Zechariah 11

Lugbara (E’yo Siza Alatararu Munguniri BIBLIA)

← Chapter 10 Jump to: Chapter 12 →

1Mi zi jotile mini, Lebanoni la, ’dini aci ma nya mario pati mini ’diyi beni!

2Mi ’be cere, mi kalafuru pati La, mario patini e’dele ’borisi, a’disiku pati onyiru ’diyi ovu ezazaru ’bo! Emi ’be cere, emi kumara pati Basania ’diyi la, pati oceru okporu ’diyini esi va ’borisi! O’duko cereni ’ba kabilo ocepi

3’diyini, diza yinini ovule ezazarurisi! O’duko kamianzi onopi ’diyini, afu Yoridanini ovule ezazaru ’borisi.

4Yehova Mungu mani ’yo ’dini: Mi fe nyaka kabilo o’biru yini ngale olile oli ’diyi dri;

5yi ma e’ipini olile, egaria kini yi e’yo kokoru ’diyi; ’ba yi ozipi ’diyi ’yo kini, Awa’difo Yehova dri, mani ovule afa e’irurisi; te yiki funi ’ba kabilo nde ocepi ’diyi kabilo ma e’yosi ku.

6Mani ngale yiki ’bale ’ba ovupi angu ndea ’diyi vu dika kurisi, Yehova ’yo ra; te mi ne, ma nga ’ba nde alu alu ku ’ba yi jo ejelea ’diyi ma dria, azini opi yini ma dria; yi nga angu nde co ra, te ma ngani yi pa yi ma driasi ku.

7’Dini ma fe di nyaka kabilo o’biru yini ngale olile oli ’diyi dri, ndi kabilo oyiza oyiza kabilo o’biru ma eselia ’diyi. Te ma ’du mani lote iri; aluri ma ’da runi Ndriza’i, iriri ma ’da runi Ombeza’i. ’Dini ma nga di nyaka fe kabilo o’biru dri ra.

8Ma ja ’ba kabilo ocepi ’diyi ma dri na mba alu ma alia; ma orindini andele yisi rarisi, yi ma orindini ma ngule onzi indirisi.

9Ma nga di ’yo, Ma ngani nyaka fe emi dri ku. Eri’i lepi drapiri ma dra ra; dri! japiri ma ja dri di ra; joloko acepi ’diyi vi alu alu ma nya yi agyi ma kalanya.

10Te ma ’du lote mani Ndriza’iri, ma ali aleni ra, ’dini ma ma nyo aziza mani, mani azile suru dria beri ani.

11Nyo ndra i ani o’du ’dasi, ’dini kabilo oyiza kabilo o’biru ma eselia e’yo mani inzipi ’diyi ni ra kini eri e’yo Yehovani.

12Te ma nga di ’yo yi ma tia, Ka ovu emi milia onyiru, emi fe oya mani; ka’dini yo, emi ku nga. ’Dini ’yi o’bi di ma dri oya maniru silingi dahaburu kali na.

13Yehova ’yo ma tia, Mi o’be silingi nde ’ba imvu sipiri dri-aje onyiru yini ma ofezuri. E’yo ’disi ma ’du di silingi dahaburu kali na ’diyi, ma o’be di yi ’ba imvu sipiri dri jo Yehovani ma alia.

14Ma nga di ma vile lote azini, runi ’dale Ombeza’iri ma ale ali ra, ’dini ma ma nyo aziza ’bani ovuzu adripiru Yuda pi ma eselia Israeli beri ani beni.

15Te Yehova nga ’yo ma tia kini, Mi ’du nga mini ’ba kabilo ocepi ondua kokoruri ma afa azi ngazuri dika.

16A’disiku mi ne, ma riga ’ba kabilo ocepiri fe enga angu nde ma alia, ngapi kabilo avipi ra ’diyi andripi ku, ngapi yi erepi ra ’diyi ndrupi ku, ngapi ovupi onyozaru ’diyi atipi kuri, eri ngani vini nyaka fe kabilo rua alaru be ’diyi dri ku; te eri nga yi ma kalanya oso beri nya’i, eri nga yi ma za oce kpere onyofia.

17Candi ’be kabilo ocepi dri fupi ku kabilo o’biru kupi rari dri. Seini nga ovu eri ma wu driani, azini eri ma mile dri ndiari ma dria! Eri ma drini nga ’wi toto, azini eri ma mile dri ndiari nga dra teketeke ra.

← Chapter 10 Jump to: Chapter 12 →