bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
2 Samuel 23
2 Samuel 23
Lugbara (E’yo Siza Alatararu Munguniri BIBLIA)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
E’yo ’diyi ovu e’yo ’yoza asiza Daudiniri’i Daudi Yese mvi ’yo ra, ’ba ’bale ururi ’yo ra, ’ba Mungu Yakobonirini odu osule driniari’i, ’ba ongo ndrizaru ngopi Israeliniri’i:
2
Orindi Yehovani ’yo e’yo ma tisi, e’yo ’yoza erini ovu andre mani dria,
3
Mungu Israeliniri ’yo ra, Oni Israeliniri ’yo ma tia: ’Ba opi nyapi kililiruri’i, angu nyapi Mungu ruzasiri’i,
4
eri nga ovu ekile diza etuni o’bitisi, etuefupio’bitisiiriti kokorurile, ase aro edupi nyakuarile, etu sile edripi ozoo ma vutiarile.
5
Adaru, ori’ba mani ovuni ’dini Mungu ma milia ku; te ti, eri azi aziza ’ dani ’ daniri ma be ’bo, ede e’yo dria kilili, yakokoru. Te eri ovu pata dria mani, e’yo dria mani leleri, ka tro eri feni eri ezuzu ku ti.
6
Te ’ba ’onzi dria ’diyi nga ovu ekile oci ’bani ’bele ’bani ecole bile drisi ku ’diyile;
7
te ’ba yi elopiri ma ovu aya be, ajufe be yi dria, te yi nga ovu vezaru kinyi kinyi pari yinia.
8
’Ba okporu Daudini ’diyi ma ru ’di: Yosebu-basebeti ’ba Takemoniari, opi ’ba ambo ’diyi driliari; eri ’du aju erini, ofu ’ba turu aro etu alusi.
9
Eri ma vutia Eleazari, Dodai agu Ahoari mvi, alu ’ba okporu na Daudini ’diyi ma eseliari, etu yini ’ba Filisitiaa yi okupi a’di ’dizu ’diyi ma dri inzazurisi, ’ba Israelinini ngazu ’darisi ’boria.
10
Eri enga, eri ofu ’ba Filisitiaa ’diyi cazu kpere driniri oruria, drini ebi i sei ma ruaa; te Yehova fe agaza amboru etu ndesi; ’ba emvi eri ma vutia kiri afa wuzu.
11
Eri ma vutia Sama Agee mvi ’ba Harariari. ’Ba Filisitiaa ’diyi oku yi ongulumuru Lehia, pari amvu osunini ovuzuria; te ’ba yi apa ’ba Filisitiaa ’diyi driliasi.
12
Eri so pa amvu nderi ma eselia ageini tezu, ofu ’ba Filisitiaa ’diyi ra; te Yehova fe agaza amboru.
13
Te ’ba na ’ba ambo kali na ’diyi eselia ’diyi si va, ca Daudi vu oni oji Adulamuaria ewu anya lozurisi; te asikari ongulumuru ’ba Filisitiaa ’diyini aso hema yini e’bu Refaimuaria.
14
Daudi ovu o’du nderisi pari okporuri ma alia, te o’du nderisi asikari ongulumuru ’ba Filisitiaa ’diyi ovu Betelehemua.
15
Ava ovu Daudi ma asia, eri ’yo ra kini, ’Ba ka te yi mvuza ekole yi a’di ovupi kalitile Betelehemuari ageiariari fe ma dri fo!
16
Te ’ba okporu na ’diyi nga di aga asikari ongulumuru ’ba Filisitiaa ’diyi ma eselia, nga yi eko yi a’di ovupi kalitile Betelehemuari ageiaria, yi ’du eri ji Daudi vu. Te eri leni mvu ku; eri osu eri va Yehova drilia,
17
’yo ra, kini, Yehova la, econi aluni ku mani e’yo ’di ’yezu. Ma nga ari ’ba mupi, idri yini kupi dra sia ’diyini mvu ra ya? E’yo ’disi eri leni mvu ku. ’Ba okporu na ’diyi ’ye e’yo ’diyi.
18
Te Abisai Yoabu adri Zeruiya mvi, ovu ’ba ambo agapi ’ba na nde ’diyi eseliari. Eri ’du aju erini ’ba turu na ’diyi dri aruzu, ofu yi, isu ru kuza ani ’ba na ’diyi ma eselia.
19
Eri agani ’ba na nde ’diyi inzitasi ku ya? E’yo ’disi ’ba eri ’ba amboru yi drilia; te eri funi dri ovuzu tro tro ’ba na oko ’diyile ku.
20
Te Benaya Yehoyada ’ba uri kokoru Kabizeeliari ma mvi, eri ’ye e’yo amboru, eri ofu anzi iri Arieli ’ba Moabuari vile ’diyi. Indi vini eri si va ’bile alia ewu ozooni ’dizu taluji berisi kami fuzu.
21
Eri fu Vini ’ba Misiriari, ’ba amboru. ’Ba Misiria nderi ovu ndra aju be i dria; te Benaya si va eri vu lote be, pa aju ’ba Misiria nderi ma driasi, fu eri aju eri ngulupinisi.
22
Benaya Yehoyada mvi ’ye e’yo ’diyi, isu ru kuza ani ’ba okporu na ’diyi eselia.
23
Eri aga ’ba kali na ’diyi inzitasi, te eri funi dri ovuzu tro tro ’ba na oko ’diyile ku. Te Daudi ’ba eri asikari i agei tepi ’diyi ma drilia.
24
Asaheli Yoabu adri ovu ’ba alu; ’ba kali na ’diyi ma eseliari’i; Elihanani Dodo mvi, ’ba Betelehemuari,
25
Sama Harodiari, Elika Harodiari,
26
Helezi Palitiari, Ira Ikesi mvi ’ba Tekoari,
27
Abiezeri Anatotiari, Mebunai Husatiari,
28
Zalimoni Ahoari, Maharai Neto-fatiari
29
Helebu Baana mvi ’ba Netofatiari, Itai Ribai mvi ’ba Gibea suru Benyamininiriari,
30
Benaya Piratoniari, Hiddai engapi yi Gaasia ’diyi ma tiari,
31
Abi-aliboni Aribatiari, Azimaveti Bahurimuari,
32
Eliaba Saliboniari, Yaseni anzipi,Yonatani,
33
Sama Harariari, Ahiamu Saraari mvi ’ba Harariari,
34
Elifeleti Ahasibai mvi ’ba Maakaari, Eliamu Ahitofeli mvi ’ba Giloari,
35
Heziro Karimeliari, Paarai Aribiari,
36
Igali Natani mvi ’ba Zobaari, Bani Gadiari,
37
Zeleki Amoniari, Naharai Beerotiari, ’ba afa suza ayaru ombani, Yoabu Zeruiya mvi vile ’diyi ojipiri,
38
Ira Itiriari, Garebu Itiriari,
39
Uria Hitiniri: dria kali na drini aziri.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24