bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Matthew 10
Matthew 10
Marwari Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
पछै यीसु आपरै बारैह चेलौ नै खनै बोलायनै, उणौनै दुस्टआतमाओ नै निकालनै रै साथै साथै बिमारियों अर कमजोरियो नै निकाळनै रौ अधिकार दियौ।
2
अर बारैह प्रेरितों रा नाम ऐ है। पैला समौन, जिकौ पतरस कैलायौ है, अर उणरा भाई अन्द्रियास। जबदी रौ बेटौ याकूब, अर उणरा भाई यूहन्ना।
3
फिलिप्पुस अर बरतुल्मै थोमा अर चुंगी लेवणवाळौ मती, हलफाई रा बेटा याकूब अर तद्दै।
4
देस भगत समौन, अर यहूदा इस्करियोती, जीणे यीसु नै विसवासघात करनै पकड़ायौ।
5
इण बारैह चेलौ नै यीसु हुकम देन भेज्या की, “थै गैर यहूदियो रै इलाके मे या, सामरियो रै सैहर मे मती जाईजौ।
6
पण इजरायल रै लोगां रै खनै जावणौ जिकौ गुमयोड़ी लरड़ियां रै ज्यूं है।
7
आवतै जावते मिनखौ नै ओ बता दिजो ‘सरग रौ राज्य नैड़ौ आ गियौ है।’
8
बिमारों नै सावळ करजौ, मरयोड़ौ नै जीवता करजौ, कोढ़ियो रै ओगण हखरा करजौ, दुस्टआतमाओ नै निकालजो। थांनै फोगट मे मिळयो है, तो थै फोगट मे ही दईजो।
9
अपणै बटवो मे नीं सोनो, नीं चांदी, अर नीं तांबो राखजौ।
10
सफर में नीं झोळी राखजौ, अर पैरयोड़ो रै अलावा नीं कुड़तौ अर नीं जूता राखजौ, अर नीं लाठी राखजौ। क्यूंकै मजूर नै उणरी चाईजती चीजों मिळ जावैला।
11
“जीण कीण सैहर या गांव में जाओ, तो पतौ करजौ की वठै कुण मिनख विसवासलायक है। अर जद तांई बठैज रहीजौ, बीण वढ़ेज रहीजौ।
12
जीण घर मे जाओ उणौ नै आसीस दईजो।
13
उण घर रा मिनख लायक होई तो थोरी आसीस बीण तांई पौंछ जाई। पण उठै लायक नीं होई तो थोरी आसीस थोरै खनै पाछी आ जावैला।
14
जिकौ कोई थौरो आदर नीं करै अर थौरी बात नीं मांनै उण घर ऊं या सैहर ऊं निकळते वैळा अपणै पगां री माटी झाड़ दीजौ। की इण वास्तै चेताणी होवैला की परमेसर डंड देवेला, क्यूंकै उणौ उणरी बात कोनीं मानी।
15
म्हैं थोरै ऊं साचौ कहूं की न्याव रै दिन उण सैहरौ री हालत सदोम अर अमोरा री हालत ऊं घणी बुरी हो जावैला।
16
“देखौ, म्हैं थांनै लरड़ियां रै ज्यूं नयारौ रै बीच मे भेजूं हूं। इण वास्तै सापों री तरैह सावचेत अर कबूड़ौ री तरैह भोळा बणौ।
17
पण मिनखौ ऊं थै सावचेत रईजो। क्यूंकै वे थांनै सभाओं मे सूंप दैला, अर आपरी पराथना जगा मे थोरै कोड़ा ठोकी।
18
थै म्हारै चेला होणै रै सारू राजाओ अर राज्यपालो सांम्ही पेस किया जावोला, ताकी थै उणौरै वास्तै अर गैर यहूदियो रै वास्तै गवाई बणौ।
19
जद वे लोग थांनै पकड़े तो आ चिंता मत करजौ के म्हौ की रीत ऊं अर कांई केवोला। क्यूंकै जो थै बोलणौ चावौ वो उण वगत थांनै बता दियौ जावैला।
20
क्यूंकै बोलणै वाळौ थूं कोनीं है, पण थौरे पिता परमेसर री आतमा है जिकौ वो थौरे मे ऊं बोले।
21
“भाई, अपणै भाई नै धोखे ऊं अर पिता अपणै बेटे नै, मारणै वास्तै सौपेला, अर टाबर अपणै माता-पिता रै विरोध मे उठनै उणौ नै मरवा दैला।
