bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezekiel 45
Ezekiel 45
Mossi MPBU (WẼNNAAM SEBRE 2014)
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
1
Yãmb sã n wa maan poeer n pʋɩ tẽngã n kõ buud fãa ne a pʋɩɩre, yãmb na n yãka zĩig sẽn welg toor Sẽn-Ka-Saab yĩnga, t'a woglmã yɩ kãntɩɩg tus pisi la a nu, t'a yalmã yaa kãntɩɩg tus piiga. Zĩ-kãng tiirã zãng na n yɩɩ bũmb sẽn welg toor Sẽn-Ka-Saab yĩnga.
2
Zĩig ning sẽn welg toorã na n yɩɩ maoko, t'a woglmã ne a yalmã yaa kãntɩɩg kobs-nu. La vɩʋʋg yalem sẽn yaa kãntɩɩg pis-nu n gilg a zãngã.
3
Zĩ-kãng woglem sẽn yaa kãntɩɩg tus pisi la a nu, t'a yalmã yaa kãntɩɩg tus piigã pʋga, fo na n yãka zĩiga, zĩig ning sẽn welg toorã yĩnga, ne zĩig sẽn welg toor n yɩɩd fãa wã yĩnga.
4
Zĩ-kãng na n yɩɩ zĩig sẽn welg toor b sẽn yãk tẽngã pʋga. Zĩ-kãng yaa maan-kʋʋdbã sẽn tʋmd zĩig ning sẽn welg toorã pʋg rẽnda. Bãmb bee Sẽn-ka-Saab taoor n tʋmd bãmb yĩnga. Bãmb dotã na n zĩnda beenẽ, la zĩ-kãng na n welga toore, zĩig ning sẽn welg toorã yĩnga.
5
Yãk-y zĩig woglem sẽn yaa kãntɩɩg tus pisi la a nu t'a yalmã yaa kãntɩɩg tus piiga, ne rot pisi, n kõ Leevi nebã sẽn tʋmd Wẽnd doogã pʋgẽ wã.
6
Leb-y n yãk-y zĩig yalem sẽn yaa kãntɩɩg tus a nu, t'a woglmã yaa kãntɩɩg tus pisi la a nu, tɩ yaa kũun sẽn welg toore. Zĩ-kãng na n yɩɩ tẽngã soolem, n yaa Israyɛll buudã fãa rẽnda.
7
Naabã na n sooga zĩig ning b sẽn yãk tɩ yaa zĩig sẽn welg toorã, ne tẽngã sẽn so wã kɩrems a yiibã, sẽn yaa zĩig ning b sẽn yãk tɩ yaa zĩig sẽn welg toorã, ne tẽngã sẽn so wã wogellã, nin-taoor kɩrengã sẽn teesd nin-taoorã sẽnẽ wã, ne yaang kɩrengã sẽn teesd yaangã sẽnẽ wã, t'a woglmã zems pʋɩɩr a yembre, sẽn sɩng ne toadgã sẽn be nin-taoorã, n tɩ tãag toadgã sẽn be yaangã.
8
Zĩ-kãng na n yɩɩ naabã zĩiga, la a soolem Israyɛll pʋgẽ. Mam nanambsã kõn leb n wẽg mam nebã ye. Bãmb na n basa tẽngã tɩ Israyɛll buudã sooge, wa sẽn zems Israyɛll buud toay-toayã.
9
Ade, Zu-soab a Sẽn-Ka-Saab yetame: «Israyɛll nanambse, y sẽn maandã ya n looga nugu! Ya-y n bas-y pãn-maanegã ne sãoongã, la y maan sẽn zems la sẽn yaa tɩrga. Bas-y mam nebã fãabo. Yaa maam a Zu-soab a Sẽn-Ka-Saab n yeele.»
10
Bɩ ned kam fãa mag ne zɩslem makdg la bõn-magdɩ sẽn yaa sõama.
11
Bõn-magds a yiibã, efa la bat tog n zema taaba. Bãmb piig n pit makdg sẽn yaa omɛɛre.
