1 Chronicles 5

Lugbara (E’yo Siza Alatararu Munguniri BIBLIA)

← Chapter 4 Jump to: Chapter 6 →

1Rubeni Israeli ma mvi okori ma anzipi (erini ndra osile okorisi; te erini gbolo i atini ezalerisi, ’ba fe drileba erini mva okoriniri Yusufu Israeli mvi ma anzipi dri, te a’bianzi olaza yini ovuni lazaru drileba mva okorinirile ku;

2te Yuda aga i adripi ra azini opi efu eri ma alia ra, te drileba mva okoriniri ovu Yusufuni),

3Rubeni Israeli mvi okori ma anzipi: Hanoki pi, Palu pi, Hezironi pi, Karimi pie.

4Yoeli anzipi: vini Semaya’i, eri ma mvini Gogi’i, eri ma mvini Simei’i,

5eri ma mvini Mika’i, eri ma mvini Reaya’i, eri ma mvini Baali’i,

6eri ma mvini Beera’i Tiligati-pilineseri opi Asuriaarini ndra jile ati’boruri’i; eri ndra opiru ’ba Rubenini ma eselia.

7Te adripi erini ori’ba yini vusi, ’bani a’bianzi yini olaria: ’ba amboru Yeyeli pi, Zakaria pie,

8Bela Sema Yoeli mvi ma mvi Azazi ma mva ovupi Aroeria kpere Nebo pia, Baali-meoni beri pie;

9te kala etuni efurialeru eri ca kpere pari fizu roko dria engazu yi ara Ufirate vuleruria, a’disiku anyapa yinini ezule Gileadia turisi.

10Te ewu Saulonisi yi ’ba omba ’ba Hagarini be, yini fule yi ma drisi ’diyi; yi adri hema yinia angu dria Gileadi ma kala ’aa’dasi etuni efurialeru.

11Anzi Gadini ri yi ma drilialeru angu Basaninia kpere Salekaa:

12opiru Yoeli’i, vutiniari Safamu’i, Yanai pi Safati ovupi Basaniari pie.

13Adripi yini ori’ba yi ma a’bipini ’diyi: Mikaeli pi, Mesulamu pie, Seba pie, Yorai pie, Yakani pie, Zia pie, Eberi pie, yi aziri.

14Anzi ’diyi ovu anzi Abihaili Huri mvini, mvi Yaroani, mvi Gileadini, mvi Mikaelini, mvi Yesisaini, mvi Yadoni, mvi Buzini;

15Ahi Abidieli Guni mvi ma mva ovu opiru ori’ba yi ma a’bipini drilia;

16te yi ovu Gileadia, Basani ma alia, azini aku erinia, azini angu Saroni ma ageiaria dria, kpere kalatini asizuria,

17La ’ba ’diyi dria a’bianzi yini vusi ewu Yotamu opi Yudaniri pini Yeroboamu opi Israeliniri berisi.

18Anzi Rubeni pini, Gadi pie, suru ali Manaseni pie, ’ba asi teza be, ’ba ecopi gombere omani ’dupi sei be ra, ’ba osu gbipi ra, ’ba ombaru ’diyi dria yi alifu kali su drini su, turu aziri drini kali azia, yi ’ba ndra ecopi mupi a’dia ’diyi.

19Yi ’di a’di ’ba Hagarini piyi be, Yeturi pie, Nafisi pie, Nodabu pie;

20te isu aza koza ra, fe ’ba Hagarini yi ma dria, ’ba ovupi yi be ’diyi pie dria; a’disiku yini wule Mungu vu omba ma aliarisi, eri eri matu yini ra, a’disiku yini a’ita yini ’bale eri ma aliarisi.

21Yi opa anyapa yini ra: ngamia alifu kali towi, kabilo alifu turu iri drini kali towi, akanya gaaru ’diyi alifu iri, azini agupi yi alifu turu alu.

22’Ba odrapi a’dia ’diyi kakau tu a’disiku a’di ndeni ndra ovule Mungunirisi. Te yi ovu yi ma paria kpere ewu ndra juruni yi jizu ati’baruria.

23Suru ali Manaseni ma anzipi ’ovu angu ndea; yi ezu engazu; Basania cazu Baali-herimoni pia, Seniri pie, oni Herimoni pie.

24Te ’ba ori’ba yi ma a’bipini ma dri cepi ’diyi yi ’di: Eferi pi, isi pi, Elieli pi, Azirieli pi, Yeremia pi, Hodavia pi, Yadieli pie, yi ’ba ombare, ’ba ru kuzaru, ’ba ori’ba yi ma a’bipini ma dri cepi ’diyi.

25Te yi ’ye onzi Mungu yi ma a’bipiniri vu, yi aci saaru adrou ’ba ’daa ’diyini ’diyi inzizu, ’ba nde Munguni dri jale yi ma milia ’diyi.

26Ka’dini Mungu ’ba Israeliniri enga Puli opi Asuriaari pi ma asi Tiligati-pilineseri opi Asuriaari be, eri wu yi ji ati’baru, yi ’ba Rubenini piyi ’ba Gadini pie, suru ali Manaseni pie, eji yi Hala pia, Habori pie, Hara pie, azini yi ara Gozanini ma tia, ecazu kpere andru.

← Chapter 4 Jump to: Chapter 6 →