bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Chronicles 16
1 Chronicles 16
Lugbara (E’yo Siza Alatararu Munguniri BIBLIA)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
1
Yi eji di sanduku Munguni ra, ’ba eri hema Daudini asole eriniri ma alia agadua; fe edeta vezaru azini edeta asi anzuruni Mungu ma milia.
2
Daudi ka edeta vezaru azini asi anzuruni ’diyi fe de ’bo, eri fe asi ndriza ’ba nde ma dria Yehova ma rusi.
3
Fe vini ’ba Israelini alu alu dri, agupi piyi dri okuyi be, enya olemi alu alu, za be za be, zabibu ’wiza ombale ngulu ngulu ’diyi alu alu indi.
4
Eri ope ’ba Levini ma azi azi ngazu sanduku Yehovani ma drilia, e’yo erini egazu, awa’difo fezu, Yehova ma ru inzizu indi, eri Mungu Israeliniri’i.
5
Ambo yi ma driliari Asafu’i, vutinia Zekaria’i, Yeyeli pi, Semiramoti pi, Yehieli pi, Matitia pi, Eliabu pi, Benaya pi, Obedi-edomu pi, Yeyeli pie dria, ongo ngozu afa zaburi ngozuri pisi o’di be; Asafuni indi aya co o’duko urusi;
6
Benaya pi Yahazieli be, atalau edeta edepi ’diyi, yi ovu guka be ’dani ’dani sanduku aziza Mungunirini ma drilia.
7
Ka’dini o’du ’dasi Daudi e’do oko inzita ’bani awa’difo fezu Yehova driri azizu, Asafu pi dri adripi be.
8
Emi fe awa’difo Yehova dri fo! E Emi ma omve eri ma ru; emi ’ba ’yeta erini ma ovu nizaru suru ma eselia fo!
9
Emi ngo ongo eri dri, emi ngo ongo inzitaniri eri dri; emi ma ’yo dria azi osutaru erini ’diyi ma e’yo’i!
10
Emi enya emi ru erini alatararuri ma alia; ’ba Yehovani ndapi ’diyi ma asi ma ovu ayikosi!
11
Emi ma nda Yehovani okpo eriniri be; emi nda eri ma andreti ’dani ’dani.
12
Emi ma ega azi erini osutaru! erini ’yele ’bo ’diyi ma e’yo, tali osutaru erini ’diyi azini e’yo liza efupi eri ma tilia ’diyi be indi,
13
emi ori ati’bo erini Israelini ’diyi la, emi’i anzi Yakoboni erini opele ’diyi!
14
Eri Yehova Mungu amaniri’i; e’yo liza erini ’diyi ovu nyaku ma alia dria.
15
Emi ma ega aziza erini ma e’yo ’dani ’dani, e’yo nde erini azile cazu a’bianzi alifu alu vuri,
16
aziza erini azile Iburahimu beri, azini oyo erini Isaka beri;
17
eri ’ba e’yo nde ’diri ma ovuri Yakobo dri azitaru, azini Israeli dri aziza ’dani ’daniriru,
18
’yozu kini, Ma nga angu Kananini fe mi dri, awazu emini awurusoru.
19
O’du ndra emini ovuzu agupi ma kalafe be lamirurisi; ada, o’du ’dasi emi were tu, emi ndra nga ani’bani angu nde ma alia;
20
yi aci abasi araa suru vusi suru vusi, engazu angu opi aluni nyaleria cazu ’ba azini vu.
21
Te eri a’ini ’ba aluni yi ’yezu onzi ku; ada, eri ega opi ma dria yi ma e’yosi,
22
kini, Emi ma elo ’ba mani odu osuzu yi ma dria ’bo ’diyi ku, azini emi ma ’ye nabi mani ’diyionzi ku!
23
Emi ma ngo ongo Yehova dri, emi ’ba nyakua ’diyi dria! Emi ma ece pata eriniri o’du vusi o’du vusi.
24
Emi ma olu diza erini ma e’yo suru ma eselia, emi ma olu azi osutaru erini ’diyi ma e’yo ’ba dria ma eselia!
25
Yehovani ovule ambo, ecopi inzizaru turisi; ’ba ma ru vini eri indi Mungu dria ma drilia.
26
A’disiku adrou suru nde ’diyini yini ovule dria wura tokonirisi; te Yehova ’ba ’bu piyini.
27
Inzita pi diza be ovu eri ma drilia; okpo pi ayiko be ovu pari eriniri ma alia.
28
Emi fe Yehova dri, emi enyati suruni ’diyi, emi fe diza pi okpo be Yehova dri fo!
29
Emi fe diza nderi Yehova dri, ecopi eri ma rusiri’i; emi eji afa feza, emi emu eri ma drilia! Emi ma inzi Yehovani rua ndriza e’yo alatararurinisi;
30
mi rua ma ya eri ma milia ya ya, mi wudrikuru dria; fe nyaku so pa ringbi indi ojakokoru ’bo.
31
’Bu pi ma ovu ayiko be, nyaku ma onzi ayikosi, yi ma ’yo suru ma eselia, Yehovani angu nyani!
32
Miri pi ma ono, afa gapi alenia ’diyi be; amvu dria ma ovu nyonasi, afa alenia ’diyi be dria!
33
Pati oce talaa ’diyi nga di ongo ngo ayikosi Yehova ma milia ani, erini ngale emule nyaku ma e’yo lizurisi.
34
Emi ma fe awa’difo Yehova dri, erini ovule onyirurisi fo, asi ndriza erinirini ovule ’dani ’danirisi!
35
Te emi ma ’yo: Mi pa ama, Mungu pata amanirini la! Mi oku ama tualu, mi ari ama suru dri, amani awa’difo fezu ru mini, alatararori dri, i amani agazu ayikosi inzita mini! ma alia.
36
Yehova ma ovu asi ndrizaru, Mungu Israeliniri’i, engazu ’dani ’dani cazu kpere ’dani’dani! i Ba dria nga di Amena ’yo, Yehovani inzizu.
37
Ka’dini eri ku Asafu pi adripi be sanduku aziza Yehovanirini ma drilia, azi ngazu sanduku nde ma drilia ’dani ’dani ekile o’du alu alu ma azini ovulerile;
38
ku vini i Obedi-edomu pi adripi be kali azia drini aro; vini Obedi-edomu Yedu-: tuni mvi pi Hosa be ovuzu ’ba jotile agei tepi ’diyiru.
39
Ku vini Zadoki atalau edeta edepiri pi adripi erini atalau edeta edepiru ’diyi be hema Yehovani ma drilia, pari uruleru Gibeoniaria,
40
edeta vezaru ’diyi edezu Yehova dri pari edeta vezaru edezuri ma dria o’biti vusi ondre vusi ’dani ’dani, ekile e’yo dria ovupi sizaru azita Yehovani ma alia erini azile Israeli ma tia ’diyini lelerile.
41
’Ba ovupi yi be ’diyi Hemani pi Yedutuni pie, ’ba acepi ’bani opele e’dale rusi rusi ’diyi be awa’difo fezu Yehova dri, asi ndriza erinirini ovule ’dani ’danirisi.
42
Azini ’ba ovupi yi be ’diyi Hemani pi Yedutuni be, yi ovu guka pie, aya cole co ’diyi pie ’ba otrepi o’duko urusi ’diyi dri, ovu vini o’di be indi ongo Munguni ongozu. Anzi Yedutunini, eri ’ba yi ovuzu kalitilea.
43
’Ba dria nga di esele co muzu yi vile jo vusi jo vusi; Daudi indi atri dri vile asi ndriza fezu jo iniri dri.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29