ PAPA GƆD in enjɛl we no wetin gud ɛn wetin bad, i pre bak mek PAPA GƆD we na di GƆD we Kiŋ Devid de wɔship de wit di kiŋ.
18
Di kiŋ tɛl di uman se i wan aks am wan kwɛshɔn we i go lɛk am fɔ ansa tru wan. Di uman se mek i aks am ɛnitin, dɔn insɛf aks am.
19
Di kiŋ aks am if nɔto Joab de biɛn ɔl wetin i de du so. Di uman ansa se wans in na kiŋ ɛn nɔ day yet, nɔbɔdi nɔ go ebul mek am ful. I se di kiŋ rayt fɔ se Joab de biɛn ɔl wetin i de du. I tɛl di kiŋ se na Joab tɛl am fɔ tɔk ɔl wetin i tɔk.
20
Ɛn na bikɔs i want fɔ mek tin chenj mek i du am. I se bɔt Kiŋ Devid gɛt sɛns lɛk PAPA GƆD in enjɛl so i no ɔl wetin de bi insay di kɔntri.
21
Devid gri. Afta sɔm tɛm, i sɛn kɔl Joab ɛn tɛl am fɔ go briŋ in bɔypikin we na Absalɔm kam bak.
22
Joab fɔdɔm bifo di kiŋ fɔ sho se i rɛspɛkt am ɛn aks PAPA GƆD fɔ blɛs di kiŋ. I se in no se di kiŋ gladi wit am bikɔs di kiŋ de du wetin i want.
23
So Joab go na Gɛshɔ go briŋ Absalɔm kam bak na Jerusɛlɛm.
24
We dɛn go na Jerusɛlɛm, Kiŋ Devid nɔ gri mek Absalɔm si am, i se mek i go nain yon os ɛn i nɔ fɔ go usay in di kiŋ de. So Absalɔm go nain os saful ɛn nɔ bɔda fɔ si di kiŋ.
25
Absalɔm bin fayn pas ɔlman na Izrɛl lɛk tin fɔ it. I nɔ bin gɛt wan mak nain bɔdi.
26
Wɛn in ia nain ed kin dɔn bɔku, i kin kɔt am wan tɛm fɔ ia ɛn wɛn i kɔt am, di ia we kɔt in wet kin bi bɔt sɔm fayv pawns bay di wet we di kiŋ se fɔ yuz.
27
Dɛn bin bɔn tri bɔbɔ ɛn wan titi fɔ Absalɔm. Di titi bin fayn ɛn nem Tama.
28
Absalɔm de na Jerusɛlɛm fɔ tu gud ia bɔt in papa we na di kiŋ nɔ gri mek i si am.
29
Wan tɛm naw, Absalɔm sɛn kɔl Joab mek i go sɛn am to di kiŋ bɔt Joab nɔ gri kam. Bɔt i stil sɛn kɔl am bak ɛn Joab stil nɔ gri fɔ kam.
30
Absalɔm nɔ du wan i nɔ du tu, i tɛl in wokman dɛn se sins Joab gɛt bali fam nia in yon fil, dɛn fɔ go put faya de. So Absalɔm in wokman dɛnsɛf go put faya na di fil.
31
Dat mek Joab go na Absalɔm in os fɔ go aks am wetindu in wokman dɛn go put faya nain fil.
32
Absalɔm se i bin sɛn kɔl Joab mek i go sɛn am to Kiŋ Devid. I se i wan mek Joab go aks di kiŋ wetindu i sɛn go pul am usay i bin de na Gɛshɔ. Absalɔm se i bin fɔ bɛtɛ if i lɛf de. I tɛl Joab se in wan si di kiŋ. I se if in dɔn du bad mek di kiŋ kil am.
33
Joab insɛf go to di kiŋ ɛn tɛl am wetin Absalɔm se. Di kiŋ sɛn kɔl Absalɔm. Insɛf kam fɔdɔm na grɔn bifo di kiŋ. We i grap, dɛn grip dɛnsɛf ɛn di kiŋ kis am.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24