12
Sã n yaa zɩslmã magbo, sɩkl yaa geera rãmb pisi. La min yaa sikl-dãmb pis-yoobe.
13
Ad yãmb sẽn na n yãk Kũunã to-to: Yãmb na n weela y bɩle wã ne y koodã zĩis pis-yoob n yãk a yembr n kɩse.
14
La y weel y kaamã zĩis koabg n yãk a yembr n kɩse.
15
Israyɛll rũm-bãg nins sẽn be yamdã sẽn yaa wʋsg zĩigẽ n tar dũms sõor sẽn tat kobessi wã pʋgẽ, yãk-y peosg a yembre, wall bʋʋg a yembre. Rũm-bãmb na n yɩɩ bõn-koaadl maoongã ne maoong sẽn yõogd bugmã, la ne zems-n-taar maoongã, sẽn na yɩl n yiis bãmb yel-wẽnã. Maam a Zu-soab a Sẽn-Ka-Saab n yeele.
16
Tẽngã nebã fãa tog n yãka kũun-kãng n kõ Israyɛll naabã.
17
Naabã n na n maan maand sẽn yõogd bugmã, ne bõn-koaadl kũunã, la bõn-yũudl kũunã, tigã zĩisẽ, ki-paalã tig zĩisẽ, ne vʋʋsg rayã wakate, n paas tig nins fãa Israyɛll buudã sẽn na n maanã pʋse. Yẽnda n na n maand yel-wẽnã sugr kosg maoongã, la a kõt bõn-koaadl kũunã, ne maoong sẽn yõogd bugmã, la zems-n-taar maandã, sẽn na n yɩl n yiis Israyɛll buudã yel-wẽnã.»
18
Ade, Zu-soab a Sẽn-Ka-Saab yetame: «Pipi kiuugã pipi daare, bɩ f bao loalg sẽn ka tar zanga, n maan maoong n yiis zĩig ning sẽn welg toorã yel-wẽnã.
19
Maan-kʋʋdã na n yãka yel-wẽnã yiisg maoongã zɩɩm, n ning Wẽnd doogã kʋɩleng ra-lugdsã zutu, ne tẽn-kugrã yẽbgrã kɩrems a naasã, n paas pʋgẽ zakã kʋɩlems ra-lugds zutu.
20
Fo na n leb n maana a woto kiuugã rasem a yopoe wã daare, ned ning sẽn tudg-a n maan yel-wẽnã, wall sẽn maan-a yel-wẽnã ne yĩdgã yĩnga. Yãmb na n maana a woto Wẽnd doogã yel-wẽnã yiisg yĩnga.
21
Pipi kiuugã rasem piig la a naasã daar na n yɩɩ Pak tigr yãmb yĩnga. Yaa rasem a yopoe tigri. Badaare, b na n dɩɩ bur sẽn ka rã-bɩlle.
22
Badaare, naabã na n maana loalg maoongo, yẽnda mengã ne tẽngã nebã fãa yel-wẽnã sugr kosg yĩnga.
23
Tigrã rasem a yopoe wã fãa pʋga, daar fãa, naabã na n baoo lols a yopoe ne pe-raad a yopoe sẽn ka tar zanga, n maan maoong sẽn yõogd bugum Sẽn-Ka-Saab yĩnga. Rasem a yopoe wã fãa pʋga, daar fãa, yẽnda na n baoo boɛɛg n maan maoong yel-wẽnã sugr kosg yĩnga.
24
Loalg bɩ pe-raoog fãa tũnugda ne zom peoogo, la kaam ne sĩn-bila.
25
La kiuug a yopoe soabã rasem piig la a nu wã daare, tigrã rasem a yopoe wã fãa wakate, naabã na n maana yel-wẽnã sugr kosg maoongã, ne maoong sẽn yõogd bugmã, la a kõ bõn-koaadl kũunã ne kaamã kũunã, wa a sẽn maan pĩndã.»
← Chapter 44
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 46 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48