bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
2 Kings 17
2 Kings 17
Nuer Bible © Bible Society in South Sudan 1998,2012
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
1
Kɛ wäl rɛw runi ruëc A-ɣadh kuäär Juda, cu Ɣo-ce-ya gat Elaa a kuäär I-thɛ-rɛl kä Tha-mɛ-ria, cuɛ ruëc kɛ run bäŋuan.
2
Kä cuɛ la̱t ni jiäk waaŋ Kuɔth Nhial, ɛni ɣöö /cɛ ce̱tkɛ kua̱r I-thɛ-rɛl tëë te nhiamdɛ.
3
Kä cu kuäär A-thi-ri-ya ni Cɛ̈l-mɛ̈n-ɛ-thɛr ben nyiëëny kɛ jɛ. Kä cu Ɣo-ce-ya a ja̱ŋdɛ mi luny jɛ tho̱lbo̱k.
4
Duundɛ ɣöö cu kuäär A-thi-ri-ya ŋɔak jek kä Ɣo-ce-ya, kɛ ɣöö cɛ naath jäk kä Tho kuäär I-jëp, kä /kenɛ tho̱lbo̱k lɛ ka̱m kuäär A-thi-ri-ya, ce̱tkɛ min la lätdɛ run kä run. Kɛ kui̱c ɛmɔ cu kuäär A-thi-ri-ya jɛ la̱th duëël yieenä.
5
Kä cu kuäär A-thi-ri-ya wi̱i̱ diaal mac kä cuɛ Tha-mɛ-ria ben go̱l kɛ run diɔ̱k.
6
Kɛ bäŋuan runi ruëc Ɣo-ce-ya, cu kuäär A-thi-ri-ya Tha-mɛ-ria naŋ ala pëëc, kä cuɛ ji̱ I-thɛ-rɛl naŋ kä A-thi-ri-ya ala pëëc, kä cuɛ kɛ la̱th kä Ɣɛlɛ̈ kɛnɛ Ɣa-bor, kɛ kiir Go-dhan, kɛ wi̱i̱ ji̱ Ma-day.
7
Cu nɛmɛ tuɔ̱k kɛ ɣöö ci Ji̱ I-thɛ-rɛl Kuoth Nhial Kuothdiɛn mëë nööŋkɛ raar muun I-jëp tetdä Pɛro dui̱rikä, cukɛ wä luɔ̱th ni kuth kɔ̱kiɛn.
8
Kä cukɛ wä guɔ̱ɔ̱r ni ciɛŋ dööri tëë ci Kuoth Nhial kɛ joc nhiam ji̱ I-thɛ-rɛl, kɛnɛ ciɛŋ tëë ca cak ɛ kua̱r I-thɛ-rɛl.
9
Kä cu ji̱ I-thɛ-rɛl Kuoth Nhial Kuothdiɛn lät kä jiäk kɛ tɛ̱̈ɛ̱̈. Cukɛ rɔ ta̱th yi̱kni rɛy wi̱i̱nikiɛn diaal, ni duel yiëëni amäni wi̱i̱ tin bum.
10
Kä cikɛ rɔ lät kä riäkni kɛnɛ kuth Ac-tar-te wuɔ̱thni päämni diaal kɛnɛ thär jiɛn diaal tin tɔ̱ɔ̱c.
11
Ɛn wi̱ni waŋkɛ wal thi̱n, ce̱tkɛ mëë la la̱tkɛ ɛ döör tëë ci Kuoth Nhial kɛ joc nhiamdiɛn. Kä cukɛ la̱t ni ti cu Kuoth Nhial jak kä gak.
12
Kä cukɛ pal ni kuth tëë ci Kuoth Nhial kɛ la̱r kɛ i̱, “/Cuarɛ pal.”
13
Kä cu Kuoth Nhial ŋot kɛ mi lueekɛ ji̱ I-thɛ-rɛl kɛnɛ ji̱ Juda kɛ gök kɛnɛ ti̱t wee i̱, “Rietdɛ rɔ kä jiäk, kä tiɛtdɛ ni lueekä, kɛnɛ ŋuɔ̱tkä, ce̱tnikɛ ŋuɔ̱t diaal tëë cä lueek ni guuri, kɛnɛ tin cä jäk ni ja̱a̱ŋkä ni go̱o̱k.”
