bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Samuel 7
2 Samuel 7
Krio (Krio Fɔs Oli Baybul)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
Wɛn Kiŋ Devid dɔn sidɔm fayn nain Pales ɛn PAPA GƆD dɔn mek i gɛt kolat bikɔs di ɛnimi dɛn rawnd am nɔ de ambɔg am igen,
2
i tɛl Nethan di prɔfɛt se in sidɔm saful insay siriɔs os we dɛn bil wit trɔŋ trɔŋ bod dɔn PAPA GƆD in ak in sidɔm na Tɛnt.
3
Nethan ansa am se mek i jɛs du wetin i fil fɔ du as PAPA GƆD de wit am.
4
Bɔt da sem nɛt de PAPA GƆD tɔk to Nethan.
5
I se “Go to mi pikin Devid ɛn tɛl am se mi se fɔ aks am if nain go bil os fɔ mi.
6
Tɛl am se frɔm we a pul di Izrɛlayt dɛn kɔmɔt na Ijipt te naw we a de tɔk to yu so, a nɔ tap insay os.
7
Tɛl am se frɔm we a de muf muf wit di Izrɛlayt dɛn, a nɔ wande aks dɛn lida dɛn we a se fɔ rul dɛn wetindu dɛn nɔ bil os wit trɔŋ bod fɔ mi.”
8
I se Nethan fɔ go tɛl in pikin Devid se in PAPA GƆD Ɔlmayti se, i mek i lɛf fɔ mɛn ship ɛn mek i bi rula fɔ di Izrɛlayt dɛn. I se Nethan fɔ tɛl Devid se,
9
in dɔn de wit am ɔl di tɛm ɛn dɔn ivin dɔnawe wit Devid in ɛnimi dɛn fɔ am. I se i go mek Devid femɔs lɛk ɛni ɔda femɔs pɔsin na di wɔl.
10
I se in go mek di Izrɛlayt dɛn sidɔm gud na di land we i gi dɛn fɔ bi dɛn yon, so dat nɔbɔdi ɛn natin nɔ go ambɔg dɛn. I se bad pipul nɔ go buli dɛn igen lɛk aw dɛn bi de du fɔs
11
di tɛm we i mek jɔj dɛn fɔ de rul di Izrɛlayt dɛn ɛn i go mek in ɛnimi dɛn nɔ ambɔg am igen
12
I tɛl Nethan fɔ tɛl Devid se nainsɛf PAPA GƆD de tɛl am se, in, PAPA GƆD se in go mek Devid in os bi kiŋ os. I se wɛn Devid in tɛm go dɔn dɔn ɛn i dɔn day, i go mek shɔ se na Devid in blɔd go bi kiŋ ɛn na so Devid in jɛnareshɔn dɛn go bi kiŋ te go.
13
I se na da in blɔd de go bil os fɔ am ɛn nɔbɔdi nɔ go fɛt am fɔ bi kiŋ. I go bi kiŋ sote go.
14
I se in go tan lɛk papa to am ɛn tek am fɔ in bɔypikin. I se if i ambɔg am, i go bit am lɛk aw papa de bit in pikin
15
bɔt i nɔ go lɛf am to insɛf lɛk aw i bin du Sɔl we i pul fɔ mek Devid bi kiŋ.
16
I se Devid go mɔs gɛt wan pɔsin fɔ bi kiŋ pan ɔl in jɛnareshɔn ɛn in famili go rul sote go.
17
Nethan insɛf go tɛl Devid ɔl wetin i yɛri.
18
Wɛn Devid yɛri dis, i go sidɔm na di Tɛnt usay di ak de ɛn pre to PAPA GƆD. I se: “Udat na mi PAPA GƆD? Ɛn udat na mi famili we yu dɔn du ɔl dis fɔ wi?
19
PAPA GƆD, i tan lɛk wetin yu dɔn du nɔ du fɔ yu, yu tɔk bɔt tin dɛn we yu go gɛt fɔ du bambay. PAPA GƆD, yu go trit ɔdinari mɔtalman so?
20
E PAPA GƆD wetin igen poman lɛk Devid fɔ se. Yu no mi gud gud wan.
21
As na wetin yu wan du ɛn we yu dɔn tɔk se yu go du am, yu du wetin yu want ɛn lɛ a no wetin yu wan du.
22
E PAPA GƆD, yu big! Nɔbɔdi nɔ de we tan lɛk yu ɛn na yu na di waŋren PAPA GƆD we wi no.
23
Us ɔda pipul tan lɛk di Izrɛlayt dɛn to yu? Na udat dɛn yu bay bak fɔ bi yu yon pipul? Na dɛn de mek ɔlman de fred ɛn rɛspɛkt yu naw we yu ple bɔku wɔnda ɛn pul dɛn neshɔn dɛn ɛn dɛn gɔd dɛn na dɛn an wɛn yu bin dɔn pul dɛn na Ijipt.
24
Yu dɔn tek di Izrɛlayt dɛn fɔ bi yu yon pipul sote go ɛn PAPA GƆD, dɛnsɛf dɔn tek yu fɔ bi dɛn PAPA GƆD.
25
“E PAPA GƆD du wetin yu dɔn se yu go du fɔ mi ɛn mi famili. Na yu dɔn se so, so du am mek pipul kɔle pan yu sote go.
26
Dat go mek dɛn se PAPA GƆD we na GƆD Ɔlmayti na GƆD fɔ Izrɛl ɛn yu pikin Devid ɛn ɔl udat de fala am nɔ gɛt natin fɔ wɔri bɔt.
27
E PAPA GƆD Ɔlmayti di GƆD we Izrɛl de wɔship, yu dɔn tɛl yu pikin Devid se yu go mek in ɛn in pipul bi kiŋ, na dat mek a gɛt maynd fɔ pre dis kayn we to yu.
28
E PAPA GƆD, yu na GƆD! Yu de du wetin yu se ɛn na yu dɔn prɔmis mi ɔl dɛn gud tin ya.
29
So duya blɛs mi pipul so dat dɛn go de du wetin yu want ɔltɛm bikɔs na yu PAPA GƆD dɔn tɔk ɛn na yu go blɛs ɔlman na mi famili.”
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24