bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Ezekiel 36
Ezekiel 36
Mossi MPBU (WẼNNAAM SEBRE 2014)
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
1
«Foom a ninsaala, togs pĩnd-n-bãngr goam Israyɛll tãmsã wɛɛngẽ n yeele: ‹Israyɛll tãmse, kelg-y Sẽn-Ka-Saab goamã!›
2
Ade, Zu-soab a Sẽn-Ka-Saab yetame: «Bɛɛbã yaala yãmb n yeele: ‹N-faa! N-faa! Yẽnda kʋdem-wẽndẽ tãmsã lebga tõnd dẽnda!
3
Bõn-kãng yĩnga, togs pĩnd-n-bãngr goam n yeel tɩ Zu-soab a Sẽn-Ka-Saab yetame: ‹Hakɩɩka! Neb sẽn yi zĩig zãng n baood n na n kɩt tɩ yãmb lebg zĩ-vɩʋʋgo, la b modg yãmba, n dat n kɩt tɩ yãmb lebg soolem a taab rẽndã, ne yãmb sẽn lebg nebã fãa sõasg zĩigẽ yel-bũndã yĩnga,
4
Israyɛll tãmse, kelg-y Zu-soab a Sẽn-Ka-Saab koɛɛga!› Zu-soab a Sẽn-Ka-Saab yeta tãmsã ne kunkubã, la bogdã, ne tãn-londã, la tẽms nins sẽn lebg raboodã ne tẽms nins sẽn ka tar-b nebã. Yaa tẽms b sẽn fã, la tẽms soolem a taab nins sẽn gũbg bãmbã sẽn paooge.»
5
Bõn-kãng yĩnga, maam a Zu-soab a Sẽn-Ka-Saab yetame: «Mam sũurã puugame tɩ m gomd ne Israyɛll yagsã, sẽn yɩɩd fãa, Edom soolmã fãa, sẽn yik ne kɩdeng la tɩtaam, n deeg m tẽngã n sooge, la b fã a rũmsã.»
6
Bõn-kãng yĩnga, togs pĩnd-n-bãngr goam Israyɛll zugu! Yeel tãmsã, ne kunkubã, ne kʋɩlsã la bãtã, tɩ m yaa Zu-soaba, la m gomda ne nonglem-kãsenga, la ne sũ-puugri, buud a taabã sẽn paoog yãmbã yĩnga.
7
Bõn-kãng yĩnga, Zu-soab a Sẽn-Ka-Saab yetame: «Mam zẽkda m nug n wẽend n yetẽ: ‹Hakɩɩka!› Buud a taabã sẽn gũbg yãmbã na n paama yãnd b mensã tʋy yĩnga.»
8
La yãmb a Israyɛll tãmse, tɩɩsã na n tãoo wil yãmb zutu, n wom biis Israyɛll sẽn yaa mam nebã yĩnga. Bala, bõn-kãens waoong ta n sɛɛme.
9
Ade, mam bee ne yãmba, la m na n wẽnemda m nengã n tees y sẽnẽ, n kɩt tɩ b leb n war tẽngã n bʋde.
10
Mam na n kɩtame tɩ yãmb sẽn yaa Israyɛll buudã gill nebã fɩɩg n lebg wʋsg n paase. Nebã na n leb n wa kẽe tẽmsã pʋse, la b na n lebs n mee raboodã.
11
Mam na n kɩtame tɩ y nebã ne y rũmsã fɩɩg n lebg wʋsg n paase. Bãmb na n fɩɩgame n lebg wʋsgo. Mam na n kɩtame tɩ y pid tẽngã wa pĩnda, la mam na n maana yãmb neer n yɩɩd pĩnda. Woto, yãmb na bãng tɩ mam yaa Sẽn-Ka-Saabo.
12
Mam na n kɩtame tɩ ninsaalb kẽn yãmb zutu. Yaa Israyɛll sẽn yaa mam nebã. Bãmb na n deega foom n sooge. Fo na n yɩ bãmb pʋɩɩre, la fo kõn leb n kʋ bãmb kambã ye.
13
Ade, Zu-soab a Sẽn-Ka-Saab yetame: «B yetame tɩ y rɩɩ ninsaalba, la y kʋ y buudã meng kamba.
14
Bõn-kãng yĩnga, fo kõn leb n dɩ ninsaalba, la fo kõn leb n kʋ f buudã kamb ye. Maam a Zu-soab a Sẽn-Ka-Saab n yeele.
15
Mam na n kɩtame tɩ f ra leb n wʋm buud a taabã tʋyã, neb a taabã paoogr kõn leb n zĩnd fo zug ye. Yãmb kõn leb n yɩ kug-lakdg y tẽngã yĩng ye. Maam a Zu-soab a Sẽn-Ka-Saab n yeele.»
16
Sẽn-Ka-Saab goma ne maam n yeele:
17
«Ninsaala, kelge: Israyɛll buudã sẽn wa n ket b tẽngẽ wã, b rẽgm-a-la ne b manesmã, la ne b tʋʋmã. Bãmb manesmã rag n wẽnda wa pag sẽn yaa rẽgd a pekr wakatã.
18
Dẽ, mam sũurã puuga ne bãmb hal wʋsgo, bala, bãmb sẽn daag zɩɩm tẽngã pʋgẽ wã, la bãmb sẽn waoog wẽn-naandsã yĩng rẽgma bãmba.
19
Mam kɩtame tɩ b sãeeg n be buud toay-toayã sʋka, bãmb sãeegame n be tẽmsã fãa pʋse. Mam kaoo bãmb bʋʋd wa sẽn zems b tʋʋmã la b manesmã.
