bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezekiel 20
Ezekiel 20
Mossi MPBU (WẼNNAAM SEBRE 2014)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
1
Yembdã loogr zugẽ tɩ yʋʋm yopoɛɛlẽ, kiuug a nu soabã rasem piig daare, Israyɛll kãsem-dãmbã sʋk neb kẽer wa n zĩnda mam taoor n na n sok Sẽn-Ka-Saab n bãng b raabo.
2
La Sẽn-Ka-Saab goma ne maam n yeele:
3
Ninsaala, gom ne Israyɛll kãsem-dãmbã n yeel-b tɩ maam a Zu-soab a Sẽn-Ka-Saab yetame: Yaa sẽn na n bao mam daab la y sẽn wa wã bɩ? Maam a Sẽn-Ka-Saab sẽn vɩ wã wẽendame n yetẽ tɩ m kõn bas tɩ y sok maam bũmb ye. Maam a Zu-soab a Sẽn-Ka-Saab n yeele.
4
Fo ka na n bʋ bãmb bʋʋd sɩda? Ninsaala, fo ka na n bʋ bãmb bʋʋdo? Wilg bãmb yel-beed nins bãmb yaab-rãmbã sẽn maanã!
5
Yeel bãmb tɩ Zu-soab a Sẽn-Ka-Saab yetame: Daar ning mam sẽn yãk Israyɛll nebã, mam zẽka m nug n wẽen ne a Zakoob yagensã, la m vẽneg m meng ne bãmb Ezɩpt tẽnga. Mam zẽka m nug n wẽen ne bãmb n yeel tɩ m yaa Sẽn-Ka-Saab sẽn yaa bãmb Wẽnnaam.
6
Badaare, mam zẽka m nug n wẽen ne bãmb n yeel tɩ m na n yiisa bãmb Ezɩpt tẽng n tall n kẽng tẽng mam sẽn zoe n yãk n bĩng-ba, tẽng sẽn tar bĩisim ne sɩɩd wʋsgo, tẽng sẽn yaa neer n yɩɩd tẽmsã fãa.
7
Mam yeela bãmb yaa: Bɩ yãmb ned kam fãa lob yel-yood nins a sẽn get tɩ noom-a wã! Da rẽgm-y y mens ne Ezɩpt wẽn-naandsã ye! Mam yaa Zu-soab a Sẽn-Ka-Saab sẽn yaa yãmb Wẽnnaam.
8
Bãmb tõdgame n ka sak n na n kelg maam ye. Bãmb ned ba a yembr ka bas yel-yood nins a sẽn dag n get tɩ noom-a wã ye. La bãmb ka bas Ezɩpt wẽn-naandsã ye. Mam dag n yeelame tɩ m na n basame tɩ m sũ-kãbrã sig bãmb zug Ezɩpt tẽnga, tɩ m na n kɩtame tɩ m sũ-puugrã rɩ bãmb n tãag a tɛka.
9
La baoosgo, mam maana a woto mam yʋʋrã yĩnga, sẽn na yɩl tɩ mam yʋʋrã ra paam paoogr buud nins Israyɛll nebã sẽn dag n beẽ wã ye. Mam dag n vẽnega m meng ne bu-kãens n kɩt tɩ Israyɛll nebã yi Ezɩpt tẽnga.
10
Mam yiisa bãmb Ezɩpt tẽng n tall-b n kẽng we-raoogã pʋgẽ.
11
Mam kõo bãmb m noyã la m wilg bãmb m no-tũuds nins ninsaal sẽn tog n tũ n paam n vɩɩmdã.
12
Sẽn paas me, mam kõo bãmb m vʋʋsg rayã tɩ yɩ bãnd maam ne bãmb sʋka, tɩ b tõe n bãng tɩ yaa maam a Zu-soab a Sẽn-Ka-Saab n welg bãmb toore.
13
La Israyɛll buudã kɩɩsa maam we-raoogã pʋga. Bãmb ka tũ m noyã ne m no-tũuds nins ninsaal sẽn tog n tũ n paam n vɩɩmdã ye. Bãmb rẽgma mam vʋʋsg rayã hal tɩ loog nugu. Mam yeelame tɩ m na n basame tɩ m sũ-puugrã maan a tʋʋmd ne bãmb we-raoogã pʋga, sẽn na n yɩl n menes-b zãnga.
