bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
Ezekiel 33
Ezekiel 33
Krio (Krio Fɔs Oli Baybul)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
PAPA GƆD in wɔd bin kam to mi se:
2
“mɔtalman, tɔk to yu pipul ɛn tɛl dɛn se, if a briŋ di sɔd kam pan di kɔntri, ɛn di pipul na di kɔntri tek wan man pan dɛm, ɛn mek am wachman,
3
ɛn if i si di sɔd de kam pan di kɔntri ɛn i blo di trɔmpɛt ɛn wɔn di pipul;
4
dɛn if ɛni wan we yɛri di trɔmpɛt in sawnd ɛn i nɔ lisin, ɛn di sɔd kam ɛn tek am go in blɔd go de pan in yon ed.
5
I bin yɛri di trɔmpɛt in sawnd, ɛn i nɔ lisin, in blɔd go de pan insɛf. Bɔt if i bin tek wɔnin i bin fɔ sev in layf.
6
Bɔt if di wachman si di sɔd de kam, ɛn i nɔ blo di trɔmpɛt, so dat i wɔn di pipul, ɛn di sɔd kam, ɛn tek ɛni wan pan an dɛm; i go tek da man de pan in bad bad wikɛdnɛs, bɔt a go aks fɔ in blɔd na di wachman in an.
7
So yu mɔtalman, a dɔn mek yu wachman fɔ Izrɛl pipul; ɛnitɛm we yu yɛri wɔd frɔm mi, yu go gi dɛn mi wɔnin.
8
If a se to di wikɛd man, O wikɛd man, yu go day fɔ tru tru, ɛn yu nɔ tɔk fɔ wɔn di wikɛd man fɔ lɛ i chenj pan in wikɛdnɛs, da wikɛd man de, go day pan in bad bad wikɛdnɛs, bɔt a go aks fɔ in blɔd na yu an.
9
Bɔt if yu wɔn di wikɛd man fɔ chenj pan in wikɛdnɛs ɛn i nɔ tɔn frɔm in wikɛdnɛs, i go day pan in bad bad wikɛdnɛs, bɔt yu go dɔn sev yu layf.
10
“Ɛn yu mɔtalman in bɔypikin, tɔk to di Izrɛl pipul se, na dis una bin se: wi bad tin dɛn we wi de du, ɛn wi wikɛdnɛs dɛn, de pan wi, ɛn wi de day slo wan fɔseka dɛm; so aw wi go ebul fɔ liv?’
11
Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?
12
Ɛn yu, mɔtalman, tɔk to yu pipul se, di wan we de waka tret, in tret we i de waka nɔ go sev am wɛn i du bad; ɛn as fɔ di wikɛdnɛs we di wikɛd de du, i nɔ go fɔdɔm fɔseka di wikɛdnɛs, wɛn i go dɔn chenj pan am; ɛn di wan we de waka tret nɔ go ebul fɔ liv fɔseka aw i bin de waka tret fɔs tɛm, bifo i du wikɛdnɛs dɛm.
13
Ivin do a se to di wan we de waka tret, dat i go liv fɔ tru tru, stil if i ɛng pan in tret we i de waka, dɔn i go du bad bad wikɛdnɛs, dɛn nɔ go mɛmba nɔn pan in gud dɛn, we i bin de waka tret; bɔt i go day pan di bad bad wikɛdnɛs we i dɔn du.
14
Efen, ivin do a se to di wikɛd, ‘yu go day fɔ tru tru’ stil if i chenj pan in wikɛdnɛs ɛn du wetin rayt ɛn wetin di lɔ se,
15
if di wikɛd gi bak di plɛj ɛn wetin i bin dɔn tif, ɛn i waka bay di lɔ dɛn we de gi layf, ɛn i nɔ de du ɛni bad bad wikɛdnɛs; fɔ tru tru, i go liv, i nɔ go day.
16
Dɛn nɔ go mɛmba, agens am, nɔn pan di wikɛd tin dɛn we i bin dɔn du; i dɔn du wetin di lɔ se ɛn wetin rayt, so fɔ tru tru, i go liv.
