bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezekiel 48
Ezekiel 48
Mossi MPBU (WẼNNAAM SEBRE 2014)
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
Ad Israyɛll buud toay-toayã yʋya: «Sẽn sɩng ne nug-rɩtg sẽnẽ kɩrengã sẽn yegd Ɛtlon sẽn be Hamatã sor wogellã, ne Hatsaar-Eyinonde, la Damaas toadgã sẽn be nug-rɩtg Hamat sẽnẽ wã, sẽn sɩng ne yaang n tɩ tãag nin-taoorã, yaa Dan buudã pʋɩɩre.
2
Sẽn yegd a Dan buudã toadg sẽn sɩng ne yaang n ta nin-taoore, yaa Asɛɛr buudã pʋɩɩre.
3
Sẽn yegd Asɛɛr buudã toadg sẽn sɩng ne yaang n tɩ ta nin-taoore, yaa Neftali buudã pʋɩɩre.
4
Sẽn yegd Neftali buudã toadg sẽn sɩng ne yaang n tɩ ta nin-taoore, yaa Manaase buudã pʋɩɩre.
5
Sẽn yegd Manaase buudã toadg sẽn sɩng ne yaang n tɩ ta nin-taoore, yaa Efrayiim buudã pʋɩɩre.
6
Sẽn yegd Efrayiim buudã toadg sẽn sɩng ne yaang n tɩ ta nin-taoore, yaa Rubɛn buudã pʋɩɩre.
7
La sẽn yegd Rubɛn buudã toadg sẽn sɩng ne yaang n tɩ ta nin-taoore, yaa Zʋʋda buudã pʋɩɩre.»
8
Sẽn yegd Zʋʋda buudã toadgã, sẽn sɩng ne yaang n tɩ ta nin-taoorã, yãmb na n yãka zĩig yalem sẽn tat kãntɩɩg tus pisi la a nu, t'a woglmã yaa wa pʋɩɩr nins sẽn sɩng yaang n tɩ ta nin-taoorã sʋk a yembre, la zĩig ning sẽn welg toorã na n zĩnda yẽnda tẽn-sʋka.
9
Zĩig ning yãmb sẽn na n yãk Sẽn-Ka-Saab yĩngã woglem na n yɩɩ kãntɩɩg tus pisi la a nu, t'a yalmã yaa kãntɩɩg tus piiga.
10
Zĩ-kãng b sẽn yãk t'a yaa toorã na n yɩɩ maan-kʋʋdbã rẽnda. A nug-rɩtg sẽnẽ kɩrengã woglem na n yɩɩ kãntɩɩg tus pisi la a nu, a nin-taoor sẽnẽ kɩrengã yalem na n yɩɩ kãntɩɩg tus piiga, a yaang sẽnẽ kɩrengã yalem na n yɩɩ kãntɩɩg tus piiga, la a nug-goabg sẽnẽ kɩrengã woglem na n yɩɩ kãntɩɩg tus pisi la a nu. La Sẽn-Ka-Saab zĩigã sẽn welg toorã na n zĩnda zĩ-kãng tẽn-sʋka.
11
Zĩ-kãng na n yɩɩ maan-kʋʋdb nins b sẽn yãk a Sadok yagensã sʋk n welg toorã rẽnda. Bãmb dag n maanda mam tʋʋmdã, la b ka kẽ moog wakat ning Israyɛll nebã sẽn dag n kẽ moogã, la wa Leevi nebã me sẽn dag n kẽ moogã ye.
12
Zĩ-kãng na n yɩɩ bãmb dẽnda, n yɩ zĩig sẽn welg toor n yɩɩda, zĩig b sẽn yãke, tẽngã zĩis nins b sẽn yãkã sʋka, n yegl Leevi buudã toadgã.