14
Baoosg zãnga, mam maana woto m yʋʋrã yĩnga, tɩ m yʋʋrã ra wa paam paoogr bu-zẽms nins sʋk mam sẽn yiis bãmb b nifẽ Ezɩpt tẽngã ye.
15
La we-raoogã pʋgẽ, mam zẽka m nug n wẽen tɩ m ka na n leb n tall bãmb n taas tẽng ning mam sẽn dag n kãab bãmbã ye. Yaa tẽng sẽn tar bĩisim ne sɩɩd wʋsgo, n yaa neer n yɩɩd tẽms a taabã fãa.
16
Mam sẽn wẽen woto wã yaa tɩ bãmb kɩɩsa m minindã, la b ka sak m tõodã ye, la b sãama m vʋʋsg rayã, bãmb sũyã sẽn dag n loe ne b wẽn-naandsã yĩnga.
17
La mam zoee bãmb nimbãaneg n ka sãam bãmb ye, la m ka menes bãmb zãng we-raoogã pʋgẽ ye.
18
Mam yeela bãmb kambã we-raoogã pʋgẽ yaa: «Ra tũ-y y ba-rãmbã noyã, ra sak-y b no-tũudsã, la y ra rẽgem y mens ne b wẽn-naandsã ye.
19
Mam yaa Zu-soab a Sẽn-Ka-Saab sẽn yaa yãmb Wẽnnaam. Sak-y m noyã, la y kẽn wa sẽn zems m no-tũudsã.
20
Welg-y mam vʋʋsg rayã toore, tɩ b yɩ bãnd maam ne yãmb sʋka, tɩ nebã tõe n bãng tɩ mam yaa Sẽn-Ka-Saab sẽn yaa yãmb Wẽnnaam.»
21
La kambã me yik n kɩɩsa maam. Bãmb ka sak m noyã, la b ka kẽn wa sẽn zems m no-tũuds nins ninsaal sẽn tog n tũ n paam n vɩɩmdã ye. Bãmb dẽgma mam vʋʋsg rayã. Mam yeelame tɩ mam na n basame tɩ m sũ-puugrã maan a tʋʋmd ne bãmb we-raoogã pʋg n tãag a tɛka.
22
Baoosgo, mam yõbga m nugu, n maan a woto m yʋʋrã yĩnga, tɩ m yʋʋrã ra wa paam paoogr bu-zẽms nins sʋk mam sẽn yiis bãmb b nifẽ Ezɩpt tẽngã ye.
23
We-raoogã pʋgẽ, maam n leb n zẽk m nug n wẽen n yeel bãmb tɩ m na n kɩtame tɩ b sãeeg n kẽ bu-zẽmsã sʋka, la m kɩt tɩ b sãeeg n zĩnd tẽmsã fãa pʋsẽ.
24
Bala, bãmb dag n ka sakd m minindã ye. Bãmb dag n kɩɩsda m tõodã la b sãamd m vʋʋsg rayã, n bas n get b yaab-rãmbã wẽn-naandse.
25
Yaa maam n leb n kõ bãmb tõod sẽn ka sõmbe, la minind b sẽn ka tõe n tũ n paam n vɩɩmd ye.
26
Mam kɩtame tɩ b rẽgem b mens ne b kũunã, bãmb sẽn wa n dɩkd b kom-dẽemsã n yõogd bugmã. Mam bas-b-la woto sẽn na n yɩlẽ tɩ sũ-sãang yõk-ba, tɩ b bãng tɩ mam yaa Sẽn-Ka-Saabo.
27
Woto yĩnga, ninsaala, gom ne Israyɛll buudã n yeel-b tɩ maam a Zu-soab a Sẽn-Ka-Saab yetame: «Yãmb yaab-rãmbã rag n leb n maana sẽn kis n paoog maam.
28
Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.
29
Mam soka bãmb yaa: Maoong kʋʋb zĩig ning yãmb sẽn kẽngẽ wã yaa bõe? Dẽ, b ket n boonda zĩ-kãens tɩ maoong kʋʋb zĩis hal tɩ ta rũndã.»
30
Woto yĩnga, yeel Israyɛll buudã tɩ Zu-soab a Sẽn-Ka-Saab yetame: «Da maan-y wa y yaab-rãmbã n dẽgem y mens ye. Da maan-y lagem-n-taar ne bãmb yel-yoodã ye.
