bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezekiel 39
Ezekiel 39
Mossi MPBU (WẼNNAAM SEBRE 2014)
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
1
Foom a ninsaala, togs pĩnd-n-bãngr goam Goog wɛɛngẽ n yeel tɩ maam a Zu-soab a Sẽn-Ka-Saab yetame: «Googe, mam zabda ne foom, fo sẽn yaa Roos ne Mesɛk la Tuball tẽmsã naabã!
2
Mam na n talla foom ne pãnga, la m peeg foom n yiis nug-rɩtg sẽnẽ zĩ-zãrsẽ wã, n wa ne-f Israyɛll tãmsã zutu.
3
Mam na n penga f tãpã sẽn be f goabg nugẽ wã tɩ lʋɩ, la m kɩt tɩ pɛɛmã sẽn be f rɩtg nugẽ wã lʋɩ tẽnga.
4
Foom ne f tãb-bi-sulã fãa, ne neb nins sẽn be ne foomã na n lʋɩɩ Israyɛll tãmsã zutu. Mam na n basame tɩ y lebg yɩbrend ne bõn-yɩgdɩ buud fãa, la we-rũms buud toor-toor dɩɩbo.
5
Fo na n kii weoogã pʋga. Bala, yaa maam n gome. Maam a Zu-soab a Sẽn-Ka-Saab n yeele.
6
Mam na n kɩtame tɩ bugum sig Magoog tẽngã zugu, ne neb nins sẽn zĩ ne bãan tẽms nins sẽn be koom sʋkã sʋka. Woto, bãmb na n bãngame tɩ mam yaa Sẽn-Ka-Saabo.
7
Mam na n kɩtame tɩ Israyɛll sẽn yaa mam nebã bãng mam yʋʋrã sẽn welg toorã. La m ka na n tol n leb n bas tɩ b sãam m yʋʋrã sẽn welg toorã ye. Woto, buud toay-toayã na n bãngame tɩ mam yaa Zu-soab a Sẽn-Ka-Saabo, n yaa Israyɛll Pʋ-Peelem-Soabã.
8
Bõn-kãens fãa watame, bõn-kãens na n yɩɩme. Yaa daar ning mam sẽn gom a yellã. Maam a Zu-soab a Sẽn-Ka-Saab n yeele.
9
Dẽ, Israyɛll tẽmsã neb na n yiime. Bãmb na n wʋka zab-teedã n yõog bugum: yaa gãn-bi wã ne gãn-bɛdã, la tãbdã, ne pɛɛmã, la rasabã ne kãnã.
10
Bãmb ka na n leb n kẽ weoog n bao raado, la b ka na n leb n kẽ kãgrẽ n kɛ raad ye. Bala, yaa zab-teedã la bãmb na n tar n tugund bugum. Bãmb na n zɛɛ sẽn dag n zɛɛd-b bãmbã, la b fã sẽn dag fãad-b bãmbã. Maam a Zu-soab a Sẽn-Ka-Saab n yeele.
11
Badaare, mam na n yãka yaad zĩig Israyɛll pʋgẽ n kõ Googe. Yaa so-loaadbã long sẽn be yamsem ko-kãsengã yaangã. Yaadã zĩ-kãng gɩda so-loaadbã sore. Yaa zĩ-kãng la b na n mum Goog ne a kʋʋngã fãa. La b na n boonda zĩ-kãng tɩ Goog kʋʋngã longo.
12
Israyɛll buudã na n muma neb kʋʋngã, sẽn na yɩl n yɩlg tẽngã, la bõn-kãng na n dɩka kiuug a yopoe.
13
Tẽngã nebã fãa na n muma bãmba, la daar ning mam sẽn na n puk m ziirã, bõn-kãng na n yɩɩ bãmb zu-zẽkre. Maam a Zu-soab a Sẽn-Ka-Saab n yeele.
14
Bãmb na n yãka neb tɩ b gilgd n get tẽngã wakat fãa. So-loaadbã na n sõngda nin-bãmb tɩ b wʋkd kũum nins sẽn ket n dʋr tẽngã n mumdẽ, sẽn na yɩl n yɩlg tẽngã. Bãmb na n dɩka kiuug a yopoe n bao kũumã.