13
Leevi buudã zĩig na n yegla maan-kʋʋdbã zĩig toadga. A nug-rɩtg sẽnẽ kɩrengã woglem na n yɩɩ kãntɩɩg tus pisi la a nu, a nin-taoor sẽnẽ kɩrengã yalem na n yɩɩ kãntɩɩg tus piiga, a yaang sẽnẽ kɩrengã yalem na n yɩɩ kãntɩɩg tus piiga, la a nug-goabg sẽnẽ kɩrengã woglem na n yɩɩ kãntɩɩg tus pisi la a nu.
14
Bãmb ka tõe n yãk zĩig ba a yembr beenẽ n koos ye. B ka tõe n dɩk tẽngã zĩ-kãens b sẽn yãkã n tek ne bũmbu, wall b rɩk-b n kõ ned ye. Bala, b welga toor Sẽn-Ka-Saab yĩnga.
15
Zĩig ning b sẽn yãk n welg toor t'a yalmã yaa kãntɩɩg tus pisi la a nu wã pʋgẽ, zĩig n na n kelle, t'a yalmã yaa kãntɩɩg tus a nu. Zĩ-kãng sẽn na n kellã na n yɩ zĩ-zaalle, la neb yiya, ne zĩ-vɩɩdo. Tẽngã na n zĩnda tẽn-sʋka.
16
Ad tẽngã b sẽn mag tɩ yaa to-to: a nug-rɩtg sẽnẽ kɩrengã woglem yaa kãntɩɩg tus a naas la kobs-nu, t'a nug-goabg sẽnẽ kɩrengã woglem yaa kãntɩɩg tus a naas la kobs-nu, t'a yaang sẽnẽ kɩrengã woglem yaa kãntɩɩg tus a naas la kobs-nu, t'a nin-taoor sẽnẽ kɩrengã woglem yaa kãntɩɩg tus a naas la kobs-nu.
17
Zĩisã sẽn be tẽngã kɩremsã b sẽn magã la woto: nug-rɩtg sẽnẽ kɩrengã yaa kãntɩɩg kobessi la pis-nu, t'a nug-goabg sẽnẽ kɩrengã yaa kãntɩɩg kobessi la pis-nu, t'a yaang sẽnẽ kɩrengã yaa kãntɩɩg kobessi la pis-nu, t'a nin-taoor sẽnẽ kɩrengã yaa kãntɩɩg kobessi la pis-nu.
18
Zĩig ning b sẽn yãk n welg toorã woglmã sẽn kellã, yaang sẽnẽ kɩrengã yaa kãntɩɩg tus piiga, t'a nin-taoor sẽnẽ kɩrengã yaa kãntɩɩg tus piiga. Zĩ-kãng bõn-koaadlã n dɩlgd neb nins sẽn tʋmd tẽngã yĩngã.
19
Neb nins sẽn na n ko beenẽ wã na n yii Israyɛll buud toor-toorã fãa pʋgẽ.
20
Zĩig ning b sẽn na n yãkã tõr woglem yãmb sẽn na n welg toor Sẽn-Ka-Saab yĩngã, woglem na n yɩɩ kãntɩɩg tus pisi la a nu, t'a yalmã me yaa kãntɩɩg tus pisi la a nu. Zĩig ning b sẽn yãk tɩ yaa zĩig sẽn welg toorã pʋgẽ, yãmb na n yãka pʋɩɩr a yembr pʋɩɩr a naas sʋka, tɩ yɩ tẽngã rẽnda.
21
Zĩig ning sẽn na n kell-a wã na n yɩɩ naabã rẽnda. Yaa kɩrems a yiibu: zĩig ning b sẽn yãk tɩ yaa zĩig sẽn welg toorã kɩreng a yembre, ne zĩig ning b sẽn yãk tɩ yaa tẽngã rẽndã kɩreng a yembre, sẽn sɩng ne kɩreng ning woglem sẽn yaa kãntɩɩg tus pisi la a nu wã, hal n tãag yaang sẽnẽ toadgã, ne sẽn sɩng ne nin-taoor sẽnẽ kɩreng ning woglem sẽn yaa kãntɩɩg tus pisi la a nu wã, hal n tãag nin-taoor sẽnẽ toadgã. Pʋɩ-kãng sẽn yaa wa pʋɩɩr a taabã na n yɩɩ naabã rẽnda. Zĩig ning b sẽn yãk tɩ yaa toorã ne Wẽnd doogã zĩig ning sẽn welg toorã na n zĩnda tẽn-sʋka.
