bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Samuel 22
2 Samuel 22
Lugbara (E’yo Siza Alatararu Munguniri BIBLIA)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Te Daudi ’yo ongo ’di ma ti Yehova tia o’du Yehovani eri pazu ari’ba erini ma dria dria, azini Saulo ma dria indirisi.
2
Te eri ’yo, Yehova ovu kata mani, azini pari mani ma ta mbazuri, ’ba ma aripiri, adaru maniri,
3
Mungu oni mani okpo beri, ma nga ovu a’itasi eri alia, gombere mani azini o’yu pata manirini, kali mani abi izuru beri, pari mani ma zizu aleniari indi, ’ba ma papiri, mi pa ma e’yo okporu ma sia.
4
Ma nga Yehova i sipi inzizaruri omve; ’dini ma nga ovu pazaru ari’ba mani dri ani.
5
A’disiku dra yi mbupi mburileri yi ma ace kuru, e’yo onzi yi tizaleri uri fe ma dri;
6
baka ’bile drataniri vileri ekila ma kuru kuru, emba drataniri bi ma ci.
7
Candi mani ma alia ma omve Yehovani; adaru ma wu Mungu maniri vu. Hekalu erini ma alia eri eri o’duko mani, wuta mani ca kpere bilenia.
8
Etu ’dasi nyaku ’ye yanga, yazu di di di; ’bu eti si di di di, oya yi, erini ovule adrasirisi.
9
Acika efu omvulenia tu uru, aci efupi eri ma tiari ve angu ra acikulu nga ti ko ani.
10
Eri fe ’bu ma aku iva, eri esi va; ini inicici idururi ovu pa erini ma etia.
11
Eri tu uru kerubi dria, sa sa; adaru, ne eri oli ma opile dria.
12
Eri ede ini i ageia kuru kuru hemaru, iriti asepi iniciciru ’bua ’diyi pie, yi i okupi okuri pie.
13
Diza erini eri ma driliarisi acikulu nga ti ko ani.
14
Yehova no ’bu ma alia no no, Mungu ovupi Uru Agapi Turi no o’duko erinisi.
15
Eri gbi ’ye yi crezu; ofu ovi yi odrozu.
16
Etu’dasi geri miria ’diyi e’dayi ra, azini nyaku ma eti e’da ree, Yehovani egale yi ma driarisi, oli okporu Jipi ava efupi eri ma omvuliarisi.
17
Eri pe e’yo ti ’bualesi ma e’duzu, eri enze fila yi amboruri ma aliasi.
18
Eri ari ma ari’bo mani okporuri dri, ’ba ma ngupionzi ’diyidriindi; yi ma okponi ma ndelerisi.
19
Yi e’de ma dria o’du mani ovuzu candi berisi; te Yehova fe ma so pa ci.
20
Eri ofu ma ra, ofi vini ma pari amboru ma alia; eri ari ma ra, ala e’yoni eri valerisi.
21
Yehova fe ma dri ekile onyi manirile; eri ofe ma ekile ma drini ovule alarurile.
22
A’disiku ma mba geri Yehovani ’diyi ma ta ’bo, ma kuni Mungu mani aka asi onzisi ku.
23
E’yo liza erini dria yini ovule ma miliarisi, ma kuni azita erini ’diyi ku.
24
Ma ovu kililiru eri vu, ma mba ma ngulupi ma ta ma kazu e’yo onzi ’yezu ku.
25
E’yo ’disi Yehova ofe ma onyi manirile ’bo, ekile mani ovule alaru eri ma miliarile.
26
’Ba yiki beri vu mi nga mi ece yikiru; ’ba kililiru vu indi mi nga mi ece kililiru;
27
’ba alatararuri vu mi nga mi ece, alatararu, ’ba asi okaru vu mi nga mi ece okporu.
28
Te mi nga ’ba candi be ’diyi pa ra, te mi mileni ovu ’ba ambo be ’diyi vu, yi omvizu va.
29
A’disiku mi ovu tala mani, Yehova la, Yehovani nga ini mani oja eturu.
30
Te mi ma okposi ma nzu ari’ba, o’biru ma eselesi, Mungu mani ma okposi ma mbu kali drilesi.
31
Te Mungu’i, geri eriniri kililiru; o’bi e’yo ’yoza Yehovani ’bo; eri gombereni ’ba eri a’ipi ’diyi dri dria.
32
Te a’di ovu Munguruni ya, alu Yehova’i ku ya? A’di ovu kataruni ya, alu Mungu amani’i ku ya?
33
Munguni pari okporu maniri, eri ce ’ba kililiru ’diyi dri geri erini ma alia.
34
Eri ma pa ede ekile yere ma pale, eri ma ’ba uru pari mani izuru ’diyi ma dria.
35
Eri dri mani imba omba ’bazu, eco ma drini osu molaru nzozaru ani.
36
Mi fe vini ma dri gombere pata minirini ’bo, asi e’yere miniri ’ba ma amboru ’bo.
37
Mi ’ba pari mani ma pa agele ’bazu ’diyi walaru ’bo, pa mani nzoni ku;
38
ma dro ari’ba mani ma vuti, ma ja yi dri ra, ma ojani ma vile dika ku de nga yi odrani de teketeke ku.
39
Ma de yi teketeke ra; ma oso yi lekeke lekeke ’dini yi econi engazaru ku ani; ada, yi o’de ma palaa va.
40
A’disiku mi anzu ma opile omba ’bazu; mi ’ba ’ba engapi ma ruaa ombasi ’diyi va ma palaa ’bo.
41
Dika mi fe ari’ba mani oja yi nguku ma vuleru ’bo, ma eco ani ’ba ma ngupi onzi ’diyi fuzaru kai,
42
Yi lu, te ti, ’ba yi papini yo; ada yi lu Yehova vu, te eri omvini e’yo yi tia ku.
43
Etu ’dasi ma oco yi nyingiriki ekile irifura nyakunirile, ma otu yi ekile okurunya geriarile, ma ere yi ra.
44
Mi pa vini ma abala ’ba manini ’bale ’diyi ma alia ’bo; mi mba ma ta ma ’bazu suru ndu ndu ma drilia ’bo; suru mani nile nga kuri nga azi nga ma dri.
45
’Ba jururu ’diyi nga yi ’ba va ma palaa; coti yini e’yo mani eriria yi nga azita mani inzi ra.
46
’Ba jururu ’diyi nga avi ra, yi nga efu pari yini yi zizuria rua oyaza be.
47
Yehovani ’dani ’dani; kata maniri ma ovu inzizaru, Mungu kata pata maniriniri ma ovu ’bazaru uru,
48
Mungu ma arioti ofepiri suru ndu ndu ’bapi va ma palaari’i,
49
ma ofupi ari’ba mani ma eseliasiri’i; adaru, mi ma enga uru aga ’ba engapi ma ruaa ombasi ’diyi ra, mi adri ma ari ’ba egana beri ma dria.
50
E’yo ’disi ma nga awa’difo fe mi dri, Yehova la, suru ndu ndu ma eselia, azini ma nga ongo ngo ru mini inzizu.
51
Eri pata amboru fe opi erini dri, azini eri leta yiki beri ece ’ba erini odu osule driniari dri, ’di Daudi’i, a’bianzi erini ’diyi dri indi ’dani ’dani,
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24