bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Ezekiel 27
Ezekiel 27
Krio (Krio Fɔs Oli Baybul)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
1
PAPA GƆD in wɔd bin kam to mi se:
2
“naw, yu, mɔtalman, mek wan bɛrin siŋ fɔ Taya,
3
ɛn tɛl Taya, we de usay di si bigin, in we de sɛl to dɛn difrɛn pipul we de na di bɔku bɔku kos kɔntri dɛm, tɛl am se, na dis Papa Gɔd we na Gɔd se: “O Taya, yu dɔn se, ‘di fayn we a fayn nɔ gɛt nɔn bɔt,’
4
Yu bɔda dɛn de midul di si; di wan dɛn we bil yu mek yu fayn ɛn yu nɔ gɛt nɔn bɔt.
5
Dɛn tek di fa tik dɛn na Sɛnir fɔ mek yu bod flo dɛm; dɛn tek wan sida tik na Libanɔn fɔ mek wan pol fɔ yu sel.
6
Dɛn tek di ok tik na Beshan fɔ mek yu padul dɛm; dɛn tek payn tik mek yu dɛk, payn tik we kɔmɔt Sayprɔs in kost dɛm ɛn wok an wit ayvri.
7
Yu sel na bin fayn linin we dɛn wok na Ijipt, we igen na yu flag, yu kanopi na bin blu ɛn pɔpul we kɔmɔt na Ilaysha in kos dɛm.
8
Na dɛn wan we tap na Saydɔn ɛn Avad na bin yu padul man dɛm; Zema man dɛm we sabi wok wit dɛn an, bin de insay yu, ɛn na dɛn na bin yu kapten dɛm.
9
Gɛbal in bigman dɛm ɛn in mastasabi wokman dɛn bin de insay yu, de lɔk di ol dɛn na yu sayd; ɔl di ship dɛn na di si wit dɛn shipman dɛm bin de insay yu fɔ ɛkschenj fɔ yu makit dɛm.
10
Pashia ɛn Lud ɛn Put bin de na yu ami as yu wa fɛtman dɛm; dɛn bin ɛng dɛn big shild ɛn ɛlmɛt insay yu; dɛn bin gi yu glori.
11
Avad ɛn Ɛlek man dɛn bin de rawnd yu wɔl dɛn, ɛn Gamad man dɛm bin de insay yu tawa dɛm; dɛn bin ɛng dɛn big shild dɛn rawnd yu wɔl dɛn, dɛn bin mek yu fayn wan nɔ gɛt nɔn bɔt.
12
Tashish bin trafik wit yu, bikɔs yu gɛt ɔl kayn bɔku richis; dɛn ɛkschenj silva, ayɛn, tin ɛn lɛd fɔ yu makit.
13
Javan, Tubal ɛn Mɛshɛk bin tredin wit yu; dɛn ɛkschenj mɔtalman dɛn ɛn bras vɛsul dɛn fɔ yu makit.
14
Bethtigama bin ɛkschenj dɛn ɔs dɛm, di ɔs dɛm we dɛn de rayd fɔ go fɛt, ɛn dɛn dɔŋki dɛm fɔ yu makit
15
Di Rods man dɛn bin tredin wit yu; bɔku bɔku dɛn kos kɔntri dɛn na bin yu spɛshal makit; dɛn briŋ ayvri tɔsk dɛn ɛn ebɔni kam pe yu.
16
Idɔm bin trafik wit yu fɔseka di bɔku bɔku makit dɛn we dɛn dizayn fayn fayn wan fayn linin, kɔral ɛn aget, fɔ yu makit dɛn.
17
Juda ɛn di Izrɛl kɔntri bin tredin wit yu; dɛn ɛkschenj wit, ɔliv, ɛn ali fig dɛm, ɔni, ɔyl ɛn bam, fɔ yu makit.
18
Damaskɔs bin trafik wit yu fɔ yu bɔku bɔku makit dɛn, fɔseka yu ɔl kayn bɔku richis; Ɛlbɔn wayn ɛn wayt wul, ɛn uzal wayn.