17
“Stil yu pipul dɛn se, ‘PAPA GƆD in we nɔ tret; wɛn na dɛn yon we nɔ tret.
18
Wɛn di wan we de waka tret chenj pan di tret we i bin de waka, ɛn du bad bad wikɛdnɛs, i go day fɔ dat.
19
Ɛn wɛn di wikɛd chenj pan in wikɛdnɛs, ɛn du wetin di lɔ se ɛn we rayt, i go liv fɔseka dat.
20
Stil, una se, ‘PAPA GƆD in we nɔ tret.’ O Izrɛl pipul, a go jɔj una wan bay wan, fɔseka una we dɛm.”
21
Insay di twɛlv ia, pan wi ɛgzayl, pan di fayv de na di tɛn mɔnt, wan man we rɔnawe frɔm Jerusɛlɛm, bin kam to mi ɛn se “Di big siti dɔn fɔdɔm.”
22
Da tɛm de PAPA GƆD in an bin de pan mi, di ivintɛm bifo di rɔnawe bin kam; ɛn bay di tɛm di man bin kam to mi na mɔnin, PAPA GƆD bin dɔn opin mi mɔt; so mi mɔt bin opin; ɛn a nɔ bin mumu igen
23
PAPA GƆD in wɔd bin kam to mi se: Mɔtalman,
24
Dɛn wan we tap na dɛn yuslɛs ples dɛm, na Izrɛl kɔntri, de tɔk tɔk se, ‘Ebraam na bin wangren man, stil i bin ebul fɔ mek di kɔntri in yon; bɔt wi bɔku, dɛn dɔn gi wi di kɔntri fɔ tru tru fɔ lɛ wi tek am fɔ wi yon.’
25
Fɔseka dat, tɛl dɛn se, na dis PAPA GƆD se: Wɛn una de it bif wit in blɔd pan am, ɛn de es una yay to una lay lay gɔd dɛm, ɛn de mek blɔd flo; di kɔntri go bi una yon?
26
Una go bak to di sɔd, una de du dɛn wikɛd tin dɛn we de briŋ etrɛd ɛn bad bad fred fred ɛn ich wan pan una de dɔti in neba wɛf; di kɔntri go bi una yon?
27
Tɛl dɛm dis ɛn se, na dis PAPA GƆD se: as a de livin, fɔ tru tru, dɛn wan we de na di ɛmti yuslɛs ples dɛm go fɔdɔm bay di sɔd; ɛn di wan we de na di opin fil, a go gi to dɛn bist fɔ it awaŋɔt wan; ɛn dɛn wan we de na say dɛn we sef gud gud wan, ɛn we de insay kev dɛm, ɔl go day wit bad bad sik we de kil.
28
Ɛn a go mek di kɔntri wan ples we nɔbɔdi ɛn natin nɔ de ɛn we yuslɛs; ɛn in prawd pawa go dɔn pata; ɛn Izrɛl in mawnten dɛm go so pwɛl pata pata wan dat nɔbɔdi nɔ go pas de
29
na datɛnde, dɛn go no se na mi na PAPA GƆD wɛn a go dɔn mek di kɔntri, ples we nɔbɔdi ɛn natin nɔ de ɛn we yuslɛs fɔseka ɔl dɛn wikɛd tin dɛn we de briŋ etrɛd ɛn bad bad fred fred, we dɛn dɔn du.
30
“As fɔ yu mɔtalman, yu pipul we de kongosa yu nia di wɔl dɛn ɛn na dɛn os domɔt ɛn de se to dɛnsɛf, wan wan to in brɔda, ‘kam yɛri wetin na di wɔd we de kɔmɔt to PAPA GƆD.’
31
Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.
32
Ɛn fɔ tru, yu tan to dɛm lɛk wan we de siŋ wit fayn fayn vɔys, lɔv siŋ dɛm, ɛn de ple gud gud wan pan myuzik instrumɛnt, bikɔs dɛn de yɛri wetin yu se, bɔt dɛn nɔ go du am.
33
Wɛn dis go bi – ɛn i go kam fɔ tru tru! – Na da tɛn de dɛn go no se wan prɔfɛt bin de wit dɛm.”
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48