bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 18
2 Chronicles 18
nyankole
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Yehoshafaati akaba atungire munonga kandi aine ekitiinwa kingi. Yaaragaana na Ahabu okuguma nibashwererana.
2
Ku haahingwireho emyaka, yaaza Samariya owa Ahabu. Ahabu yaamubaagira n'abu yaabaire aine entaama n'ente nyingi munonga, yaamwotereza kuhurura nawe kuteera Ramoti-Gileadi.
3
Ahabu omugabe wa Isiraeli yaabuuza Yehoshafaati ati: Noija kuhurura naanye kuteera Ramoti-Gileadi? Onu yaamugarukamu ati: Nyowe naiwe turi bamwe, n'abantu bangye nibo baawe. Nitwija kukwatanisa naiwe omu rugamba.
4
Yehoshafaati akagambira omugabe wa Isiraeli ati: Banza oyehanuuze ahari Nyakubaho, oreebe eki arikugamba.
5
Omugabe wa Isiraeli atyo ateeranira hamwe abarangi magana ana, ababuuza ati: Tuhurure tuteere Ramoti-Gileadi, nari ndereere? Bamugarukamu bati: Nyakusinga, hurura! Ruhanga naija kugikurekurira ogisingure.
6
Kwonka Yehoshafaati amubuuza ati: Beitu aha tihariho ondi murangi wa Mukama ou twakwehanuuzaho?
7
Omugabe wa Isiraeli agira Yehoshafaati ati: Hakiriyo omuntu omwe ou twakwehanuuzisa ahari Nyakubaho: niwe Mikaaya mwene Imula. Kwonka timmwenda, ahabw'okuba tandagurira birungi, kureka obutoosha andagurira ebibi. Yehoshafaati amugarukamu ati: Nyakusinga, ekyo tokukigambire.
8
Mpaho omugabe wa Isiraeli ayeta omukungu we, amugira ati: Ndeetera ahonaaho Mikaaya mwene Imula.
9
Obwo omugabe wa Isiraeli na Yehoshafaati omugabe wa Yuda bakaba basingami aha bitebe byabo by'obugabe bajwaire bushuuti zaabo. Bakaba bashutami omu mbuga, aha irembo rya Samariya; abarangi boona nibaragurira omu maisho gaabo.
10
Reero Zedekiya mwene Kenaana yaayeheeshera amahembe g'ekyoma. Haza yaagira ati: Nyakubaho naagira ati: Aga mahembe nigo oraabingise Abasiriya okuhitsya obu oraabacwekyereze.
11
N'abandi barangi boona baahanuura batyo. Baagira bati: Nyakusinga, irooko oteere Ramoti-Gileadi; haza osingure. Nyakubaho naija kugikurekurira ogisingure.
12
Ou baatumire kweta Mikaaya ku yaamuhikire, yaamugira ati: Reeba, ebi abarangi baagamba byona byaragurira gye omugabe. Naiwe eki oraagambe kibe nk'ekyabo, ogambe ebirungi.
13
Kwonka Mikaaya agira ati: Nindahira Nyakubaho, eki Ruhanga wangye arangambire, nikyo ndaagambe.
14
Reero ku yaahikire omugabe, onu yaamubuuza ati: Mikaaya, tuhurure, tuteere Ramoti-Gileadi, nari ndereere? N'onu amugarukamu ati: Irooko ohurure, osingure! Nyakubaho naija kubakurekurira obasingure.
15
Kwonka omugabe amugira ati: Niinyija kuherera hi kuguma ninkurahiza nti: Waaba nongambira omu iziina rya Nyakubaho, otagamba ekindi kureka amazima?
16
Onu amugira ati: Ndeebire Abaisiraeli boona bataataaniire omu nshozi, bari nk'entaama zitaine muriisa. Haza Nyakubaho yaagira ati: Aba tibaine mukama waabo. Buri omwe k'agarukye omu ka ye n'obusingye.
