bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Chronicles 21
1 Chronicles 21
nyankole
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Sitaane akaimuka kurabanisamu Abaisiraeli, yaayosya Daudi kubabara.
2
Daudi nikwo kuragiira Yoabu n'abakuru b'eihe ati: Nimwirooko mubare Abaisiraeli, okwiha Beerisheba okuhika Daani. Haza mwije mungambire, mbone kumanya omubaro gwabo.
3
Yoabu yaamugarukamu ati: Nyakubaho naakakanyise abantu baawe emirundi igana, okukira oku bari. Nyakusinga omugabe, boona oku baingana t'abairu baawe, mukama wangye? Mbwenu ekyo, mukama wangye, nookyendera ki? Nooyendera ki kureetera Abaisiraeli kuteebwaho orubanja?
4
Kwonka eki omugabe yaagambire kyakiza ekya Yoabu amaani. Yoabu nikwo kwimuka, akaraba omu Baisiraeli boona; bwanyima akagaruka Yerusalemu,
5
akaha Daudi omubaro gw'abantu bu yaabazire. Omuri Isiraeli hakaba harimu abashaija enkwata-rurara akakaikuru kamwe n'akasiriira kamwe, kandi omuri Yuda harimu abashaija enkwata-rurara obusiriira buna n'obukumi mushanju.
6
Kwonka omuri abo, Yoabu tarabariiremu Baleevi n'Abaabenyamiini; ahabw'okuba eki omugabe yaaragiire kikaba kimutamire.
7
Ekyo kintu kikagwisa kubi Ruhanga, yaafubira Abaisiraeli.
8
Daudi nikwo kweshengyereza Ruhanga ati: Ncumwire munonga kukora ekyo kintu. Kwonka mbwenu ninkweshengyereza, nyowe omwiru waawe onsaasire ekyo kibi, ahabw'okuba nkikozire nfiire omutima.
9
Mpaho Ruhanga yaagambira Gaadi omuhanuuzi wa Daudi ati:
10
Irooko ogambire Daudi oti: Nyakubaho naagira ati: Naakuha ebintu bishatu, otooraneho kimwe, mbe nikyo naakukora.
11
Gaadi atyo aija ahika Daudi, amugambira ati: Nyakubaho naagira ati: Ihaho eki oraasiime:
12
yaaba emyaka eshatu y'enjara, nari okumara ameezi ashatu abazigu baawe bakuhambize nibakwitsa rurara, nainga okumara ebiro bishatu bya rurara ya Nyakubaho, nirwo rufu kujuumikira ensi, maraika wa Nyakubaho naacwekyereza Isiraeli yoona. Mbwenu cwamu eki ndaagarukyemu owantuma.
13
Daudi agira Gaadi ati: Naashobererwa kimwe. N'embu y'obwo, ka ngwe omu mikono ya Nyakubaho, ahabw'okuba embabazi ze ni nyingi munonga; okukira okugwa omu mikono y'abantu.
14
Mukama nikwo kwohereza rufu, ekajuumikira Abaisiraeli, hakafamu abantu obukumi mushanju.
15
Kandi Ruhanga akoohereza maraika Yerusalemu kugicwekyereza. Kwonka ku yaabaire arangariire kugicwekyereza, Nyakubaho yaakireeba, yaayegarukamu ahabw'ako kabi; yaaragiira maraika orikucwekyereza ati: Ekyo nikimara! Banguura omukono gwawe. Obwo maraika wa Nyakubaho akaba ayemereire aha mbuga ya Orunani Omuyebusi.
16
Daudi ku yaimukize amaisho, yaareeba maraika wa Nyakubaho ayemereire ahagati y'ensi n'eiguru, akwaitse rurara agibangiire Yerusalemu. Daudi n'abakuru omu ihanga, bajwaire ebiguniya, nikwo kwinama bakajuumara aha nsi.
17
Daudi akeetongyeza ahari Ruhanga ati: Tiinye oragiire kubara aba bantu? Niinye ncumwire, nkakora ekibi kihango kityo. Mbwenu ezi ntaama zikozire ki? Ai Mukama Ruhanga wangye, naakweshengyereza, k'omukono gwawe gube niinye gwahingamira n'ab'eka ya tata; orekye kujuumikiza abantu baawe rufu.
18
Ebyo ku byahwaire, maraika wa Nyakubaho yaaragiira Gaadi kugambira Daudi kuza kwombekyera Nyakubaho eitambiro omu mbuga ya Orunani Omuyebusi.
19
Daudi atyo agyenda, nk'oku Gaadi amugambiire omu iziina rya Mukama.
20
Mbwenu Orunani ku yaabaire naahuura engano, yaahinduka yaareeba maraika. Haza batabani be bana abu yaabaire aine baayeshereka.
21
Reero Daudi ku yaabaire naizira Orunani, onu yaanagayo amaisho, yaamureeba, yaaruga omu ihuuriro, yaagyenda yaamutangirira ajuumaire aha nsi.
22
Daudi yaagira Orunani ati: Mpa eki kibanja kirimu eihuuriro, mbone kwombekyeramu Nyakubaho eitambiro. Kimpe nkigure, nk'oku obuguzi bwakyo bwona burikwingana, orufu rubone kuruga aha bantu.
23
Orunani amugarukamu ati: Nyakusinga omugabe, kitware, okikore nk'oku orikwenda. Reeba, naakuha ente kuba ekitambo kicwekize, n'ebihuuzo kuba enku, n'engano kuba ekitambo ky'esaano. Kyona naakikuha.
24
Daudi agira Orunani ati: Ngaaha! Kureka niinyija kukigura nk'obuguzi bwakyo oku buri. Tindikwija kutoijera Nyakubaho ebyawe, nobu kwakuba okumutambira ebitambo bicwekize, ebi ntaine ki mbihuuriire.
25
Daudi atyo arenga empiiha z'ezaabu magana mukaaga, aziihura Orunani ahabw'ekyo kibanja.
26
Ayombekyeraho Nyakubaho eitambiro, aritambiraho ebitambo bicwekize, n'ebyokurya kumwe; kandi atakira Nyakubaho. N'onu amugarukamu naayohereza omuriro gurikuruga omu iguru, gugwa ahari eryo itambiro, gwotsya ebitambo.
27
Bwanyima Nyakubaho aragiira maraika, n'onu agarura rurara ye omu kyobati.
28
Ago magingo Daudi ku areeba Nyakubaho yaamugarukiramu aha ihuuriro rya Orunani Omuyebusi, atambiraho ebitambo bye.
29
Ahabw'okuba omu biro ebyo Obutaaho bwa Nyakubaho obu Musa yaakoreire omu ihamba, n'eitambiro ry'ebitambo bicwekize, bikaba biri Gibeoni aha katungutungu.
30
Kwonka Daudi tarabaasize kuzayo kwehanuuza ahari Ruhanga; ahabw'okuba akatiina rurara ya maraika wa Nyakubaho.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29