19
Na dɛn wande, dɛn ɛkschenj fɔ yu makit dɛm; dɛn bin bata gud gud ayɛn, kasia ɛn kalmɔs fɔ yu makit.
20
Dedan bin tredin wit yu sadul klos we dɛn de sidɔm pan fɔ rayd ɔs.
21
Arebya ɛn ɔl di kida kiŋ dɛm na bin yu kostamɛnt, we yu de gi lo prayz pas ɔl, pan ship pikin dɛn, manship dɛm, ɛn got dɛm; na dɛn wan ya dɛn bin trafik wit yu.
22
Di Shiba ɛn Raama treda dɛn bin tredin wit yu; dɛn bin ɛkschenj ɔl kayn spays we bɛtɛ pas ɔl, ɛn ɔl kayn prɛshɔs ston dɛm ɛn gold.
23
Erab, Kanɛ, Idɛn, Ashu ɛn Kilman bin tredin wit yu
24
Dɛn wan ya bin tredin wit yu pan di klos dɛn we gɛt gud dizayn. Ɛn pan kapɛt dɛn we gɛt bɔku kɔla ɛn we dɛn tay wit kɔd dɛm fɔ mek dɛn sef; na wit dɛn wan ya dɛn tredin wit yu.
25
Di Tashish ship dɛn bin travul wit yu makit fɔ yu so yu bin ful ɛn lod bad bad wan midul di si. Di wan dɛn we de padul fɔ yu, dɔn briŋ yu kɔmɔt kam na di ay si dɛm. Di briz we kɔmɔt na di ist dɔn rɛk yu midul midul di si.
26
Yu padulman dɛm dɔn briŋ kam midul midul di si. Di briz we de kɔmɔt na di ist dɔn rɛk yu midul midul di si.
27
Yu jɛntri, yu tin dɛn we yu de sɛl, yu makit, yu shipman dɛm ɛn yu kapten dɛm, yu kɔkman dɛm, yu kostamɛnt dɛm fɔ yu makit ɛn ɔl yu fɛtman dɛn we de insay yu, wit ɔl yu krawd we de midul yu, sink go insay di si di de we yu dɔn kpatakpata.
28
Di vilej dɛn shek Wɛn dɛn yɛri di sawnd we yu kapten dɛn de kray
29
Ɛn ɔl dɛn wan we de padul de kɔmɔt kan dɔŋ dɛn ship. Di siman dɛn ɛn ɔl di kapten na di si tinap na shɔ
30
ɛn dɛn ɔl de kray lawd lawd wan fɔ yu, ɛn dɛn de kray bita bita wan. Dɛn de trowe dɔti na dɛn ed ɛn de rolpan asis.
31
Dɛn shayn dɛn ed fɔseka yu, ɛn tay saklɔth pan dɛnsɛf, ɛn dɛn de kray oba yu, bay aw dɛn sol bita, ɛn wit bita bita munin
32
Pan di kray we dɛn de kray, dɛn mek wan bɛrin siŋ fɔ yu, ɛn de kray sɔri wan oba yu; ‘udat dɛn bin ɛva pwɛl bad bad wan lɛk Taya midul si?
33
Wɛn yu makit dɛn bin de kam pan di si dɛm yu bin satisfay bɔku bɔku pipul; wit yu bɔku bɔku richis ɛn makit yu bin mek di kiŋ dɛn na di wɔl jɛntri.
34
Naw di si dɛn dɔn rɛk yu, dɔŋ dɔŋ di wata dɛm; yu makit ɛn ɔl yu shipman dɛn dɔn sink wit yu
35
Ɔl dɛn wan we tap na dis kos kɔntri dɛm dɔn ful wit fred fɔ yu; ɛn dɛn kiŋ dɛn de fred bad bad dɛn fes dɛn dɔn rampul.
36
Di makit man dɛm, pan di pipul, de sɔktit pan yu; yu ɛndin dɔn kan bin wan we de mek yu fred bad bad ɛn yu nɔ go de igen igen fɔrɛva ɛn ɛva.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48