1 Chronicles 25

nyankole

← Chapter 24 Jump to: Chapter 26 →

1Daudi n'abakuru b'emigyenzo y'okuramya bakatoorana omuri beene Asafu, na beene Hemani, na beene Hedutuuni, ab'okuguma nibaranga eki Ruhanga abatumire, nibateera amagobore n'ebidongo n'enshandaazo. Amaziina g'abaatoorainwe kwebembera omugyenzo gw'okuramya, n'emirimo i baraakore, nigo aga:

2Omuri beene Asafu ni Zaakuri, Yesefu, Netamiya na Ashareela beene Asafu, nibeebemberwa Asafu, owabaire aranga nk'oku omugabe amuragiire.

3Ab'omuri beene Yedutuuni, beene Yedutuuni: Gedaliya, Zeri, Yeshaaya, Shimei, Hashabiya na Matitiya; mukaaga abaabaire nibeebemberwa ishebo Yedutuuni, owaabaire aranga naateera eigobore kusiima n'okuhimbisa Nyakubaho.

4Omuri beene Hemani: beene Hemani ni Bukiya, Mataniya, Uzieli, Shebueli na Yerimooti, taho Hananiya, Hanaani, Eliyaata, Gidaliti, Romamutiezeeri, Yoshebekaasha, Malooti, Hotiri, na Mahazioti.

5Abo boona bakaba bari beene Hemani, omuhanuuzi w'omugabe, abu Ruhanga yaabaire amuraganiise kumuhaisa ekitiinwa. Manya Hemani akaba azaire abatabani mushanju n'abahara bashatu.

6Boona ishebo niwe yaabaire abeebembera nibateerera enanga omuri Nyaruju ya Nyakubaho, enshandaazo, ebidongo, n'amagobore, ahabw'omugyenzo gw'okuramiza omuri Nyaruju ya Ruhanga. Asafu ogwo na Yedutuuni na Hemani bakaba bakora eki omugabe yaabaragiira.

7Omubaro gwabo, hamwe na beene waabo abaabaire batendekirwe kweshongorera Nyakubaho, boona abaabaire nibakumanya gye, gukaba niguhika abantu magana abiri na makumi munaana na munaana.

8Batyo baateerera emirimo yaabo enteenyu, abakuru n'abato, abeegyesa n'abeegi, boona hamwe.

9Enteenyu y'okubanza ekakwata Yosefu ow'Abaasafu. Eya kabiri yaakwata Gedaliya na beeneishe n'abatabani, boona ikumi na babiri;

10eya kashatu, Zaakuri n'abatabani, na beene ishe, boona ikumi na babiri;

11eya kana, Izuri n'abatabani na beeneishe, boona ikumi na babiri;

12eya kataano Netaniya n'abatabani na beeneishe, boona ikumi na babiri;

13eya mukaaga, Bukiya n'abatabani na beene ishe, boona ikumi na babiri;

14eya mushanju, Yeshareela n'abatabani na beene ishe, boona ikumi na babiri;

15eya munaana Yeshaaya n'abatabani na beeneishe, boona ikumi na babiri;

16eya mwenda, Mataniya n'abatabani, na beeneishe, boona ikumi na babiri;

17eya ikumi, Shimei n'abatabani, na beeneishe boona ikumi na babiri;

18eya ikumi n'emwe, Azareeli n'abatabani na beeneishe, boona ikumi na babiri;

19eya ikumi na ibiri, Hashabiya n'abatabani na beeneishe, boona ikumi na babiri;

20eya ikumi na ishatu, Shubaeli n'abatabani na beeneishe, boona ikumi na babiri.

21Eya ikumi na ina ekakwata Matitiya n'abatabani na beeneishe, boona ikumi na babiri;

22eya ikumi na itaano yaakwata Yeremooti n'abatabani na beeneishe, boona ikumi na babiri;

23eya ikumi na mukaaga, Hananiya n'abatabani na beeneishe, boona ikumi na babiri;

24eya ikumi na mushanju, Yoshebekasha n'abatabani na beeneishe, boona ikumi na babiri;

25eya ikumi na munaana, Hanaani n'abatabani na beeneishe, boona ikumi na babiri;

26eya ikumi na mwenda ekakwata Malooti n'abatabani na beeneishe, boona ikumi na babiri.

27Eya makumi abiri yaakwata Eliyata n'abatabani na beeneishe, boona ikumi na babiri;

28eya makumi abiri n'emwe, Hotiri n'abatabani na beeneishe, boona ikumi na babiri;

29eya makumi abiri na ibiri, Gidaliti n'abatabani na beene ishe, boona ikumi na babiri.

30Eya makumi abiri na ishatu yaakwata Mahazioti n'abatabani na beeneishe, boona ikumi na babiri.

31Reero ey'amakumi abiri na ina yaakwata Romamutiezeeri n'abatabani na beeneishe, boona ikumi na babiri.

← Chapter 24 Jump to: Chapter 26 →