bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Matthew 18
Matthew 18
Marwari Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
उण घड़ी चेलौ यीसु रै खनै आयनै पूछण लाग्या, “सरग रै राज में सबां ऊं मोटो कुण है?”
2
इण कारण उणै एक टाबर नै खनै बुलायनै उणौरै बीच में ऊभौ करयौ,
3
अर कयौ, “म्हैं थौरे ऊं साचौ कहूं की जद तांई थै मन नीं फिराओ अर टाबरौ रै ज्यूं नीं बणौ, तो सरग रै राज में परवेस कोनीं कर सकौ।
4
इण वास्तै जे कोई अपणै आप नै इण टाबर रै ज्यूं छोटौ करैला, वो सरग रै राज में मोटो होवैला।
5
अर जिकौ कोई म्हारै नाम ऊं एक ऐड़ै टाबर रै जेड़े लोगां नै स्वीकार करै है वो म्हनै स्वीकार करै है।
6
“पण जे कोई इण छोटौ में ऊं जिकौ म्हारै माथै विसवास करै है एक नै ठोकर खिलावौ, उणरै लियै भलौ हो की मोटी चक्की रौ पाट उणरै गळे मे टेर देता अर उणनै समंदर में डूबो दियौ जातौ।
7
ठोकर देणवाळौ माथै हाय! ठोकर रौ लागणो जरुरी है, पण हाय उण मिनख ऊपर जिणरै कारण ठोकर लागै है।
8
“जे थारौ हाथ थनै या थारौ पग थनै ठोकर खिलावै, तो उण नै काटनै फेंक दे, लूलो या लंगड़ो होयनै जीवन में परवेस करणौ थारै लियै इण ऊं भलौ है की दोनूं हाथ या दोनूं पग होते हुए भी थूं अनत री अग्नि में नोख्यौ जावै।
9
जे थांरी आंख थनै ठोकर खिलावै, तो उण नै काढ़ै फेंक दे, कांणौ होयनै जीवन में परवेस करणौ थांरै लियै इण ऊं भलौ है की दोनूं आंख्यां रैवतै हुए भी थूं नरक री अग्नि में नोख्यौ जावै।
10
“देखौ, थै इण छोटौ में ऊं किणी नै तुच्छ नीं जांणणौ, क्यूंकै म्हैं थौरे ऊं कहूं की सरग में उणरा दूत म्हारै सरगिए पिता रौ मूंडौ हमेसां देखे है।
11
क्यूंकै म्हैं, मिनख रौ बेटौ गुमयोड़ौ नै बचाणै आयौ है।
12
“थै कांई सोचो हो? जे किणी मिनख री सौ लरड़ियां हो अर उणमे ऊं एक गुम जावै तो कांई वो निन्याणवे नै छोड़ नै, अर भाखरो ऊपर जायनै, कई उण गुमयोड़ी नै नीं सौधेला?
13
अर जे ऐड़ौ हो की उणै मिळै, तो म्हैं थौरे ऊं साचौ कहूं की वो उण निन्याणवे लरड़ियां रै लियै जिकौ गुम कोनीं होई, इतरौ आंणंद कोनीं करैला जितौ की इण लरड़ी रै लियै करैला।
14
ऐड़ी ही थौरे पिता री जिकौ सरग में है आ इछा कोनीं की इण छोटौ में ऊं एक भी नास हो।
15
“जे थांरौ विसवासी भाई थांरै विरोध अपराध करै, तो जा अर अकेले में बातचीत करन उण नै समझा, अर वो थांरी सुणै तो थूं थांरै भाई नै पा लियौ।
16
जे वो नीं सुणै, तो एक-दो मिनखौ नै साथै ले जाओ ताकी दो या तीन गवाहो रै सहारे सगळौ पको हो जावै।
17
जे वो उणौरी भी नीं मांनै, तो कलीसिया ऊं कैह दो, पण कलीसिया री भी नीं मांनै तो थूं उण नै गैर यहूदी अर चुंगी लेणवाळै जैड़ौ मांन।
18
“म्हैं थौरे ऊं साचौ कहूं, जे कीं थै धरती माथै बांधोला, वो सरग में बंधैला अर जे कीं थै धरती माथै खोलो ला, वो सरग में खुलैला।
19
भळै म्हैं थौरे ऊं कहूं, जे थौरे में ऊं दो मिनख धरती माथै किणी बात रै लिए एक मन होयनै उण ऊं मांगेला, तो वो म्हारै पिता री तरफ ऊं जिकौ सरग में है, उणौ नै पको मिळैला।
20
क्यूंकै जठै दो या तीन म्हारै नाम ऊं भेळा होवै है, उठै म्हैं उणौरै बीच में हूं।”
21
तद पतरस खनै आयनै उण ऊं कयौ, “हे परभु, जे म्हारौ विसवासी भाई म्हारै विरोध अपराध करतौ रै, तो म्हैं किती बार उण नै माफ करूं? कांई सात बार तांई?”
