bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 19
2 Samuel 19
Krio (Krio Fɔs Oli Baybul)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
1
Dɛn go tɛl Joab se di kiŋ de kray ɛn munin fɔ Absalɔm.
2
Dat mek di wanol Izrɛl ami lɛf fɔ gladi fɔ we dɛn win bikɔs da de de dɛn yɛri se di kiŋ de kray fɔ in bɔypikin.
3
Dis mek di sojaman dɛn tɔn bak go kwayɛt wan insay di siti lɛk se dɛn de rɔnawe pan fɛt wit shem.
4
Na so di kiŋ de kray bita bita wan. I kɔba in fes ɛn de se “E mi pikin Absalɔm! Na day yu day so mayn!”
5
Dɛn Joab go mit di kiŋ ɛn tɛl am se we i de kray, dat de mek ɔl di sojaman dɛn shem fɔ wetin dɛn du. I se dɛn fɛt fɔ in, in pikin dɛn, in wɛf ɛn smɔl wɛf dɛn layf, dɔn naw Kiŋ Devid de mek dɛn fil se dɛn nɔ du natin.
6
I tɛl Devid se na di wan dɛn we et am i lɛk dɔn di wan dɛn we lɛk am, na dɛn i et, so, da de de i dɔn mek di ami kɔmanda dɛn ɛn dɛn man dɛn no naw se dɛn nɔ min natin to am. I se Devid lɛ i fil naw se i bin fɔ gladi if dɛn ɔl bin day wans Absalɔm de.
7
I tɛl Devid se lɛ i grap go mit di man dɛn ɛn tɔk to dɛn fayn. I swɛ to PAPA GƆD se if i nɔ du am, dɛn ɔl go lɛf am go bay di tɛm we nɛt de kam; ɛn dat go bad fɔ am pas ɔl di difrɛn waala we dɔn mit am.
8
So di kiŋ grap go sidɔm nain chia bay di get. Wɛn di sojaman dɛn yɛri se di kiŋ de to di get, dɛn ɔl gɛda go tinap bifo am. Bay da tɛm de, ɔl di Izrɛlayt dɛn we bin de biɛn Absalɔm dɔn rɔn go bak go na dɛn os dɛn.
9
Da sem tɛm de di pipul we kɔmɔt na ɔl di Izrɛl fambul bin de agyu. Dɛn se na Kiŋ Devid pul dɛn na dɛn ɛnimi dɛn an ɛn fri dɛn frɔm di Filistin dɛn bɔt Absalɔm dɔn mek i rɔnawe
10
ɛn naw in Absalɔm we dɛn pik se fɔ bi kiŋ, dɔn go day na wa, so wetin mek dɛn nɔn nɔ de tɔk bɔt aw fɔ go briŋ Kiŋ Devid bak.
11
Kiŋ Devid sɛn wɔd to Zedɔk ɛn Abiata we na man dɛn we de mek sakrifays fɔ pipul sin. I se dɛn fɔ aks di big wan dɛn na Juda if dɛn fɔ bi di las grup na Izrɛl we fɔ aks di kiŋ fɔ kam bak nain os sins di kiŋ dɔn yɛri wetin ɔl di ɔda wan dɛn de se.
12
Di kiŋ se dɛn fɔ tɛl di big wan dɛn na Juda se if dɛn we nain brɔda dɛn, in yon flɛsh ɛn blɔd fɔ wet te dɛn bi di las wan dɛn fɔ aks am fɔ kam nain os.
13
Dɛn bak Devid tɛl dɛn fɔ tɛl Amasa se dɛn ɔltu na fambul ɛn se mek PAPA GƆD lɛ i alaki if i nɔ lɛ Amasa tek Joab in ples as kɔmanda nain ami.
14
Di wɔd we Devid sɛn so tɔch di pipul dat dɛn mek wanwɔd ɛn sɛn wɔd bak to am se mek in ɛn in man dɛn kam wantɛm.
15
So di kiŋ ɛn in man dɛn kam te rich Riva Jɔdan. Da tɛm de di man dɛn na Juda dɔn go fɔ go mit di kiŋ na Gilgal so dɛn mek i krɔs Riva Jɔdan.
16
Shimɛay dat na Gira in bɔypikin, da Bɛnjaminayt we kɔmɔt Baurim ɔri jɔyn di man dɛn na Juda fɔ go mit Kiŋ Devid
17
Wan tawzin Bɛnjaminayt, Ziba we bin de wok fɔ Sɔl ɛn in fiftin pikin wit in yon twɛnti wokman ɔl go na Riva Jɔdan fɔ go mit di kiŋ.
18
Dɛn krɔs di riva go briŋ di kiŋ ɛn ɔl in fambul dɛn wit am ɛn dɛn bin rɛdi fɔ du ɛnitin we Devid aks dɛn fɔ du. Wɛn Shimɛay we na Gira in bɔypikin krɔs di Riva Jɔdan go oba, i fɔdɔm na di kiŋ in fut
19
ɛn beg am fɔ padin am. I se lɛ di kiŋ nɔ mɛmba wetin i bin du am di tɛm we i bin kɔmɔt Jerusɛlɛm.
20
I se in no se in du bad na dat mek nain fɔs na Josɛf in fambul go dɔŋ go mit di kiŋ.
21
Wantɛm, wantɛm, nain Abishay we na Zɛruaya in bɔypikin se na fɔ kil am fɔ wetin i du. I se i nɔ skyad sɛf fɔ kɔs di wan we PAPA GƆD pik fɔ bi kiŋ.
