bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
2 Chronicles 28
2 Chronicles 28
nyankole
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
1
Ahazi akaba omugabe aine emyaka makumi abiri y'obukuru; yaategyekyera emyaka ikumi na mukaaga omuri Yerusalemu. Haza tiyaakora bi Nyakubaho arikusiima, nka Daudi ishenkuru; kureka yaakuratira emitwarize y'abagabe ba Isiraeli. Yaataho n'okuheesha ebishushani bya Baabaali.
2
Ekindi, akooterera obubaani omu ruhanga rwa mwene Hinomu.
3
Yaatamba abatabani naabootsya kuba ebitambo bicwekize, naakuratira emicwe y'ekihagaro ey'abanyamahanga abu Mukama yaabingire kuhigiza Abaisiraeli.
4
Kandi yaatambira ebitambo n'okwoterera obubaani aha butungutungu, n'omu bibungo, n'omu mirinzi.
5
Nikyo Mukama Ruhanga we yaamurekuririire omugabe wa Siriya akamusingura; akakwata abantu be baingi munonga, akabatwara Damasiko bari enkwatwa. Ekindi, Ruhanga akamurekurira omugabe wa Isiraeli, yaamusingura aitsire abantu be baingi munonga.
6
Manya omu izooba rimwe Peeka, mutabani wa Remaliya, akaita omuri Buyuda abantu akasiriira kamwe n'obukumi bubiri, boona bari amamanzi rugambwa; ahabw'okuba bakaba batsigireho Mukama Ruhanga wa baishebo.
7
Reero Zikuri emanzi rugambwa ow'Abaefuraimu yaita Maaseya mutabani w'omugabe, na Azirikaamu omukuru w'ekikaari ky'omugabe, na Elukaana enganzi y'omugabe.
8
Abaisiraeli nabo baakwata Abaayuda beene waabo obusiriira bubiri, obariiremu abakazi, na batabani baabo, na bahara baabo; baataho n'okubasikuraho eminyago mingi, baagitwara Samariya.
9
Kwonka omurangi wa Nyakubaho orikwetwa Odedi akashohora kubugana eihe ry'abaabaire nibatabaaruka, nibagaruka Samariya. Yaabagira ati: Nimumanya ku Mukama Ruhanga wa baashwenkuriimwe yaagwereirwe kubi Abaayuda, akababarekurira mukabasingura, kwonka mukabaita mwine ekiniga kirengyesereize ekyatuumire kikahika omu iguru.
10
Reeba, hati nimwenda kutegyeka Abaayuda n'Abaayerusalemu, abashaija n'abakazi, kubahindura abahuuku baanyu. Ebyo imwe timwine bibi bi mwakozire, mukacumura ahari Mukama Ruhanga waanyu?
11
Mbwenu nimumpurire, mugarureyo enkwatwa ezi mwihire omuri beene waanyu mukaireeta, ahabw'okuba kashanga ya Nyakubaho ebahingamiire.
12
Bamwe omu bakungu b'Abaefuraimu: Azariya mwene Yohaanani, Berekiya mwene Meshilemooti, Yehizekiya mwene Shalumu, na Amaasa mwene Hadulai, baakumiirira abaabaire nibaruga aha rugamba.
13
Baabagira bati: Mutareeta aha ezi nkwatwa. Ahabw'okuba nimwenda kutucumuza ahari Nyakubaho, tukongyerera aha rubanja rwaitu n'aha bibi byaitu. Haza orubanja ru twine ruri ruhango kureetera Ruhanga kutugirira itwe Abaisiraeli ekiniga kingi akatufubira.
14
Ezo ngabo nikwo kutsiga enkwatwa n'eminyago omu maisho g'abategyeki n'abantu abateeraniire aho.
15
Reero abashaija abaagambwa amaziina, baimuka baayakiira ezo nkwatwa, baakora aha minyago eby'okujweka boona abajwaire busha omuribo batyo baabajweka, baabaha enkaito, baabatungira ebyokurya n'ebyokunywa, baabasiiga amajuta, kandi abataine maani omuribo baabaheeka aha ndogoya, baabatwara baabahitsya beene waabo omuri Yeriko, orurembo rw'emikindo. Bwanyima Abaisiraeli baagaruka Samariya.
16
Omu biro ebyo, Omugabe Ahazi akatuma aha mugabe wa Asiriya kumuha emikono.
17
Ahabw'okuba Abaedomu bakaba bateire Abaayuda babasingwire, kandi babatwairemu enkwatwa.
18
Ekindi, Abafilisiti bakaba batabaire endembo z'omuri Shefeela, ne Negebu, eza Buyuda, bakwatsire Betishemeshi, Aiyalooni, Gederooti, Soko n'ebirorero byayo, Timuna n'ebirorero byayo, na Gimuzo n'ebirorero byayo; kandi bazitwiremu.
19
Manya Nyakubaho akaba acwire Buyuda eishaija, ahabw'okuba Ahazi omugabe waayo akaba akoreire omuri Buyuda ebirikuhemura, kandi acumwire munonga ahari Mukama.
20
Ekyarugiremu Tigulati-pilineseeri, omugabe wa Asiriya, yaija yaamuteera, yaamubonabonesa munonga, omu mwanya gw'okumuha emikono.
21
Ahazi atyo aiha ebintu omuri Nyaruju ya Nyakubaho, n'omu kikaari ky'omugabe, n'omu maju g'abategyeki, abitoijera omugabe wa Asiriya kumuguriirira, kwonka ekyo tikigira ki kyamugasira.
22
Ogwo mugabe, omu biro by'okubonabona kwe, akongyera kucumura ahari Nyakubaho.
23
Manya baaruhanga ba Damasiko, abaabaire bamusingwire, akabatambira ebitambo. Yaagira ati: Nk'oku baaruhanga b'abagabe ba Siriya babahwereire, naanye niinyija kubatambira ebitambo, bampwere. Haza ekyo kyamureetera okuhwerekyerera, hamwe n'eihanga rye.
24
Reero Ahazi ogwo akarundaana ebintu by'omuri Nyaruju ya Ruhanga yaabisheenyagura, yaakinga enyigi za Nyaruju ya Nyakubaho, yaayekorera amatambiro omu bwehogo bwa Yerusalemu.
25
Endembo za Buyuda zoona yaazitamu obutungutungu bw'okwotereramu baaruhanga obubaani. Yaagwisa atyo kubi Mukama Ruhanga wa baishenkuru.
26
Mbwenu ebindi ebi Ahazi yaakozire n'emitwarize ye yoona, okwiha aha kutandika okuhitsya aha muheru, bihandiikirwe omu Kitabo ky'ebyabaireho omu busingye bw'Abagabe ba Yuda n'aba Isiraeli.
27
Bwanyima Ahazi akafa, yaashanga baishenkuru. Baamuziika omu rurembo rwa Yerusalemu, kwonka tibaamuziika mu bituuro by'abagabe ba Buyuda. Omutabani Hezekiya yaamuhungurira.
← Chapter 27
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 29 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36