bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Ezekiel 47
Ezekiel 47
Krio (Krio Fɔs Oli Baybul)
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
1
Dɛn i bin briŋ mi kam bak to di tɛmpul in do, ɛn wata bin de kɔmɔt frɔm ɔnda di tɛmpul in ɛntrans, de go to di ist (fɔ di tɛmpul bin fesin ist), ɛn di wata bin de flo go dɔŋ, frɔm ɔnda di sawt pat pan di tɛmpul in ɛntrans, sawt pan di ɔlta.
2
Dɛn i bin briŋ mi kɔmɔt na do bay di nɔt get, ɛn lid mi go awtsay, rawnd pan di awtsay get we fes towɔds di ist; ɛn di wata bin de kɔmɔt na di sawt say.
3
As i bin de go ist wɔd wit wan layn nain an, di man mɛnshɔ fayv ɔndrɛd mita, ɛn dɛn i lid mi pas insay di wata; ɛn i bin ay rich mi ankul.
4
I mɛnshɔ bak fayv ɔndrɛd ɛn i bin lid mi pas insay di wata; ɛn i bin ay rich mi ni. Dɛn i mɛnshɔ fayv ɔndrɛd bak, ɛn i bin lid mi pas insay di wata ɛn i bin rich ɔp to mi wes.
5
Egen, i mɛnshɔ bak fayv ɔndrɛd, ɛn di wata dɔn bi wan riva we a nɔ ebul fɔ pas pan, fɔ di wata bin dɔn rayz i bin dip du naw fɔ swim insay, wan riva we pɔsin nɔ go ebul fɔ waka pas pan.
6
Ɛn i tɛl mi se, “Mɔtalman, yu dɔn si dis ya?” Dɛn i lid mi bak na di sho.
7
As a bin de go bak, a bin si pan di riva bank bɔku bɔku tik pan wan say ɛn na di ɔda say.
8
Ɛn i tɛl mi se, “dis wata de flo go towɔds di istɛn rijɔn ɛn dɛn go dɔŋ to di Araba; ɛn wɛn i go insay di si in wata, dɛn we jis de wan ples, di wata go tɔn frɛsh.
9
Ɛn ɛnisay we di riva go, ɛvri krichɔ we livin, we de bɔn bɔku bɔku, go liv, ɛn bɔku bɔku fish go de; fɔ dis wata de go de so dat di si wata dɛn go tɔn frɛsh; so ɛnisay we di riva go, ɔltin go liv.
10
Fishaman dɛn go tinap bay di si; frɔm Ɛngɛdi to Ɛnegiɛm go bi wan ples fɔ di prɛd nɛt dɛm; in fish go bi plɛnti difrɛn difrɛn kayn dɛm lɛk di fish na di gret si.
11
Bɔt in swamp ɛn mash dɛn nɔ go tɔn frɛsh; dɛn fɔ lɛf fɔ provayd sɔl.
12
Ɛn ɔl kayn tik dɛn we de provayd it fɔ it, go gro pan di bank dɛm, pan di tu say pan di riva. Dɛn lif nɔ go wida, ɛn dɛn nɔ go tap fɔ bia frut bɔt dɛn go bia frɛsh frut ɛvri mɔnt, bikɔs di wata we de wata dɛm de flo frɔm di ples we dɛn de pre to PAPA GƆD. Dɛn frut dɛn na fɔ it ɛn dɛn lif dɛn na fɔ mɛn udat sik.
13
Na dis PAPA GƆD se: “na dɛn wan ya na di bawndri dɛm we una go tek fɔ sheb di land pan di Izrɛl twɛlv fambul fɔ bi dɛn prɔpati. Josɛf go gɛt tu pɔshɔn, ɛn una go sheb am ikwal wan.
14
A bin swɛ fɔ gi dis to una dadi dɛm, ɛn dis land go fɔdɔm to una fɔ una prɔpati.
15
Na dis go bi di land in bawndri: pan di nɔt say, frɔm di Gret si bay Ɛtlɔn in rod to Amat in ɛntrans, ɛn te rich Zɛdad,
16
to Berotha, Sibraim (we de na di bɔda bitwin Damaskɔs ɛn Amat) te rich Aza - batikɔn, we de na Ovan in bɔda.
17
Na so di bawndri go kɔmɔt frɔm di si to Azarɛnɔn, we de na Damaskɔs in nɔtan bɔda wit Amat bɔda to di nɔt. Na dis go bi di nɔt say.
18
Na di ist say, di bawndri go kɔmɔt frɔm Azarɛnɔn, we de bitwin Oran ɛn Damaskɔs; i go go bay Jɔdan, bitwin Gilyad ɛn di Izrɛl land; to di istɛn si te rich Tama, na dat go bi di ist say.
19
Na di sawt say, i go kɔmɔt frɔm Tama te rich di Mɛriba Kadɛsh wata dɛm, te bay di Ijipt Bruk, te rich di Gret si. Na dis go bi di sawt say.
20
Na di wɛst say, di Gret si nain go bi di bawndri te rich wan pɔynt we de ɔpozit Amat in ɛntrans. Na dis go bi di wɛst say.
21
“Na so una go sheb di land amɔn unasɛf, bay aw di izrɛl fambul dɛn de.
22
Una go so sheb am dat i go bi una yon prɔpati ɛn fɔ di trenja dɛm we de wit una ɛn dɔn bɔn pikin dɛm di tɛm we dɛn de wit una. Dɛn go tan to una lɛk bonifay Izrɛl bɔypikin dɛn; ɛn dɛnsɛf go gɛt dɛn yon prɔpati wit una, pan di Izrɛl fambul dɛm.
23
Na pan ɛni wan pan di fambul we di trenja tap, na de una go gi am in yon prɔpati. Na so Papa Gɔd we na Gɔd se.
← Chapter 46
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 48 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48