22
म्हारै नाम रै कारण सैंग लोग थोरै ऊं बैर राखैला, पण जिकौ आखरी तांई सेहन करैला उण रौ उद्धार होवैला।
23
जद थांनै एक सैहर मे सतावै, तो दूजै सैहर मे आ जाईजौ। म्हैं थांनै साची बात कहूं की इण ऊं पैला थै इजरायल रै सगळै सैहरौ मे जाओ म्हैं, मिनख रौ बेटौ, आ जावैला।
24
“चेला आपरै गुरु ऊं कदैई मोटो नीं होया करै। अर नीं नौकर आपरै मालिक ऊं।
25
एक चेलौ आपरै गुरु जैड़ौ अर एक नौकर आपरै मालिक जैड़ौ बणणौ मोटी बात है। मिनख घर रा मालिक नै बालजबूल या सैतान कयौ तो वो घरो रै लोगां नै ओर भी तो घणौ बुरौ केही।
26
“इण वास्तै उण मिनखौ ऊं डरजै मती। क्यूंकै कीं ढ़कयोड़ौ कोनीं जिकौ खोलीजै कोनीं, अर ना ही छुपयोड़ो जिकौ जांणीजै कोनीं।
27
जो म्हैं थनै अंधारै म्हैं कैवूं, तो थूं उजाळै मे जान कहीजै। अर जिकौ म्हैं थनै कांन में सुणाऊं, विनै छत माथै जायनै परचार करजै।
28
थै उण ऊं नीं डरौ जिकौ सरीर नै मार सकै, पण आतमा नै कीं नीं कर सकै। इण वास्तै थै उण परमेसर ऊं डरौ जिकौ, सरीर अर आतमा दोनो नै नरक मे नोख दैवै है।
29
कांई एक पईसे मे दो चिड़िया कोनीं बीके? तो ही थौरे पिता री इछा रै बिना उण मे ऊं एक ई धरती माथै नीं पड़ सकै।
30
थोरै माथै रा बाल ई सगळा गिण्योड़ा है।
31
इण वास्तै डरौ नीं, थै परमेसर रै लिए घणा चिड़िया ऊं बढ़न हो।
32
“जिकौ कोई मिनखौ रै सांमै म्हनै मांन ले ला, म्हैं भी उणनै अपणै सरगिए पिता रै सांमै मांन लूं ला।
33
जिकौ कोई मिनख म्हनै मिनखौ रै सांमै मानणै ऊं मना कर दैला, म्हैं भी अपणै सरगिए पिता रै सांमै मानणै ऊं मना कर दूंला।
34
“ओ मती समझौ की म्हैं जगत मे मिलाप कराणै आयौ हूं। म्हैं मेल-मिलाप कराणै कोनीं आयौ, बल्कि अलग कराणै आयौ हूं।
35
म्हारै वजै ऊं ‘बेटौ आपरै पिता ऊं, बेटी आपरी मां ऊं, अर बिनणी आपरै सासु ऊं खिलाफ हो जावैला।
36
मिनख रा दुसमन उणरै घरवाळा इज दुसमन हो जाई।’
37
“जिकौ म्हारै ऊं घणा आपरै माता-पिता नै चावै वो म्हारै कांम रौ कोनीं। जिकौ म्हारै ऊं घणा आपरै छोरा-छोरी नै चावै वो भी म्हारै कांम रौ कोनीं।
38
जिकौ कोई आप दुखौ री होळी उठान म्हारै जैड़ी जिन्दगी कोनीं जी वो म्हारै कांम रौ कोनीं।
39
जिकौ आपरी जान बचावण रौ जतन करैला, वो आपरी जान ऊं हाथ धो बैठेला। जिकौ म्हारै वास्तै जान देवेला, वो आपरौ जीवन पावैला।
40
“जिकौ थनै अपनावे, वो म्हनै भी अपनावे। जिकौ म्हनै अपनावे, वो म्हनै भेजणे वाळै परमेसर नै भी अपनावे।
41
जिकौ भविसयदाता नै भविसयदाता जांण परौ अपणा ई वो भविसयदाता रौ प्रतिफळ पावैला। अर जिकौ धरमी नै धरमी जांण परौ अपणा ई, वो धरमी रौ प्रतिफळ पावैला।
42
जिकौ कोई इण छोटौ में ऊं एक नै म्हारौ चेलौ जांणनै एक लोटो ठाडो पांणी पिलावै, म्हैं थोरै ऊं साचौ कहूं, वो किणी तरीकै ऊं आपरौ प्रतिफळ नीं खोवैला।”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28