Ezra 2

Luganda (BIBU1) (BIBULIYA ENTUKUVU)

← Chapter 1 Jump to: Chapter 3 →

1Bano be bantu ab'omu ttwale abaayambuka nga bava mu busibe bw'abawaŋŋangusibwa, Nebukadunezzari kabaka w'e Babiloni be yali atutte mu busibe mu Babiloni, ne bakomawo mu Yeruzaalemu ne mu Yuda, buli omu n'adda mu kibuga kye;

2bajja ne Zerubabbeli, Yeswa, Nekemiya, Seraaya, Reelaaya, Morudekayi, Bilusani, Misupari, Biguvayi, Rekumu ne Baana. Omuwendo gw'abasajja b'eggwanga lya Yisirayeli:

3bazzukulu ba Parosi, enkumi bbiri mu kikumi mu nsanvu mu babiri;

4bazzukulu ba Sefatiya, ebikumi bisatu mu nsanvu mu babiri;

5bazzukulu ba Ara, lusanvu mu nsanvu mu bataano;

6bazzukulu ba Pakati-Mowabu, be bazzukulu ba Yeswa ne Yowabu, enkumi bbiri mu lunaana mu kkumi na babiri;

7bazzukulu ba Elamu, lukumi mu bibiri mu ataano mu bana;

8bazzukulu ba Zattu, lwenda mu ana mu bataano;

9bazzukulu ba Zakkayi, lusanvu mu nkaaga;

10bazzukulu ba Bani, lukaaga mu ana mu babiri;

11bazzukulu ba Bebayi, lukaaga mu abiri mu basatu;

12bazzukulu ba Azugadi, lukumi mu bibiri mu abiri mu babiri;

13bazzukulu ba Adonikamu, lukaaga mu nkaaga mu mukaaga;

14bazzukulu ba Biguvayi, enkumi bbiri mu ataano mu mukaaga;

15bazzukulu ba Adini, bina mu ataano mu bana;

16bazzukulu ba Ateri, abasibuka mu Kezekiya, kyenda mu munaana;

17bazzukulu ba Bezayi, bisatu mu abiri mu basatu;

18bazzukulu ba Yora, kikumi mu kkumi na babiri;

19bazzukulu ba Kasumi, bikumi bibiri mu abiri mu basatu;

20bazzukulu ba Gibbari, kyenda mu bataano;

21abasajja b'e Beteleemu, kikumi mu abiri mu basatu;

22abasajja b'e Netofa, makumi ataano mu mukaaga;

23abasajja b'e Anatoti, kikumi mu abiri mu munaana;

24abasajja b'e Azumaveti, amakumi ana mu babiri;

25abasajja b'e Kiriyati-Yewarimu, Kafira ne Beeroti, lusanvu mu ana mu basatu;

26abasajja b'e Rama ne Geba, lukaaga mu abiri mu omu;

27abasajja b'e Mikumasi, kikumi mu abiri mu babiri;

28abasajja b'e Beteli ne Ayi, ebikumi bibiri mu abiri mu basatu;

29abasajja b'e Nebo, amakumi ataano mu babiri;

30bazzukulu ba Magubisi, kikumi mu ataano mu basatu;

31abasajja b'e Elamu ekirala, lukumi mu bibiri mu ataano mu bana;

32bazzukulu ba Karimu, bikumi bisatu mu abiri;

33abasajja b'e Lodi, Kadidi ne Ono, lusanvu mu abiri mu bataano,

34abasajja b'e Yeriko, ebikumi bisatu mu ana mu bataano;

35bazzukulu ba Seena, enkumi ssatu mu lukaaga mu asatu.

36Bakabona: bazzukulu ba Yedaaya, okuva mu nnyumba ya Yeswa, lwenda mu nsanvu mu basatu:

37bazzukulu ba Yimmeri, lukumi mu ataano mu babiri;

38bazzukulu ba Pasukuru, lukumi mu bibiri mu ana mu musanvu;

39bazzukulu ba Karimu, lukumi mu kkumi na musanvu.

40Abaleevi: bazzukulu ba Yeswa ne Kadumyeli, ab'omu nnyumba ya Odaviya, nsanvu mu bana.

41Abayimbi: bazzukulu ba Asafu, kikumi mu abiri mu munaana.

42Abaggazi: bazzukulu ba Sallumu, Ateri, Talumoni, Akkubu, Katita ne Sobayi, bonna wamu kikumi mu asatu mu mwenda.