15
So-loaadb-kãens na n gilga tẽngã, la ned a yembr sã n wa yãnd ninsaal kõaba, a na n ninga bãnd zĩ-kãng sɛɛgẽ, tɩ yao-tuudbã tõe n dɩk-b n tɩ mum Goog kʋʋngã longẽ wã.
16
Tẽng a yembr yʋʋr yaa Hamona, sẽn dat n togs tɩ ‹Kʋʋngo.› B na n maana a woto n yɩlg tẽngã.»
17
Zu-soab a Sẽn-Ka-Saab yetame: «Foom a ninsaala, yeel bõn-yɩgdɩ buud fãa, ne we-rũmsã fãa yaa: ‹Yi-y zĩig zãng n wa tigim, tigm-y taab mam maoongã maaneg yĩnga. Maoong ning mam mengã sẽn na n maan yãmb yĩngã. Yaa maoon-kãseng ning mam sẽn na n maan Israyɛll tãmsã zutã! Yãmb na n wãba nemd la y yũ zɩɩm.
18
Yãmb na n wãba tãb-bi-gãndaadã nemdo! Yãmb na n yũu dũniyã nanambs zɩɩm. Bãmb yaa wa pe-raado, la wa pe-ribli, wa boeese, wa lolse, bãmb fãa yaa Basã tẽng rũm-nobdse.
19
Mam maoongã daare, maoong ning mam sẽn maand yãmb yĩngã, yãmb na n wãba nem-kaam n tɩge, la y na n yũu zɩɩm hal tɩ y nens yilme.
20
Mam dɩɩbã zĩigẽ, yãmb na n wãba wiid nemdo, rũms sẽn tɛt teed nemdo, la gãndaadã ne tãb-biisã fãa nemd n tɩge. Maam a Sẽn-Ka-Saab n yeele.
21
Mam na n puka m ziirã buud toay-toayã sʋka. Buud toay-toayã fãa na n yãnda sɩbgr nins mam sẽn na n puk m pãngã ne bãmb n kao b bʋʋdã to-to.
22
Sẽn sɩng ne badaare, Israyɛll buudã na bãng tɩ mam yaa Sẽn-Ka-Saab sẽn yaa bãmb Wẽnnaam.› »
23
Woto, buud a taabã na n bãngame tɩ yaa b beegrã yĩnga, ne a sẽn maan sẽn kis n beeg maamã yĩnga, la b sẽn tall Israyɛll nebã n kẽng tẽn-zẽngã. Yaa rẽ n kɩt tɩ mam wẽnemd m neng n bas-b b bɛɛbã nugẽ, sẽn na n yɩlẽ tɩ b fãa pa tãpẽ.
24
Mam maana bãmb wa sẽn zems b tʋʋm-dẽgdã ne b beegrã, la m wẽnemda m neng n bas-ba.
25
Bõn-kãens yĩnga, maam a Zu-soab a Sẽn-Ka-Saab yetame: «Mam na n lebsa a Zakoob yagensã b zĩigẽ, la m zoe Israyɛll buudã fãa nimbãanega, la m na n wilga m sũ-ki-kãsengã m yʋʋrã sẽn welg toorã yĩnga.
26
Baa bãmb sã n wa be b tẽngẽ wã n zĩ ne bãan tɩ ned ka be n na n yɛɛs-ba, b na n ket n tẽra b yãn-tʋʋmã ne b tʋʋm-kiti wã b sẽn dag n maan n beeg maamã yelle.
27
Mam sã n tɩ yiis bãmb neb buud toay-toayã sʋka, mam sã n wa yiis bãmb b bɛɛbã tẽmsẽ n tigim n tall n wa b tẽngẽ wã, mam na n wilga m pʋ-peelmã ne bãmb buud wʋsg nifẽ.
28
Mam sã n wa sãeeg bãmb buud toay-toayã sʋka, mam na n leb n tigim-b-la b tẽngẽ wã. Mam ka na n bas bãmb sʋkã ned ba a yembr beenẽ ye. Woto, bãmb na bãng tɩ mam yaa Sẽn-Ka-Saab sẽn yaa bãmb Wẽnnaam.
29
Mam sẽn na n pʋdg m sɩɩgã Israyɛll buudã zugã yĩnga, m ka na n leb n wẽnemd n bas bãmb abada. Maam a Zu-soab a Sẽn-Ka-Saab n yeele.»
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48