22
यीसु उणनै कयौ, “म्हैं थांरै ऊं ओ कोनीं कहूं की सात बार तांई वरना सात बार रै सतर गुणा तांई।
23
“इण वास्तै सरग रौ राज उण राजा रै जैड़ौ है, जिकौ आपरै दासो ऊं लेखौ लेणो चाहतौ हो।
24
जद वो लेखौ लेणे लाग्यौ, तो एक मिनख उणरै सांम्ही लायौ गियौ जिकौ दस लाख रौ करजदार हो।
25
जद चुकानै रै लिए उणरै खनै कीं कोनीं हो, तो उणरै मालिक कयौ, ‘ओ अर इणरी लुगाई अर इणरा टाबर अर इणरी सगळी जायदाद नै बेच दी जावै, अर करज चुका दियौ जावै।’
26
इण कारण उण दास झुकनै उण नै परणाम कियो, अर कयौ, ‘हे मालिक धीरज राख, म्हैं सगळा भर दूंला।’
27
तो उण दास रै मालिक नै तरस आयौ अर उण नै छोड़ दियौ, अर उणरौ करज भी माफ कर दियौ।
28
“ पण जद वो दास बारै निकळियौ, तो उणरै एक सह-दास ऊं मिळियौ, जिकौ उणरौ सौ चांदी रा सिक्को रौ करजदार हो, उणै उणरौ गळौ पकड़नै कयौ, ‘जिकौ कई थांरै माथै करज है भर दे।’
29
इण वास्तै उणै सह-दास रै पगां पड़नै उणनै विनती करणै लाग्यौ, ‘धीरज राख, म्हैं सगळा भर दूंला।’
30
उणै कोनीं मान्यौ, अर जायनै उण नै जेळ में नोख दियौ की जद तांई करज भर नीं दे, त्यां सुदी एठीज रै।
31
उणरै दूजा सह-दास ओ देखनै घणा मौळा पड़िया, अर जायनै आपरै मालिक नै पूरा हाल सुणाया।
32
तद उणरै मालिक उणनै बुलायनै उणनै कयौ, ‘हे दुस्ट दास, थै तो म्हारै ऊं विनती की, तो म्हैं थांरौ वो पूरौ करज माफ कर दियौ।
33
इण वास्तै ज्यूं म्हैं थांरै माथै दया की, त्यूं ही कांई थनै भी अपणै सह-दास माथै दया करणी नीं चाईजै?’
34
अर उणरौ मालिक नै रीस में आयनै उणनै डंड देणवाळौ रै हाथ में सूंप दियौ, की जद तांई वो सगळौ करज भर नीं दे, तद तांई उण रै हाथ में रैवै।
35
“इण तरैह जे थौरे में ऊं हरैक आपरै विसवासी भाई नै मन ऊं माफ नीं करैला, तो म्हारौ पिता जिकौ सरग में है, थौरे साथै ऐड़ौ ही करैला।”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28