43Abaweereza b'omu Kiggwa: bazzukulu ba Zika, bazzukulu ba Kasufa, bazzukulu ba Tabbawoti,

44bazzukulu ba Kerosi, bazzukulu ba Siyaya, bazzukulu ba Padoni,

45bazzukulu ba Lebana, bazzukulu ba Kagaba, bazzukulu ba Akkubu,

46bazzukulu ba Kagabi, bazzukulu ba Salumayi, bazzukulu ba Kanani,

47bazzukulu ba Giddeli, bazzukulu ba Gakari, bazzukulu ba Reyaaya,

48bazzukulu ba Rezini, bazzukulu ba Nekoda, bazzukulu ba Gazzamu,

49bazzukulu ba Wuzza, bazzukulu ba Pasewa, bazzukulu ba Besayi,

50bazzukulu ba Asuna, bazzukulu ba Mewunimu, bazzukulu ba Nefussimu,

51bazzukulu ba Bakubuku, bazzukulu ba Kakufa, bazzukulu ba Karukuri,

52bazzukulu ba Bazuluti, bazzukulu ba Mekida, bazzukulu ba Karusa,

53bazzukulu ba Barukosi, bazzukulu ba Sisera, bazzukulu ba Temaki,

54bazzukulu ba Neziya, bazzukulu ba Katifa.

55Bazzukulu b'abaweereza ba Solomoni: bazzukulu ba Sotayi, bazzukulu ba Assofereti, bazzukulu ba Peruda,

56bazzukulu ba Yaala, bazzukulu ba Darukoni, bazzukulu ba Giddeli,

57bazzukulu ba Sefatiya, bazzukulu ba Kattili, bazzukulu ba Pokereti-Kazzebayimu, bazzukulu ba Ami.

58Abaweereza b'omu Kiggwa ne bazzukulu b'abagalagala ba Solomoni, bonna nga bawera ebikumi bisatu mu kyenda mu babiri.

59Bano be badda nga bava mu bibuga Teli-Melaki, Teli-Karusa, Kerubi, Addoni ne Yimmeri, naye nga tebasobola kutegeeza oba ennyumba ya bajjajjaabwe n'olulyo nga bya mu Yisirayeli:

60bazzukulu ba Delaaya, bazzukulu ba Tobiya, bazzukulu ba Nekoda, lukaaga mu ataano mu babiri.

61Ate mu ba bakabona: bazzukulu ba Kobaaya, bazzukulu ba Akkozi, bazzukulu ba Baruzillayi, eyawasa mu bawala ba Baruzillayi Omugileyaadi n'ayitibwa erinnya eryo.

62Bano baanoonya obuwandiike bw'olulyo lwabwe ne batabuzuula, ne bagobebwa mu bakabona olw'obutaba balongoofu.

63Owessaza n'abagaana okulyanga ku bintu ebitukuvu ennyo, okutuusa nga wazzeewo kabona aweereza ne Wurimu ne Tummimu.

64Ekibiina kyonna baawera abantu emitwalo ena mu enkumi bbiri mu bisatu mu nkaaga,

65ng'oggyeeko abaddu baabwe n'abazaana baabwe kasanvu mu bisatu mu asatu mu musanvu; ssaako abayimbi baabwe abasajja n'abakazi ebikumi bibiri.

66Baalina embalaasi lusanvu mu asatu mu mukaaga, ennyumbu ebikumi bibiri mu ana mu ttaano,

67eŋŋamiya ebikumi bina mu asatu mu ttaano, n'endogoyi kakaaga mu lusanvu mu abiri.

68Abakulu b'endyo abamu bwe baatuuka ku Kiggwa ky'Omukama mu Yeruzaalemu, ne batona kyeyagalire eby'okuzimba Ekiggwa kya Katonda mu kifo kyakyo.

69Mu ggwanika ly'omulimu baawaamu nga bwe basobola: durakuma emitwalo mukaaga mu lukumi eza zaabu, mina enkumi ttaano eza ffeeza, n'ekkanzu za bakabona kikumi.

70Bakabona n'Abaleevi baasulanga mu bibuga byabwe, wamu n'abantu abamu, n'abayimbi, abaggazi n'abaweereza b'omu Kiggwa; Abayisirayeli abalala bonna baasenga mu bibuga byabwe.

← Chapter 1 Jump to: Chapter 3 →