22
Leevi nebã sẽn so zĩig ningã wogellã, ne zĩig ning sẽn yaa tẽngã rẽndã wogellã, naabã sẽn na n soog-a soabã na n zĩnda tẽn-sʋka, Zʋʋda toadgã ne Benzame toadgã sʋka. Zĩ-kãng na n yɩɩ naabã pʋɩɩre.
23
Ad Israyɛll buud a taabã pʋɩɩre: Sẽn sɩng ne yaang n tɩ ta nin-taoorã, yaa Benzame buudã pʋɩɩre.
24
Sẽn yegd Benzame buudã pʋɩɩrã, sẽn sɩng ne yaang n tɩ ta nin-taoorã yaa Sɩmyõ buudã pʋɩɩre.
25
Sẽn yegd Sɩmyõ buudã pʋɩɩrã, sẽn sɩng ne yaang n tɩ ta nin-taoorã yaa a Isakaar buudã pʋɩɩre.
26
Sẽn yegd Isakaar buudã pʋɩɩrã, sẽn sɩng ne yaang n tɩ ta nin-taoorã yaa Zabulõ buudã pʋɩɩre.
27
Sẽn yegd Zabulõ buudã pʋɩɩrã, sẽn sɩng ne yaang n tɩ ta nin-taoorã yaa Gaad buudã pʋɩɩre.
28
Sẽn yegd Gaad buudã toadgã, nug-goabg sẽnẽ kɩrengã sẽn dabd nug-goabg sẽnẽ wã, toadgã na n yɩɩ sẽn sɩng ne Tamaar tẽngã, n tɩ tãag Meriba sẽn be Kadɛɛsã koomã, hal n tãag Ezɩpt ko-soogã, n dabd ko-kãsengã sẽnẽ.
29
Woto n yaa tẽng ning yãmb sẽn na n maan poeer n pʋɩ n kõ Israyɛll buud toay-toayã. Rẽndã n na n yɩ bãmb pʋɩɩre. Maam a Zu-soab a Sẽn-Ka-Saab n yeele.
30
Ad tẽngã rignoyã: nug-rɩtg sẽnẽ kɩrengã woglem sẽn yaa kãntɩɩg tus a naas la kobs-nu wã,
31
yaa rignoy nins Israyɛll buud toay-toayã yʋy sẽn be b zutã. Rignoy a tãab n be nug-rɩtgo: rignoor a yembre yaa Rubɛn buudã yĩnga, t'a yembr yaa Zʋʋda yĩngã, t'a yembr yaa Leevi buudã yĩnga.
32
Yaang sẽnẽ kɩrengã woglem sẽn yaa kãntɩɩg tus a naas la kobs-nu wã, yaa rignoy a tãab n be beenẽ: a yembr yaa Zozɛf buudã yĩnga, a yembr Benzame yĩnga, a yembr Dan buudã yĩnga.
33
Nug-goabg sẽnẽ kɩrengã woglem sẽn yaa kãntɩɩg tus a naas la kobs-nu wã, rignoy a tãab n be beenẽ: a yembr yaa Simeyõ buudã yĩnga, a yembr Isakaar buudã yĩnga, a yembr Zabulõ buudã yĩnga.
34
Nin-taoor sẽnẽ kɩrengã woglem sẽn yaa kãntɩɩg tus a naas la kobs-nu wã, rignoy a tãab n be beenẽ: a yembr yaa Gaad buudã yĩnga, a yembr Asɛɛr buudã yĩnga, a yembr Neftali buudã yĩnga.
35
Tẽngã b sẽn mag n gilgã zãng yaa kãntɩɩg tus piig la a nii. La sẽn sɩng ne rũndã, tẽngã yʋʋr na n yɩ Adonayi-Sama, sẽn dat n togs tɩ ‹Sẽn-Ka-Saab bee ka.› »
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48