14
Kä duundɛ ɣöö /ken kɛn ɛ liŋ, cu buɔ̱m ni wi̱cdiɛn, ce̱tkɛ gua̱ni, tëë /ka̱n Kuoth Nhial Kuothdiɛn ŋäth.
15
Kä cukɛ lueekɛ lo̱k, kɛnɛ gukdɛ mëë cɛ lat kɛ gua̱ni kɛnɛ luek ëë cɛ la̱rkɛ. Kä cukɛ guɔ̱ɔ̱r ni kuth jiɛn, kä cukɛ guɔ̱ɔ̱r ni döör tëë cieŋ gëëknikiɛn, tëë ci Kuoth Nhial kɛ la̱r kɛ i̱ /cuarɛ lät ce̱tkɛ kɛ.
16
Kä cukɛ lueek Kuɔth Nhial Kuothdiɛn diaal lo̱k, kä cukɛ rɔ̱ la̱th ti ce̱tkɛ thääk da̱ŋ rɛw. Kä cukɛ rɔ ta̱th Ac-tar-te, kä cukɛ nyin nhial diaal pal, kä cukɛ kuoth Baal pal bä.
17
Kä cukɛ gaatkiɛn waŋ ala muc, kä cukɛ kolaaŋ kɛnɛ ti̱i̱t la̱t, kä cukɛ rɔ̱ kɔak la̱t kɛ ni jiäk waaŋ Kuɔth Nhial, jakɛ jɛ kä gak.
18
Kɛ kui̱c ɛmɔ cu Kuoth Nhial gaak ɛlɔ̱ŋ kɛ ji̱ I-thɛ-rɛl, kä cuɛ kɛ woc muun in cieŋɛ thi̱n. Kä cuɛ thil ti ci duɔth, ɛni thok duëël Juda kä rɔa.
19
Kä /ken Juda lueek Kuɔth Nhial Kuothdɛ tit, cuɛ guɔ̱ɔ̱r ni ciɛŋ tin ca cak ɛ I-thɛ-rɛl.
20
Kä cu Kuoth Nhial kuay I-thɛ-rɛl diaal lo̱k, kä cuɛ kɛ moc riɛk, cuɛ kɛ la̱th tetni pëëcni, amäni mëë cɛ kɛ woc muun in cieŋɛ thi̱n.
21
Kä mëë cɛ I-thɛ-rɛl woc dhɔr Dee-bid, cukɛ Ya-rɔ-baam gat Nɛ-bat jak kä kuäär. Kä cuɛ I-thɛ-rɛl ri̱t kɔɔr Kuɔth Nhial, kä cuɛ kɛ jak kä la̱tkɛ duer mi di̱i̱t.
22
Kä cu ji̱ I-thɛ-rɛl guɔ̱ɔ̱r ni dueer diaal tëë ci Ya-rɔ-baam kɛ la̱t. /Ken kɛn duer päl,
23
amäni mëë ci Kuoth Nhial I-thɛ-rɛl woc muun in cieŋɛ thi̱n, ce̱tnikɛ mëë cɛ lat kɛ göökɛ. Inɔ cua I-thɛ-rɛl pɛc muundɛ cua naŋ muun A-thi-ri-ya amäni walɛ.
24
Kä cu kuäär A-thi-ri-ya naath nööŋ kä Bɛ̈-bi-lɔn, Ku-thaa, Awa, Ä-math, Thɛ-par-wa-yim, kä cuɛ kɛ la̱th wi̱i̱ni Tha-mɛ-ria gua̱thni ji̱ I-thɛ-rɛl. Kä cukɛ wi̱i̱ Tha-mɛ-ria diaal ciɛŋ.
25
Kä mëë took kɛn ciaŋ ɛn wi̱ni, /cukɛ dual kɛ Kuoth Nhial. Kɛ kui̱c ɛmɔ cu Kuoth Nhial rɛydiɛn luɔ̱ny lony mi cu tha̱a̱ŋkiɛn cam.
26
Kä cua la̱r kuäär A-thi-ri-ya i̱, “Dör tëë ci naŋ kä ci wä la̱th wi̱i̱ni Tha-mɛ-ria kui̱c kɛn ŋuɔ̱t Kuɔth wec. Kɛ kui̱c ɛmɔ cɛ rɛydiɛn jäk kä lony ti cam kɛ kɛ, kɛ ɣöö kui̱c kɛn ŋuɔ̱t Kuɔth wec.”
