bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Kings 15
2 Kings 15
Nuer Bible © Bible Society in South Sudan 1998,2012
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Kɛ run ruec Ya-rɔ-baam in rɛwdɛ ti jiɛn da̱ŋ rɛw wi̱cdɛ bärɔw, cu Ä-dhar-yaa gat Ä-mä-dhi-ya a kuäär Juda.
2
Kä tëë kɛ run wäl bäkɛl mëë tookɛ ruec, kä cuɛ ruëc kä Jɛ-ru-tha-lɛm kɛ run ti jiɛn dhieec wi̱cdɛ rɛw. Kä cɔalkɛ man i̱ Yɛ-kɔl-yaa kä Jɛ-ru-tha-lɛm.
3
Kä cuɛ la̱t ni cuŋ nhiam Kuɔth Nhial ce̱tnikɛ ti diaal tëë ci gua̱n ni Ä-mä-dhi-ya kɛ la̱t.
4
Kuɛ la ɣöö /ka̱n gua̱th pali kuthni guäyni däk. Ŋot naath nikɛ mi thöpkɛ muc, kä waŋkɛ wal thi̱n.
5
Kä cu Kuoth Nhial kuäär moc kɛ jɔk gupä amäni mëë cɛ li̱w, kä cuɛ cieŋ guäthdɛ kä rɔa. Kä cu gat kua̱r ni Yo-tham wec ruac.
6
Kä cua duɔth lätni Ä-dhar-yaa kɛnɛ lät diaal tin cɛ la̱t gɔ̱a̱r rɛy buɔk kuɛ̈ɛ̈ni kua̱ri Juda.
7
Kä cuɛ li̱w, kä cua jɛ kony kɛɛl kɛ gua̱ni därwec Dee-bid. Kä cu gatdɛ ni Yo-tham ruëc kɛ gua̱a̱thdɛ.
8
Kɛ run ruëc Ä-dhar-yaa kuäär Juda ti jiɛn diɔ̱k wi̱cdɛ bädäk, cu Dhɛ-kar-yaa gat Ya-rɔ-baam in rɛwdɛ a kuäär I-thɛ-rɛl kä Tha-mɛ-ria kɛ päth bäkɛl.
9
Kä cuɛ la̱t ni jiäk nhiam Kuɔth Nhial ce̱tkɛ mëë ci gua̱n ɛ la̱t. /Kenɛ duer Ya-rɔ-baam gat Nɛ-bat päl, mëë jak I-thɛ-rɛl kä dui̱r.
10
Kä cu Cɛ̈-lum gat Ya-bec ɛ ca̱p mi jiäk, kä cuɛ jɛ mak nhiam nath, kä cuɛ jɛ näk, kä cuɛ ruec kɛ gua̱a̱thdɛ.
11
Kä cua duɔth lätni Dhɛ-kar-yaa gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
12
(Nɔmɔ ɛ ruac Kuɔth Nhial mëë cɛ la̱t Yeɣu i̱, “Bi gaatku ruec kä I-thɛ-rɛl amäni ri̱c in ŋuaandiɛn.” Ɛ jɛn ci copɛ.)
13
Cu Cɛ̈-lum gat Ya-bec kuäär tok kɛ run ruec Ä-dhar-yaa kuäär Juda ti jiɛn da̱ŋ diɔ̱k wi̱cdɛ bäŋuan, kä cuɛ ruec kä Tha-mɛ-ria kɛ pay kɛl.
14
Kä cu Mɛ-nɛ̈-ɣem gat Gadi jiɛn nikä Ti̱r-dha bëë kä Tha-mɛ-ria, kä cuɛ Cɛ̈-lum gat Ya-bec ma̱k kä Tha-mɛ-ria kä cuɛ jɛ näk, kä cuɛ ruëc kɛ gua̱a̱thdɛ.
15
Kä cua duɔth lätni Cɛ̈-lum kɛnɛ ca̱p ëë cɛ cäp gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
16
Ɛn guäth ɛmɔ cu Mɛ-nɛ̈-ɣem Tip-thɛ̈ däk kɛnɛ tin diaal tin te thi̱n a känɛ ni kä Ti̱r-dha a wä, kɛ ɣöö /ken kɛnɛ lëp jɛ. Kɛ kui̱c ɛmɔ cuɛ jɛ däk kä cuɛ män tin ruët jia̱a̱ckiɛn rɛt kä piny.
17
Kɛ run ruec Ä-dhar-yaa kuäär Juda ti jiɛn diɔ̱k wi̱cdɛ bäŋuan, cu Mɛ-nɛ̈-ɣem gat Gadi a kuäär kä I-thɛ-rɛl. Kä cuɛ ruec kä Tha-mɛ-ria kɛ run wäl.
18
Kä cuɛ la̱t ni jiäk waaŋ Kuɔth Nhial. Cuɛ guɔ̱ɔ̱r ni dueer Ya-rɔ-baam gat Nɛ-bat diaal, mëë jak I-thɛ-rɛl kä dui̱r.
19
Kä cu kuäär Thi-ri-ya ni Pul wec ben ma̱k. Kä cu Mɛ-nɛ̈-ɣem ɛ ka̱m ki̱luni cikä min bo̱r ti kur bärɔw wi̱cdɛ jiɛn ŋuaan kɛ ɣöö bɛ jɛ luäk kä bɛ kuäärɛ jak kä bum.