17
Omugabe wa Isiraeli agira Yehoshafaati ati: Tinaakugira nti tarikwija kundagurira birungi, kureka ebibi?
18
Mikaaya amugira ati: Mbwenu hurira ekigambo kya Nyakubaho. Ndeebire Nyakubaho asingami aha kitebe kye ky'obugabe, amahe g'omu iguru goona geemereire aha rubaju rwe rwa buryo n'orwa bumosho.
19
Nyakubaho abuuza ati: N'oha oraabeihabeihe Ahabu akahurura, haza akagwa Ramoti-Gileadi? Omwe agamba ekindi, n'ondiijo agamba ekindi.
20
Bwanyima haahuruutukayo omutima, gwayemerera omu maisho ga Nyakubaho, gwagira guti: Niinye ndaamubeihabeihe. Mukama yaagugira ati: Noomubeihabeihesa ki?
21
Gwagarukamu guti: Niinyija kuzayo ngambise abarangi be boona ebishuba. N'onu agugira ati: Eego. Niiwe oraamubeihabeihe, okakibaasa. Mbwenu irooko, obe nikwo waagira.
22
N'ahabw'ekyo Nyakubaho ataire omutima gw'ebishuba omu kanwa k'abarangi baawe aba. Nyakubaho akugambireho enkuru mbi.
23
Mpaho Zedekiya mwene Kenaana yairira haihi, yaateera Mikaaya oruhi rw'omushaya, yaamugira ati: Mutima wa Nyakubaho andugireho ata kuza kugamba naiwe?
24
Mikaaya amugarukamu ati: Ekyo noija kukireeba aha izooba ri oraayesherekyereho omu kishengye ky'endugu.
25
Omugabe wa Isiraeli nikwo kuragiira ati: Mukwate Mikaaya, mumugarure owa Amoni omutegyeki mukuru w'orurembo, n'omwinginya Yoashi,
26
haza mubagambire muti: Omugabe yaagira ati: Mute eki kishaija omu kihome, mukihe ak'okurya kakye n'otwizi, okuhitsya obu ndaagarukye buhooro.
27
Mikaaya amugira ati: Ku oraagarukye n'obusingye, biri Nyakubaho tiyangambisa. Agumizamu ati: Naimwe mwena ekyo mukihurire!
28
Omugabe wa Isiraeli na Yehoshafaati omugabe wa Yuda baaza Ramoti-Gileadi.
29
Omugabe wa Isiraeli agira Yehoshafaati ati: Nyowe naaza kwehindura okundi, nze aha rugamba. Kwonka iwe ogume ojwaire eby'obugabe. Omugabe wa Isiraeli atyo ayehindura okundi baza aha rugamba.
30
Obwo omugabe wa Siriya ashangwa yaaragiire abakuru b'ebigaari bye ati: Mutarwanisa omuntu weena, nobu yaakuba omuto nari omukuru; kureka murwanise omugabe wa Isiraeli.
31
Abakuru b'ebigaari ku baareebire Yehoshafaati, baateekateeka ngu niwe mugabe wa Isiraeli. Baaba niwe bahindukira kurwanisa. Yehoshafaati aborooga, na Mukama Ruhanga amujuna, abamwihaho.
32
Mbwenu abakuru b'ebigaari ku baareebire ngu tiwe mugabe wa Isiraeli, baarereera kumubinga.
33
Kwonka omushaija omwe yaafa okurasha omwambi, yaaguteera omugabe wa Isiraeli ahu ebijwaro bye by'okurwanisa n'eky'aha kufuba birikuteeranira. Omugabe nikwo kugira orikugyendesa ekigaari kye ati: Hinduka, onyihe omu rugamba, ahabw'okuba naahutaara.
34
Eryo izooba orugamba rushaarira, omugabe wa Isiraeli aguma ayehigikire omu kigaari kye, naareeba ei Abasiriya bari okuhitsya omu mwabazyo. Reero eizooba ku ryabaire nirirengarenga, yaafa.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36