bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Chronicles 21
1 Chronicles 21
Lugbara (E’yo Siza Alatararu Munguniri BIBLIA)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Te Satani nga pa so uru omba ’bazu Israeli be, eri fe Daudini muzu ’ba Israelini ma kalafe lazu.
2
Daudi ’yo Yoabu pi ma tia ’ba ’wara be kini, Emi mu ’ba Israelini ma kalafe lazu engazu Beeri-sebaa kpere Dania; emi ma eji e’yoni ma vu, ’dini ma ma ni ani yi ma kalafe beni.
3
Te Yoabu kini, Yehova ma ere suru ini ma kalafe aga yini ovuzu curu’dori pale turu alu fo! Te opi mani, opi amboru la, yi ovuni dria opi mani ma ati’ba yi ku ya? Opi mani le e’yo ’diri a’di e’yosi ya? Eri nga ’ba Israelini fe ovuzu ndezaru e’yo lizasi a’disi ya?
4
Te ti, opi ma e’yo ovu okporu aga Yoabuni ra. E’yo ’ disi Yoabu mu di ra, aci angu Israelini ma aliasi dria, emu Yerusalemua.
5
Yoabu fe di ’ba Israelini erini lale ’diyi ma kalafe Daudi dri. ’Ba nde Israelini ’diyi ndra dria alifu pale alifu alu drini alifu turu alu ovupi sei be ’diyi, azini ’ba Yudani alifu turu su drini kali aziri ovupi sei be ’diyi.
6
Te eri lani ’ba Levini piyi ’ba Benyaminini ’diyi be indi ku, a’disiku opi ma e’yoni ovule anguonziru Yoabu ma miliarisi.
7
Te e’yo ’diri ovu onzi Mungu ma milia, eri ofu ’ba Israelini ani.
8
Daudi nga di ’yo ani Mungu ma tia kini, Ma eza amboru tu mani afa ’diri ’yelerisi. Te curu’do, ma matu ’ba mi vu, mi ma ku onzi ati’bo minirini ra; mani ’yele ondua kokoru turisi.
9
’Dini Yehova nga di e’yo ’yo Gadi Daudi vile ’ba e’yo neza nepiri ma tia kini,
10
Mi mu ’yo Daudi ma tia kini, Yehova ’yo ’dinile, Ma fe mi dri e’yo na; te mi ma pe alu yi ma eselia, ma ma ’ye eri mi dri beni.
11
Ka’dini Gadi emu di Daudi vu ra, ’yo tinia kini, Yehova ’yo ’dinile, Mi ma a’i di mini lelerile:
12
kani eli na likini; kani mba na mini ngazu ovuzu dri jazaru ari’ba mini ma milia, sei mi juruni yini mi agaria; kani di o’du na sei Yehovani, adani azo muani angu ma alia, azini malaika Yehovanini ’ba dri jazu angu Israeliniria dria. Curu’do mi ma ega e’yo ngori ya mani ngale omvile ’ba ma ti epepiri vuri.
13
Daudi omvi e’yo Gadi ma tia kini, Ma aba tu, ma ma ’ye ngoni yani; bani ma ma e’de di Yehova ma dria ani, yiki erinirini ovule amboru turisi; ma ma e’de ’ba ma dria ku fo!
14
Ka’dini Yehova fe azo muani ’de ’ba Israelini ma dria; ’ba Israelini o’depi odrapi ra ’diyi kalafeni alifu kali aziri.
15
Mungu epe vini malaika ma ti Yerusalemua drini jazu; te erini ’yeria drini jaria Yehova ndre ra, eri oja i ma asi onzi ndesi ra, e’yo malaika ’ba dri japiri ma tia kini, Fu dri ra; curu’do mi ku ja. Isu malaika Yehovani so pa akuma anya ’dizu Orinani ’ba Yebusininiri ma ageia.
16
Daudi enga i ma mile uru, ndre malaika Yehovani erini pa soria nyaku pi ma eselia ’bu beria, sei enzezari i ma dria ci Yerusalemu ma drilia. Ka’dini Daudi pi ’ba ’wara pie nga di koliba osu yi ma ruaa, o’de o’bukuru va.
17
Daudi nga di ’yo Mungu ma tia kini, Eri ovuni ma’i azipi kini ’ba ma la ’ba ma kalafe la lari’i ku ya? Te eri ma’i ezapi ra, azini e’yo onzi ’yepi turi’i ku ya? Te kabilo ’diyi ’ye a’dini ya? Mi fe dri mini ma ovu ma ruaa, ma zi mi tia, Yehova Mungu mani la, dri mini ma ovu ori’ba ma atini ma ruaa indi; te ma ovu suru mini ma ruaa ku, ’dini azo muanini yi bizu ani.
18
E’yo ’diri ma vutia malaika; Yehovani nga e’yo azi Gadi ma tia ’yozu Daudi ma tia kini Daudi ma tu uru, pari edeta edezuri sizu Yehova dri akuma anya ’dizu Orinani ’ba Yebusininiri ma alia.
19
Daudi tu di ra, ’yota Gadini, erini ’yole Yehova ma rusirisi.
20
Orinani atri dri vile, ndre malaika; anzi erini su ovupi eri be ’diyi zi yi ra. Isu Orinani nde ovu de anya ’diria.
21
Daudini emuria Orinani vu, Orinani lu ra, ndre Daudini ra, eri efu akuma anya ’dizuri ma alia amve, avu va Daudi ma drilia, eri su i ma mile va nyakua.
22
Daudi nga di ’yo Orinani ma tia kini, Mi fe ma dri akuma anya ’dizu ’diri, ’dini ma ma si drinia pari edeta edezuri Yehova dri ani-mi nga eri fe ma dri aje mgbarisi-’dini azo muani ma ku ’ba nde ani beni.
23
Orinani nga di ’yo Daudi ma tia, Mi ’du eri miniru; opi mani opi amboruri ma ’ye e’yo ovupi i ma milia onyiruri ani; mi ndre, ma fe mi dri ranya ’diyi edeta vezaruriru, azini afa anya ’dizu ’diyi ejaru, azini anya edeta edele anyafurasiriru indio Ma fe yi dria.
24
Daudi ’yo Orinani ma tia kini, Yo, te ndindini ma nga je mi dri aje mgbarisi; ma ngani afa mini ’du, fe Yehova dri ku, ma ngani afa feza eve edetaru Yehova dri aje kokoru ku indi.
25
Ka’dini Daudi nga Orinani dri mele fe sekeli turu azia, nzizani o’bile ra ’diyi.
26
’Dini Daudi si pari edeta edezuri ’dale Yehova dri, fe edeta vezaru ’diyi, edeta asi anzuruni ’diyi be, omve Yehova ma ru ’ daa, eri omvi e’yo eri ma tia engazu ’bua acisi pari edeta vezaru edezuri ma dria.
27
Yehova azi e’yoni malaika tia; eri nga sei erini su okporoa. Pari pele hekalu ’bazuri
28
Azini etu ’dasi Daudi ka ndre kini Yehova omvi ini e’yo ma arioti akuma anya ’dizu Orinani ’ba Yebusininiri ma dria ra, eri ede eli edeta ’daa.
29
A’disiku hema Yehovani Musani ndra edele angu roko driari, pari edeta vezaruni be, yi ovu o’du ’dasi pari uruleru Gibeoniaria;
30
te Daudi econi ndra mu eri ma drilia Mungu zizu ku, erini ndra ovule urisi malaika Yehovani ma sei ma e’yosirisi.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29