22
Devid aks Zɛruaya in bɔypikin dɛn wetindu dɛn wan gbara-kes. I se dɛn de biev lɛk pipul we nɔ wan si in bɛtɛ wan bikɔs dɛn fɔ no se nain na kiŋ na Izrɛl so nɔbɔdi nɔ fɔ day da de de.
23
So di kiŋ swɛ ɛn tɛl Shimɛay se lɛ i nɔ wɔri, i nɔ go day.
24
Mɛfiboshɛth we na Sɔl in grampikin insɛf go dɔŋ go mit di kiŋ. Frɔm we di kiŋ lɛf Jerusɛlɛm i nɔ sibɔt in fut, i nɔ shev ɔ was in klos te da de de we di kiŋ tɔn bak sef wan.
25
Wɛn i kɔmɔt Jerusɛlɛm go mit di kiŋ, di kiŋ aks am wetindu i nɔ bin fala am go.
26
I tɛl di kiŋ se as i nɔ ebul waka, i bin de abop se Ziba, dat nain wokman, go rɛdi in dɔŋki fɔ am so dat i go rayd pan am bɔt Ziba kɔmɔt biɛn am.
27
I se Ziba go to di kiŋ go pwɛl in nem. I se in no se di kiŋ gɛt sɛns lɛk PAPA GƆD in enjɛl so lɛ i du wetin rayt fɔ am.
28
I se in no se ɔl in grampa in fambul dɛn fit fɔ day bɔt di kiŋ luk am pin, sɔri fɔ am ɛn mek i de wit di pipul we de sidɔm na tebul fɔ it wit di kiŋ. I se mek i nɔ lay, i nɔ gɛt di mɔt fɔ aks di kiŋ fɔ natin.
29
Di kiŋ tɛl am se i nɔ gɛt natin nɔ fɔ se pas nɔmɔ i aks Ziba ɛn Mɛfiboshɛth fɔ sheb di land dɛn we Sɔl bin gɛt.
30
Mɛfiboshɛth tɛl di kiŋ se lɛ i gi ɔl di land to Ziba. I se in satisfay fɔ si se di kiŋ dɔn kam bak ɛn natin nɔ du am.
31
Bazilay we na wan Giliadayt na Rogɛlim krɔs go dɔŋ Riva Jɔdan wit di kiŋ ɛn lɛf am fɔ go bak na Jerusɛlɛm.
32
Bazilay na bin olpa we ol eti ia. I bin jɛntri so i gi di kiŋ ɔl wetin i want, di tɛm we i bin de na Maanaim.
33
Di kiŋ tɛl Bazilay se lɛ i krɔs go na Jerusɛlɛm wit am ɛn in go gi am ɔl wetin i go want.
34
Bɔt Bazilay tɛl di kiŋ se i nɔ gɛt lɔŋ fɔ liv so i nɔ fɔ go Jerusɛlɛm wit di kiŋ.
35
I se na eti ia i ol so in nɔ go no wetin gud ɔ wetin bad, in nɔ go ɛnjɔy it lɛk fɔs ɛn i nɔ go ivin yɛri bɛtɛ we pipul de siŋ, so in nɔ go lɛk fɔ put yagba pan di kiŋ.
36
I tɛl di kiŋ se in go krɔs Riva Jɔdan wit am ɛn fala am go af we bɔt dat nɔ min se di kiŋ fɔ pe am fɔ dat.
37
I beg di kiŋ lɛ i lɛf am fɔ tɔn bak go nain os go day de so dɛn go bɛr am nain mama ɛn papa dɛn grev. I se lɛ in bɔypikin Kimam go wit am ɛn bi in bɔbɔ dɔn i kin mek i du wetin i want fɔ du.
38
Di kiŋ gri fɔ lɛ Kimam go wit am ɛn tɛl Bazilay se i go du wetin go mek Bazilay gladi fɔ am ɛn dɛn rɛdi fɔ du ɛnitin we Bazilay want fɔ insɛf.
39
So di kiŋ ɛn ɔl di pipul krɔs Riva Jɔdan. Bazilay ɛn di kiŋ grip dɛnsɛf fɔ se gudbay dɔn di kiŋ aks PAPA GƆD fɔ blɛs am ɛn lɛf am fɔ tɔn bak go nain os.
40
Kiŋ Devid go te rich Gilgal ɛn Kimam bin de wit am. Di sojaman dɛn we kɔmɔt na Juda ɛn af pan di sojaman dɛn we kɔmɔt Izrɛl bin de wit di kiŋ fɔ krɔs di riva.
41
I nɔ tu te nain di sojaman dɛn we kɔmɔt Izrɛl we bin de de bigin kɔmplen se, di sojaman dɛn we kɔmɔt na Juda, dɔn tek di kiŋ na dɛn an. Dɛn tɛl di kiŋ se dɛn no se dɛn na brɔda bɔt i dɔn mek dɛn pul am na di Izrɛlayt dɛn an; in ɛn in famili wit ɔl di man dɛn we de wit am.
42
Di man dɛn we kɔmɔt Juda ansa se dɛn de biɛn di kiŋ bikɔs na dɛn brɔda. Dɛn se di wan dɛn we kɔmɔt Izrɛl nɔ fɔ vɛks bikɔs dɛn nɔ tek in natin wande.
43
Di man dɛn we kɔmɔt Izrɛl ansa se bay rayt dɛn gɛt tɛn fambul na Izrɛl so na dɛn fɔ tɔk mɔ bɔt Devid as dɛn brɔda. Dɛn bigin mek plaba ɛn tɛl dɛn se dɛn nɔ fɔ de luk dɛn lo afta ɔl na dɛn fɔs tɔk se fɔ go briŋ Devid kam bak. So di man dɛn na Juda dɛnsɛf ala fɔ ansa dɛn.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24