20
Kä cu Mɛ-nɛ̈-ɣem yio̱w tɔ̱tɔ̱ ka̱n kä ji̱ I-thɛ-rɛl tin ria̱ŋ ria̱a̱ŋ, te ramɔ kɛ yio̱w ti jiɛn dhieec kɛ ɣöö bɛ kɛ ka̱m kuäär Thi-ri-ya. Kä cu kuäär Thi-ri-ya loc jɔk /kenɛ wec ciɛŋ.
21
Kä cua duɔth lätni Mɛ-nɛ̈-ɣem diaal gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
22
Kä cuɛ li̱w, kä cu gatdɛ ni Pe-ka-yaa ruëc kɛ gua̱a̱thdɛ.
23
Kɛ run ruëc Ä-dhar-yaa kuäär Juda ti jiɛn dhieec. Cu Pe-ka-yaa gat Mɛ-nɛ̈-ɣem a kuäär I-thɛ-rɛl kä Tha-mɛ-ria, kä cuɛ ruëc kɛ run rɛw.
24
Kä cuɛ la̱t ni jiäk waaŋ Kuɔth Nhial. Cuɛ guɔ̱ɔ̱r ni dueer Ya-rɔ-baam gat Nɛ-bat diaal tëë jakɛ I-thɛ-rɛl kä dui̱r.
25
Kä cu raan kɔarɛ ni Peka gat Rɛ-mɛ̈l-yaa jɛ ca̱p mi jiääk kɛnɛ ji̱ Gil-yad ti jiɛn dhieec, kä cuɛ jɛ näk duëël kua̱r rɛci. Kä cuɛ ruëc kɛ gua̱a̱thdɛ.
26
Kä cua duɔth lätni Pe-ka-yaa diaal gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
27
Kɛ run ruec Ä-dhar-yaa kuäär Juda ti jiɛn dhieec wi̱cdɛ rɛw, cu Peka gat Rɛ-mɛ̈l-yaa a kuäär I-thɛ-rɛl kä Tha-mɛ-ria. Kä cuɛ ruec kɛ run te jiɛn da̱ŋ rɛw.
28
Kä cuɛ la̱t ni jiäk waaŋ Kuɔth Nhial. Cuɛ guɔ̱ɔ̱r ni dueer Ya-rɔ-baam gat Nɛ-bat diaal tëë jakɛ I-thɛ-rɛl kä dui̱r.
29
Kɛ ni̱n kua̱r. I-thɛ-rɛl ni peka cu Tig-lath-pi-lɛ-thɛr kuäär Thi-ri-ya I-yon, A-bel-beth-mä-kaa, Ya-no-a, Kɛ-dɛc, Ɣa-dhor, Gil-yad, kɛ Gɛ̈-lɛ-li, wi̱i̱ Nap-ta-li diaal ka̱n. Kä cuɛ naath naŋ kä Thi-ri-ya ala pɛ̈ɛ̈c.
30
Kä cu Ɣo-ce-ya gat Elaa Peka gat Rɛ-mɛ̈l-yaa ca̱p mi jiääk, cuɛ jɛ näk kä cuɛ ruec kɛ gua̱a̱thdɛ, kɛ run ruec Yo-tham gat U-dhi-yaa ti jiɛn da̱ŋ rɛw.
31
Kä cua duɔth lätni Peka diaal gɔ̱a̱r rɛy buɔk kuɛ̈ɛ̈ni kua̱ri I-thɛ-rɛl.
32
Kɛ rɛw runi ruëc Peka gat Rɛ-mɛ̈l-yaa kuäär I-thɛ-rɛl, cu Yo-tham gat U-dhi-yaa kuäär Juda ruec tok.
33
Mëë tookɛ ruec tëë kɛ run ti jiɛn da̱ŋ rɛw wi̱cdɛ dhieec. Kä cuɛ ruëc kä kɛ run wäl bäkɛl Jɛ-ru-tha-lɛm. Kä cɔalkɛ mani Yɛ-ru-ca nya Dha-dok.
34
Kä cuɛ la̱t ni cuŋ nhiam Kuɔth Nhial, ce̱tnikɛ tëë diaal tëë ci gua̱n ni Ö-dhi-ya kɛ la̱t.
35
Cuɛ ku la ɣöö /ka̱n gua̱th pali kuthni guäyni woc. Cu naath ŋot thöpkɛ muc kä waŋkɛ wal wuɔ̱thni yi̱knikiɛn. Kä cuɛ thi̱i̱k thuɔk luaak Kuɔth Nhial la̱t.
36
Kä cua duɔth lätni Yo-tham diaal gɔ̱a̱r rɛy buɔk kuɛ̈ɛ̈ni kua̱ri Juda.
37
Kɛ ni̱n tɔ̱tɔ̱ cu Kuoth Nhial ɛ tok kɛ mi jäkɛ Rɛ-dhin kuäär Ä-ram kɛnɛ Peka gat Rɛ-mɛ̈l-yaa kä Juda kɛ ko̱r.
38
Kä cu Yo-tham li̱w, kä cua jɛ kony kɛɛl kɛnɛ gua̱ni därwec gua̱n ni Dee-bid. Kä cu gatdɛ ni A-ɣadh ruëc kɛ gua̱a̱thdɛ.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25