bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
John 17
John 17
Lugbara (E’yo Siza Alatararu Munguniri BIBLIA)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
1
Yesu ka e’yo ’diyi ’yo ’bo, erini i mile engaria ’bua eri ’yo ra, Ata, etu eca ’bo; mi fe diza mi Mvi dri, Mvi ma fe diza mi dri ani beni,
2
mini okpo fele eri dri ovuzu ’ba rua ari be ’diyi ma drilia driarisi, eri ma fe idri ’dani ’dani ’ba dria mini fele eri dri ’diyi dri.
3
Idri ’dani ’daniri eri ’di’i, yi ma ni mi Mungu ale a’dule adaruri’i, azini ’ba mini tini epeleri Yesu Kristo’i.
4
Ma fe diza mi dri nyakua ra, mani azi mini fele ma dri ’yezaruri dele ’borisi;
5
te curu’do, Ata, mi fe diza ma dri mi ngulupi be tualu, diza nde mani mani ndra ovuria mi be tualu de nga nyaku ’bani i ku ’darisi.
6
Ma ece mi ru ’ba mini fele ma dri engazu nyakua ’diyi dri ra; yi ovu mini, mi fe yi ma dri ra, yi mba e’yo mini ma ta ’bo.
7
Curu’do yi ni ra afa dria mini fele ma dri ’bo ’diyi ibi enga mi vu;
8
a’disiku ma fe yi dri e’yo ’yoza mini fele ma dri ’diyi ’bo, yi a’i e’yo nde ’diyi ra, yi ni ra ada ma ibi enga mi vu; yi a’i vini mi epe ma ti mi’iri ra.
9
Ma zi yi ma e’yosi; ma zini nyaku ma e’yosi ku, te ’ba mini fele ma dri ’diyi ma e’yosi, a’disiku yi ’ba mini;
10
afa di la mani ’diyi yi mini, mini ’diyi yi mani, ma isu diza yi ma alia ’bo.
11
Ma ovuni nyakua dika ku, te yi ovu nyakua, azini ma mu mi vu. Ata Alatararu, mi mba, yi ma ta mi ru mini fele ma dririsi, yi ma ovu ani alu, ekile amani ovule, alurile.
12
De ma ovu yi be ci, ma adri yi ma ta mba mi ru mini fele ma dririsi; ma te yi ma agei ra, ’ba aluni jani dri yi ma eselia ku, pe lu kiri mva dri jazaniri a’dule’i, ’dini e’yo siza ma ’ye i beni.
13
Te curu’do ma mu mi vu ’di; ma ’yo e’yo ’diyi nyakua, ’dini ayiko mani ma ga ani yi asia tre beni.
14
Ma fe yi dri e’yo mini ’bo; nyaku ngu ani yi onzi, yini ovule ’ba nyakuni kurisi, ekile mani ovule ’ba nyakuni kurile.
15
Ma zini mi ma nze yi nyakuasi ra ’dini ku, te bani mi ma mba yi ma ta agu onzirisi.
16
Yi ovuni ’ba nyakuni ku, ekile mani, ovule ’ba nyakuni kurile.
17
Mi ’ba yi ma ovu alatararu e’yo adaruri ma alia; e’yo miniri e’yo adaruri’i.
18
Ekile mini ma ti epele nyakuarile, ma ope yi ma ti nyakua ’dini indi.
19
Ma ’ba ma ngulupi alatararu yi ma e’yosi, yi ma ovu ani alatararu e’yo adaruri ma alia indi.
20
Ma zini ’ba ’diyi ma e’yosi a’dule ku, te ’ba ngapi ma a’ipi yi ma e’yosi ’diyisi indi,
21
yi dria ma ovu ani alu; ekile mi’i Ata, mini ovule ma alia, azini mani ovule mi aliarile, yi indi ma ovu ama ma alia, nyaku ma ni ani mi epe ma ti mi’i.
22
Ma fe yi dri diza mini fele ma driri ’bo, yi ma ovu alu ekile amani ovule alurile;
23
ma yi alia, mi ma alia, yi ma ca ovuzu ani aluru, ’dini nyaku ma ni mi epe ma ti mi’i, azini mi le yi trotro ekile mini ma lele avasirile.
24
Ata, ma le ’ba mini fele ma dri ’diyi ma ovu ma be pari mani ovuzuria, yi ma ndre ani diza mani mini ndra fele ma dri mini ma lele de nga nyaku eti ’bani i kurisiri’i.
25
Ata kililiruri la, nyaku nini mi ku, te ma ni mi ra; azini ’ba ’diyi ni mi epe ma ti mi’iri ra.
26
Ma fe yi ma ni ru mini ra, ma nga di fe ru mini ma ovu nizaru, leta mini ma lezuri ma ovu ani yi ma alia, ma ma ovu vini vi ma alia indi.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21