27
Kä cu kuäär A-thi-ri-ya ruac i̱, “Ja̱kɛ ram kɛl kä bööth palä tëë pɛ̈ckɛ kä thi̱n. A jɛ wä cieŋ ɛn wi̱ni, kä a jɛ ŋi̱i̱ckɛ kɛ ŋuɔ̱t Kuɔth wec.”
28
Kä cu bo̱o̱th palä kɛl kä bööth palä tëë ca pɛc kä Tha-mɛ-ria wä cieŋ kä Beth-ɛl, kä cuɛ kɛ ŋi̱eec kɛ luth Kuɔth Nhial.
29
Duundɛ ɣöö cu do̱rɔ rɔ lät kä kuthkɛ, kä cukɛ kɛ la̱th gua̱thni pali tëë ca la̱t ɛ ji̱ Tha-mɛ-ria, do̱rɔ wi̱i̱nikɛ tin cieŋkɛ thi̱n.
30
Kä cu ji̱ Bɛ̈-bi-lɔn Thu-koth-bɛ-noth la̱t, kä cu ji̱ Kuth Nɛr-gal la̱t, kä cu ji̱ Ä-math Ä-ci-ma la̱t.
31
Kä cu ji̱ Ɛ̈wa Ni-badh kɛnɛ Tar-tak la̱t. Kä cu ji̱ Thɛ-par-wa-yim gaatkiɛn wa̱ŋ Ɛ̈d-rɛ̈m-mɛ-lɛk kɛnɛ Ä-nɛ̈m-mɛ-lɛk kuth Thɛ-par-wa-yim.
32
Kä cukɛ Kuoth Nhial pal bä, kä duundɛ ɣöö cukɛ naath kuany bä rɛydiɛn ala bööth palä gua̱th pali kuthni guäyni, kä tho̱p kɛn muc, kɛ kui̱diɛn.
33
Inɔ cukɛ Kuoth Nhial pal kä palkɛ kuthkiɛn tin kɔ̱ŋ ce̱tkɛ ciɛŋ dööri tëë bäkɛ thi̱n.
34
Amäni walɛ lät kɛ ce̱tkɛ ta̱a̱diɛn ëë wal. /Ca Kuoth Nhial pal ɛ kɛn, kä /ca lueekɛ kɛnɛ ŋuɔ̱tkɛ tit tëë cɛ la̱r gaat Je-kɔb mëë cɛ cɔli I-thɛ-rɛl.
35
Ci Kuoth Nhial guk lat kɛ kɛ, kä cuɛ kɛ jiök i̱, “/Cuarɛ kuth kɔ̱kiɛn pal, kä /cuarɛ kɛ tho̱p muc.
36
Duundɛ ɣöö bia Kuoth Nhial pal, mëë käm yɛ raar muun I-jëp kɛ tet mi bum. Bia rɔ̱ goŋ kɛ jɛ, kä bia thöp ni jɛ muc.
37
Kä bia la̱t ni lueek kɛnɛ ŋuɔ̱t diaal tëë cɛ gɔ̱a̱r yɛ. Kä /cia kuth ti kɔ̱ŋ bi pal,
38
kä /cia guk in cä lat kɛ yɛ bi pa̱l rueec. Kä /cia kuth ti kɔ̱ŋ bi pal.
39
Kä duundɛ ɣöö bia pal ni Kuoth Nhial Kuothdun, kä bɛ yɛ kän kä ji̱ tɛ̈run diaal.”
40
Duundɛ ɣöö /ken nɛy tɔ̱tɔ̱ jɛ liŋ, kä cukɛ lät ce̱tkɛ ta̱a̱diɛn ëë wal.
41
Inɔ cu döör ti̱ti̱ Kuoth Nhial pal, kä cukɛ kuthkiɛn tin kɔ̱ŋ pal bä. Kä cu gaatkiɛn lät ce̱tkɛ kɛ, cu mäni gaat gankiɛn cukɛ lät ce̱tkɛ gua̱ni, cukɛ lät inɔ amäni walɛ.
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25