20
Bãmb sẽn ta buud toay-toayã tẽms nins fãa pʋga, bãmb sãamda mam yʋʋrã sẽn welg toorã. Sɩd me, nebã rag n gomda bãmb yell n yetẽ: ‹Nin-bãmbã yaa Sẽn-Ka-Saab nebã! Bãmb yii Sẽn-Ka-Saab tẽngẽ wã!›
21
Woto, mam dag n datẽ lame n koglg m yʋʋrã sẽn welg toorã, yʋʋr ning Israyɛll nebã sẽn dag n sãamd buud nins fãa bãmb sẽn dag n kẽngẽ wã sʋkã.»
22
Bõn-kãng yĩnga, yeel Israyɛll buudã tɩ maam a Zu-soab a Sẽn-Ka-Saab yetame: «Israyɛll buudu, ka yãmb yĩng la mam sẽn maan a woto wã ye. Yaa mam yʋʋrã sẽn welg toorã yĩnga, yʋʋr ning yãmb sẽn dag n sãam buud nins fãa yãmb sẽn dag n be b sʋkã yĩnga.
23
Mam na n wilgame tɩ m yʋ-kãsengã b sẽn sãam buud toay-toayã sʋkã, yʋʋr ning yãmb sẽn dag n sãam bu-bãmb sʋkã, yaa yʋʋr sẽn welg toore. Woto, mam sã n wa wilg m pʋ-peelmã ne yãmb buud toay-toayã nifẽ, bãmb na bãng tɩ mam yaa Sẽn-Ka-Saabo! Maam a Zu-soab a Sẽn-Ka-Saab n yeele.»
24
Mam na n yiisa yãmb bu-zẽmsã sʋka, mam na n tigim-y-la tẽmsã fãa pʋs n tall-y n lebg n wa y tẽngẽ wã.
25
Mam na n dɩka ko-yɩlemd n zãgs yãmba, la yãmb na n yɩɩ yɩlma. Mam na n yɩlga yãmb n yiis y rẽgdã ne y bõn-naandsã.
26
Mam na n kõo yãmb sũ-paalga, la yam-paalga, m na n yiisa sũur ning sẽn yaa kãenkãe wa kugrã yãmb yĩngẽ wã, la m kõ yãmb sũur sẽn yaa ninsaal sũuri.
27
Mam na n ninga m sɩɩgã yãmb pʋsẽ, n kɩt tɩ y sak mam no-tũudsã ne m noyã.
28
Yãmb na n zĩnda tẽng ning mam sẽn dag n kõ yãmb yaab-rãmbã pʋgẽ. Yãmb na n yɩɩ mam neba, la mam na n yɩ yãmb Wẽnnaam.
29
Mam na n yiisa yãmb dẽgdã fãa. Mam na n kɩtame tɩ kood zĩndi, la m na n kɩtame t'a fɩɩge. Mam ka na n leb n kɩt tɩ kom yõk yãmb ye.
30
Mam na n kɩtame tɩ tɩɩsã wom biis wʋsgo, la m kɩt tɩ pʋtã bõn-koaadl fãa sake, tɩ kom da leb n yõk yãmb tɩ y paam paoogr buud toay-toayã sʋk ye.
31
Dẽ, yãmb na n tẽega y tʋʋm-wẽnsã ne y manesmã sẽn ka sõama wã yelle. La yãmb ka n leb n tõog n ges y mensã, yãmb kongrã ne y tʋʋm-beedã yĩnga.
32
Bãng-y tɩ ka yãmb yĩng la mam sẽn maand a woto wã ye. Israyɛll buudu, zoe-y yãnde, la bɩ y manesmã yãnd yõk-yã! Maam a Zu-soab a Sẽn-Ka-Saab n yeele.
33
Ade, maam a Zu-soab a Sẽn-Ka-Saab yetame: «Daar ning mam sẽn na n yɩlg yãmb ne y kongrã fãa wã, mam na n lebs n pidsa tẽmsã ne nebã, la b na n lebs n mee raboodã.
34
B na n leb n koo tẽng ning sẽn dag n lebg zĩ-vɩʋʋgã pʋga, tẽng ning b sẽn dag n sãam so-loaadbã fãa nifẽ wã.
35
La b na n yeelame: ‹Tẽn-kãngã sẽn dag n lebg zĩ-vɩʋʋgã lebga wa Edɛn zẽed zĩiga. Tẽn-bãmbã sẽn dag n lebg raboodo, n yaa zĩ-vɩɩdo, n sãam zãngã fãa lebga pãng zĩisi tɩ neb be b pʋsẽ!
36
Woto, buud toay-toay nins sẽn na n kell-bã sẽn gũbg yãmbã na n bãngame tɩ maam a Sẽn-Ka-Saab n lebs n me b sẽn dag n kõogã, la m sel b sẽn dag n võ wã. Maam a Sẽn-Ka-Saab n gome, la m na n maan-a lame.› »
37
Ade, maam a Zu-soab a Sẽn-Ka-Saab yetame: «Mam na n leb n basa Israyɛll buudã tɩ b kos maam sõngre, la m na n leoka b kosgã, n kɩt tɩ b fɩɩg n lebg wʋsg wa piisi.
38
La tẽms nins sẽn yaa raboodã na n pida ne nebã, wa rũms sẽn welg toore, wa Zeruzalɛm sẽn dag n pit ne maand rũmsã to-to tigã wakatã. Woto, b na n bãngame tɩ mam yaa Sẽn-Ka-Saabo.»
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48