31
Yãmb sẽn wa ne y kũunã, la y sẽn dɩk y kamb n maan maand n yõog bugmã, yãmb dẽgma y mens ne y wẽn-naandsã fãa hal tɩ ta rũndã. Israyɛll buudu, mam na bas tɩ yãmb sok maam bũmbu? Maam a Zu-soab a Sẽn-Ka-Saab sẽn vɩ wã wẽendame n yetẽ tɩ m ka na n bas tɩ y sok maam bũmb ye!
32
Yãmb sẽn tagsd n dat bũmb ningã kõn tol n yɩ ye.» Yãmb yetame: «Tõnd dat n yɩɩ wa buud a taabã, wa buud nins sẽn be tẽms a taab pʋsã. Tõnd datame n waoog tɩɩsã ne kugã.»
33
Maam a Zu-soab a Sẽn-Ka-Saab sẽn vɩ wã wẽendame n yetẽ, hakɩɩka, mam na n sooga yãmb ne pãnga, la m tẽeg m nugã n sɩbg-y ne sũ-yikri.
34
Mam na n tẽega m nugã sẽn tar pãngã n yiis yãmb tẽms nins yãmb sẽn sãeeg n be b pʋsẽ wã ne sũ-yikri.
35
Mam na n talla yãmb n kẽng bu-zẽmsã we-raoogẽ, la m na n bʋʋ ne yãmb beenẽ neng ne nenga.
36
Mam sẽn bʋ ne y yaab-rãmbã Ezɩpt we-raoogã pʋgã, mam na n bʋʋ ne yãmb me. Maam a Zu-soab a Sẽn-Ka-Saab n yeele.
37
Mam na n kɩtame tɩ yãmb pɩʋʋg mam gʋlgã tẽngre, la mam na n tɛɛ yãmb wa sẽn zems kaoolã.
38
Mam na n yiisa tõatbã ne sẽn kɩɩsd-b maamã yãmb sʋka. Mam na n yiis-b-la tẽng ning pʋg b sẽn be n yaa sãambã, la bãmb ka na n leb Israyɛll tẽngẽ wã ye. Dẽ, yãmb na n bãngame tɩ mam yaa Sẽn-Ka-Saabo.
39
Yãmb a Israyɛll buudu, Zu-soab a Sẽn-Ka-Saab yetame: «Bɩ ned kam fãa kell n waoog a wẽn-naandse! La bãng-y tɩ rẽ zugẽ, yãmb na n kelga maam. Yãmb kõn leb n wa ne kũuni, la y waoog y wẽn-naandsã n sãam m yʋ-sõngã ye.
40
Bala, yaa mam tãn-sõngã zugu, Israyɛll tãn-lug-lugã zugu, la Israyɛll buudã fãa, ne neb nins fãa sẽn be tẽngã pʋgẽ wã na n waoog maam. Yaa beenẽ la mam na n deeg bãmb ne sũ-noogo, la m yeel-y tɩ y wa ne y yamleoog kũunã, ne y dẽenem biis kũunã, la bũmb nins fãa yãmb sẽn dat n kõ wã.
41
Mam sã n wa yiis yãmb buud a taabã sʋka, la m yiis yãmb tẽms nins yãmb sẽn dag n sãeeg n be b pʋsẽ wã n wa tigme, mam na n deeg-y-la wa kũun sẽn tar yũ-noogo. Mam na n tũnuga yãmb n wilg m sõmblmã yãmb sʋka, tɩ buud a taabã fãa yãnde.
42
Mam sã n tall yãmb n lebg n leb Israyɛll tẽngẽ wã, tẽng ning mam sẽn dag n zẽk m nug n wẽen n yeel tɩ m na n kõ y yaab-rãmbã, yãmb na yaool n bãng tɩ mam yaa Sẽn-ka-Saabo.
43
Yaa beenẽ la yãmb na n tẽeg y manesmã, ne bũmb nins fãa y sẽn dag n maan n dẽgem y mensã yelle. Yãmb na n kisga y mense, tʋʋm-wẽns nins fãa yãmb sẽn maanã yĩnga.
44
Israyɛll buudu, mam sã n wa maan bõn-kãng ne yãmb mam yʋʋrã yĩnga, la ka wa sẽn zems yãmb manesem-wẽngã ne y tʋʋm-kɛgã, yãmb na yaool n bãng tɩ mam yaa Sẽn-Ka-Saabo. Yaa maam a Zu-soab a Sẽn-Ka-Saab n yeele.»
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48